Joepeso 3:3 - Baibuli I Leb Kumam 2013

³ kede da epone kame konyuto na kede gikame omungere, bala kame atieko wandiko kede malo kano kede kope anonok go.

Joepeso 3:3 Iomraidhean Croise

Tice 22:17

“I kare kame ango bin adwogo kede Yerusalem, ako neno gianyuta di oudo atie ilega i tempulo.

Tice 22:21

Di en eko waco na be, ‘Yai ioti, pien ango ayaro cwani kakabor but jo kalikame Iyudayan.’ ”

Tice 23:9

Di do icelakin atek oko cakere; di jopwony me Iswil mogo me ekodet me Iparisayon oko cungo malo di kimoko be, “Wan likame oudo kop moro arac i kom icuo ni. Kara ber ka malaika amotoko tipo en koyamo kede, udo raco mere nyo?”

Joroma 11:25

Imiegu kede amiegu na, pi mino wu kur itamunu kenu be iriekunu kalamo kite kame itienu kede, ango amito ingeunu gikame omungere noni be, jo mogo me Isirael nan tie kede epali, ebino bedo kamanono tuno di wel me jo kalikame Iyudayan kame bino but Rubanga oromo,

Joroma 16:25

Omiunu Rubanga deyo, en ngat kame karuno mino wu icungunu di itekunu i yei, di upere kede ejiri kame ango atuco kede kop kame apwonyo i kom Yesu Kirisito, di lubere kede nyutere me gikame omungere, kame oudo kokano pi kare alac.

2 Jokorinti 12:1

Miero ango awakere; likame tie gimoro aber kame udere kiye, do ango abino meede di awaco kop i kom gikame Rwot onyuto na.

Jogalatia 1:12

Pien likame ango agame kibut dano amoto dano en kopwonya iye, do ango aude ki nyutere ka Yesu Kirisito.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Joepeso 3:4

Kame wun isomunu kop noni, ibinunu niang epone kame ango angeo kede gikame omungere i kom Kirisito.

Joepeso 3:6

Mung noni en ine be, pi kop me ejiri, jo kalikame Iyudayan otieko doko jo kame nywako winyo ka Rubanga karacel kede Iyudayan, jo me kom acel, doko kinywako cikere acel i Kirisito Yesu.

Joepeso 3:9

kede pi mino jo dedede ngeno iik me mung ka Rubanga kame oudo ekano pi kare alac, en ngat kame ecweo jame dedede.

Joepeso 6:19

Doko da kwaunu Rubanga pira, tetekeny kame atie yamo wek emia kop kame abino yamo, di ako mino jo ngei gikame omungere me ejiri di ali kede lworo moro.

Jokolosai 2:2

Atimo kaman pi mino gi tekcuny, kede pi mino gi ribere karacel i amara di kiko bino udo abar dedede me niang kede ngec me gi komungere ka Rubanga, kame obedo Kirisito.

Jokolosai 4:3

Doko legunu ne wada, me wek Rubanga yab ne wa ekeko me pwonyo kop mere, tetekeny otuc mung i kom Kirisito, gikame kotwea i otkol pire,

Iburanian 13:22

Imiegu kede amiegu na, ango akwao wu pi kanyakino winyo kope na kame supo cunyu, pien ango awandiko ne wu baluwa acecek.

1 Petero 5:12

Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.

2 Petero 3:15

Doko terunu dire ka Rwot wa bala alako wu. Omin wa me amara Paulo da owandiko baluwa butu pi rieko kame komie,