Jolebi 1:3 - Baibuli I Leb Kumam 2013

³ Ka dano tie mino giayala awanga me diang, miero ebed twon kame li kede peko moro i kome. Poore en etere i ekeko me Eema me ariamakin kede Rwot, tetekeny Rwot gam giayala nono kawang dano nono.

Jolebi 1:3 Iomraidhean Croise

Ageini 22:13

Aburaam oko tingo wange malo di eko neno oromo di tunge omoko i jange me yat. Aburaam oko ot di eko kwanyo oromo nono eko kelo di eko mino but Rubanga bala giayala awanga akaka wode.

Ageini 22:2

Rubanga oko waco ne be, “Ter wodi Isaka, en wodi acel kenekene kame in imaro twatwal. Ot kede i lobo me Moria kakame in ibino mine iye bala giayala awanga i wi moru kame ango abino nyuto ni.”

Ageini 22:8

Aburaam oko gamo be, “Woda, Rubanga kikome en kame bino mino wan oromo kame obino wango me yale.” Gin di do kiko meede kede ot karacel.

Ageini 8:20

Nua oko gero ne Rwot alutari, eko kwanyo egere dedede me leini kede winy kalikame obedo me kwer, di eko wango gi i wi alutari pi bedo giayala awanga.

2 Iyutun 29:32

Gin kiko kelo twonin ot kanyaare (70), imerekekin tol acel (100), kede idwe romini tol are (200) bala giayala awanga but Rwot.

2 Iyutun 35:12

Jolebi oko poko tenge giayala awanga pi popoko ne jo, di lubere kede ikodeta me ikekon me joakwari gi, tetekeny kikaruno mino giayala nogo but Rwot bala kame kowandiko i itabu ka Musa. Gin kiko timo kamanono da kede twonin.

Sabuli 110:3

I ceng kame in ibino telo kede jo yi ni i wi moru kacil, jo ni bino jalere ken gi me ot yi, awobe ni bino bino buti bala toyo kame bino odiko.

Sabuli 40:8

Okwe Rwot Rubanga na, ango cunya yom pi timo mit nin; iswil nin tie i cunya.”

Yai 12:5

Jo twero kwanyo oromo amoto diel icuo, do miero di etie kede mwaka acel, doko di eli kede peko moro i kome.

Yai 24:5

En eko cwano awobe, di gin kiko mino giayala awanga kede kiko mino twonin but Rwot bala giayala me nywak.

Yai 29:18

Wang oromo nono lung i wi alutari; en etie giamia awanga but Rwot; giamia kame kowango kede mac, giamia kame ngwe kur but Rwot.

Yai 29:4

“Ibino kelo Aaron kede awobe mege i ekeko me Eema na di iko mino gi kibol.

Yai 29:42

Giayala awanga noni kobino mino i nyima, i ekeko me Eema me riamo keda nakanaka pi kare lung. Kanono en kame ango abino riamo kede wu iye pi yamo kede wu.

Yai 32:6

Oru mere gin kiko yai odiko sek, di kiko kelo leini mogo me mino giayala awanga kede mogo kiko neko pi gin camo bala giamia me nywak. Di jo oko bedo piny cam kede amata, kiko bilor i miel kede timo caro.

Yai 35:21

Di gin kiko dwogo but Musa, ngat acelacel kame oudo owinyo i cunye, kede kame cunye oudo mito, kiko kelo ne Rwot giamia me timo Eema me ariamakin kede en, kede me timo tice mege dedede, kiton me timo igoen kacil me josaseredoti.

Yai 35:29

Jo dedede me Isirael, cuo kede mon kame oudo cuny gi mito kelo gimoro me timo tic kame oudo Rwot ociko Musa iye be jo timi, oko kelo jamini nogo but Rwot abongo adiadia moro.

Yai 35:5

Kwanyunu gikame itienu kede di ikounu mino Rwot giamia. Ngat kame cunye ler, wek ekel ne Rwot giamia me saabu, siliba, nyonyo buronsi;

Yai 36:3

Musa di oko mino gin giamia dedede kame oudo jo me Isirael otero bute me timo tic me Eema kacil. Jo me Isirael oko meede kede tero giamia gi but Musa buli odiko.

Yai 38:1

Basalel oko timo alutari me wango giayala kede ebao me yat akasia; boro kede laco mere oudo rorom; boro mere oudo tie puti kanyaare kede dul, laco mere da kamanono, kede boro mere malo oudo tie puti ongwon kede dul.

Isaya 1:11

En ewaco be, “Twon giayala wu go kony gi nyo kibuta? Romini kame ingolunu me giayala kede kakamio me leini otieko roma; likame doko cunya mito remo me giayala me twonin kede me romini kede me diegi.

Esekeri 20:40

Pien i wi moru na kacil, moru me Isirael abor malo, wun dedede jo Isirael ibinunu wora i kunono. Ango abino gamo wu i kunono, di ako mito ne wu kelo na jamini wu, giamia abeco kame iyerunu ayera, kede giamia wu dedede kacil.

Esekeri 40:39

I agola alac me kadonyo nono oudo tie iye imesai ongwon, are i bad tetuni kede bobo are i bad tetuca. Imesai nogo en kame oudo kongolo iye leini me giayala awanga, giayala me kwanyo dub kede giayala me timo cul.

Jolebi 1:10

Ka dano tie mino giayala me oromo amoto diel, giayala nono poore bed ekoroi kame li kede peko moro i kome.

Jolebi 14:10

I ceng me kanyauni en eko bino kelo romini are acuo, kalikame tie kede peko moro i kom gi, kede oromo akaale me mwaka acel kalikame tie kede peko moro i kome, kilo adek me alos kame konyongo kede mo me olibeti, kede mo me olibeti anoko dul lita.

Jolebi 16:7

Di do en eko bino tero diegi are nogo di eko keto gi i nyim Rwot, i nyim ekeko me Eema me Ariamakin kede Rwot.

Jolebi 17:4

akaka kele i ekeko me Eema me ariamakin kede Rwot pi mine bala giayala i nyim taberenakol ka Rwot, icuo nono bino bedo kede raco me onyo remo; udo en etieko onyo remo doko miero riame tenge kibut jo me Isirael.

Jolebi 17:8

Dano moroni me Isirael arabo ngakumbor moro kame bedo kede gin, kame mio giayala awanga arabo giayala moroni,

Jolebi 17:9

di likame en eko kele i ekeko me Eema pi yale buta, kobino riame tenge kibut jo me Isirael.

Jolebi 23:12

I ceng kame kokiarao kede arita i nyima, ibinunu mino giayala awanga me oromo me mwaka acel, kalikame tie kede peko moro i kome.

Jolebi 23:18

Ibinunu kelo karacel kede mugati nogo, idwe romini kanyaare me mwaka acelacel kame li kede peko moro i kom gi, twon etobait kede romini are acuo; kobino mino gi but ango Rwot bala giayala awanga, karacel kede giayala me alos kede me amata. Gin en giayala awanga kame ngwe kur buta ango Rwot.

Jolebi 3:1

Ka dano tie mino giayala me nywak, miero ebed diang kame li kede peko moro i kome.

Jolebi 4:15

Joadongo me ekodet ko cibo cing gi i wi twon nono i nyim Rwot, di oko ngolo twon nono kanono i nyim Rwot.

Jolebi 4:23

cucuto ka en eko niang i dub mere nono, en ebino tero giayala me ekoroi ali kede peko moro i kome.

Jolebi 4:3

Ka Ngatel me Josaseredoti en odubo di eko kelo raco i wi jo, en ebino kwanyo twon kame li kede peko moro i kome, di eko yale but Rwot pi dub mere.

Jolebi 4:32

Ka dano otero oromo pi bedo giayala akwanyo dub, poore ebed oromo adako kame li kede peko moro i kome.

Jolebi 5:15

Ka ngatamoro odubo, i yore me dagi culo but Rwot gikame poore mine, do di likame etimo akaa, dano nono poore tero ne Rwot bala cul, emerekek amoto ekoroi kame li kede peko moro i kome. Rom mere kobino poro kede wel kame kotieko moko. Manoni obedo giayala me timo cul.

Jolebi 5:18

En epoore tero but ngasaseredoti emerekek amoto ekoroi kame li kede peko moro i kome bala giayala me timo cul. Ngasaseredoti ko bino mino giayala pi kwanyo dub kame dano nono otimo do di likame etimo akaa, di Rubanga ko sasiro en.

Jolebi 6:2

Dano poore mino giayala ka etimo dub but Rwot i yore me dagi dwoko ne dano ngawote alibon kame komie, arabo gikame osingao ne, arabo ka ekwalo gimoro kibute amoto ka esere,

Jolebi 6:8

Rwot oko yamo kede Musa di ecike

Jolebi 7:16

Ka dano otero giayala me nywak pi cobo isikan mere, arabo bala giayala kame en ekwanyo i mit mere kene, kobino came i ceng kame koyale kede, do donge mere oko bino camo oru mere.

Jolebi 8:18

Alubo mere Musa oko kelo emerekek me giayala awanga, di Aaron kede awobe mege oko cibo cing gi i wie.

Jolebi 9:2

En eko waco ne Aaron be, “Kwany twon etobait kede emerekek kame li kede peko moro i kom gi; twon etobait bino bedo giayala me kwanyo dub, do emerekek bino bedo giayala awanga.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Malaki 1:14

Ilam poore mak ngat kame mio bala giayala, le kame tie kede peko moro i kome, do di en etie kede le ace aber kame en oudo ecikere pi mina! Pien ango en Abaka adwong, doko jo me atekerin dedede lwora.”

Wel 15:3

“Ibinunu donyo mina giayala me twonin, imerekekin, romini kede diegi bala giayala awanga, arabo bala giayala me cobo isikan, arabo bala giayala me bercuny, arabo bala giayala me ceng adongo me edini; ngwece me giayala awanga nogi bino yomo cunya.

Wel 15:8

“Kame koyalo twon buta bala giayala awanga, arabo bala giayala me cobo isikan, arabo bala giayala me nywak,

Wel 19:2

pi mino jo me Isirael iswilia kame lubo nogi. Jo me Isirael miero kel atakit akwar but Musa kede Aaron, atakit kalikame tie kede peko moro i kome, doko di likame pwodi koketo ayoko moro i ngute.

Wel 23:19

Rubanga likame obedo dano, tetekeny eromo ngalo, en likame ebedo anywali me dano tetekeny eromo loko tam mere. Gi dedede kame en ecikere iye, en etimo; en eyamo kop di eko cobo timo da.

Wel 23:27

Aso, Balak oko waco ne Balaam be, “Nan do bia, ango amito teri kabedo ace; cengemogo cuny Rubanga bino bedo yom di eko yei ne in lamo gin nango ki kunono.”

Wel 23:3

Di do Balaam oko waco ne Balak be, “Dong kan i nget giayala awanga ni di ango ber aoto tenge. Cengemogo Rwot twero bino pi riamo keda. Gimoroni kenekene kame en enyuto na, ango abino waco ni.” Di en eko ot malo i wi emukura kakaler,

Wel 23:30

Aso, Balak oko timo bala kame Balaam oudo owaco ne, di eko mino giayala me twon kede emerekek i wi alutari acelacel.

Wel 28:11

I agege me duwe acelacel, ibinunu mino giayala awanga but Rwot kaman: itobai are, emerekek acel, idwe romini kanyaare me mwaka acelacel, gin dedede di likame kitie kede peko moro i kom gi.

Wel 28:19

Ibinunu mino giayala awanga bala giayala me cam kame komio but Rwot: itobai are, emerekek acel, kede idwe romini acuo kanyaare me mwaka acelacel, gin dedede di kili kede peko moro i kom gi.

Wel 28:31

Ibinunu mino giayala me leini nogi ali kede peko moro i kom gi, karacel kede giayala amata, medo i wi giayala awanga me buli ceng kede giayala me alos.

Wel 29:13

I ceng me agege mere kobino mino but Rwot giayala me cam kame ngwe kur: itobai tomon kiwie adek, imerekekin are, kede idwe romini acuo tomon kiwie ongwon me mwaka acelacel, gin dedede di kili kede peko moro i kom gi.

Wel 29:2

Jo bino mino giayala awanga kame ngwe kur but Rwot: etobait acel, emerekek acel, kede idwe romini acuo kanyaare me mwaka acelacel; gin dedede miero di kili kede peko moro i kom gi.

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Yokana 1:36

En eko neno Yesu di tie ot, di eko waco be, “Nenunu Katin Romo ka Rubanga!”

Yokana 10:7

Yesu bobo oko waco ne gi be, “Ateteni, ateteni awaco ne wu be, ango en erute kame romini donyo kiye.

Yokana 10:9

Ango en erute, ka ngatamoro odonyo ki buta ebino udo alako, doko ebino donyo kede wok ooko, di eko udo lum kolot.

2 Jokorinti 8:12

Ka mit me mino tie, Rubanga gamo giamia, di lubere kede gikame dano tie kede, do weko gikame eli kede.

2 Jokorinti 9:7

Ngat acelacel miero kwany mic bala kame cunye mito, abongo gung arabo adiadia, pien Rubanga maro ngat kame mio kede yomcuny.

Joepeso 2:18

pien i Kirisito, wanunu dedede okarununu tuno but Papa i Tipo acel.

Joepeso 5:27

me wek emi ekodet me jokirisito bute kene di etie gi me deyo, abongo karamoro kopwokere arabo karamoro korurujun, amoto gimoro ace kame cal kamanono, tetekeny ebed gikacil abongo raco moro.

Iswilia 12:27

Ibinunu mino giayala awanga wu, ringo karacel kede remo, i wi alutari ka Rwot Rubanga wu; remo me giayala wu apat mege ibinunu onyo i nget alutari ka Rwot Rubanga wu, do ringo gi itwerunu camo.

Iswilia 15:21

Do ka tie gimoro arac kede le nono, ka engwalo arabo wange oto amoto etie kede peko moro adwong i kome, likame ibinunu yale but Rwot Rubanga wu.

Iswilia 17:1

“Miero kur iyalunu but Rwot Rubanga wu twon arabo oromo kame tie kede peko moro i kome, pien manono Rwot Rubanga wu dagi.

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!