Jolebi 1:2 - Baibuli I Leb Kumam 2013

² iswilia kame jo me Isirael poore lubo ka kitie mino giayala kaman: Ka ngatamoro kibutu okelo le mere me giayala, poore ekel diang arabo oromo amoto diel.

Jolebi 1:2 Iomraidhean Croise

Ageini 4:3

Ingei kare moro Kain oko kelo ne Rwot giayala me cam kame oudo epuro,

Ageini 4:5

do eko dagi Kain kede giayala mere. Aso, cuny Kain oko wang di cal me nyime oko lokere.

1 Iyutun 16:29

Miunu Rwot deyo kame poore kede nyinge; kelunu ne giayala, di ikounu ot i nyime. Worunu Rwot di ingapunu engape kacil;

Esera 3:5

Medo i wi manono, gin oudo kiko donyo mino giayala me nakanaka kame kowango dedede, kede giayala me Ebaga me Por Duwe, kede giayala kame komio i ceng adongo ace kame jo woro iye Rwot, kede da giayala kame jo dedede mio i mit gi ken gi but Rwot.

Yai 20:24

Timunu nango alutari me lobo di ikounu yalo iye romini kede dok bala giayala wu awanga kede giayala me nywak. I kabedo dedede kame ango abino yero ne wu pi wora kiye, abino bino butu di ako mino wu winyo.

Wel 15:3

“Ibinunu donyo mina giayala me twonin, imerekekin, romini kede diegi bala giayala awanga, arabo bala giayala me cobo isikan, arabo bala giayala me bercuny, arabo bala giayala me ceng adongo me edini; ngwece me giayala awanga nogi bino yomo cunya.

Wel 5:15

i kom kope are nogi dedede, icuo poore tero dako mere nono but ngasaseredoti. En epoore da tero giayala me kilo acel me alos me mawele, do likame ebino nyalo iye mo me olibeti arabo odok adunya angwe kur, piento en ebedo giayala kowok kibut icuo atie kede potocuny i kom dako mere; kotime pi nyuto gi dedede kakaler.

Marako 7:11

Do wun ipwonyunu be ka dano owaco ne papa mere amoto toto mere be, ‘Gikame oudo koto iudo kibuta obedo Koroban’ (kame dwong mere be, giamia but Rubanga),

Joroma 12:1

Pi mano, imiegu kede amiegu na, akwao wu pi cuny me kisa ka Rubanga be, miunu komu bala giayala kame kuo, gikacil kame yomo cuny Rubanga. Manoni en woro Rubanga i ateni.

Joroma 12:6

Bala kame otienu kede giamia apapat kame lubere kede kisa kame Rubanga omio wa, wek otiunu kede gi. Ka giamia wa obedo me imurai, otiunu kede di lubere kede rom me yei wa;

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.