Joepeso 1:1 - Baibuli I Leb Kumam 2013

¹ Baluwa kowok kibut Paulo, ngat kame Rubanga olwongo i mit mere pi bedo ngaor ka Kirisito Yesu. But jokacil kame tie Epeso, kame genere i Kirisito Yesu.

Joepeso 1:1 Iomraidhean Croise

Wel 12:7

Do likame etie kamanono kede Musa; ango atieko cibe pi bedo ngat kame lo jo na me Isirael.

Luka 16:10

Ngat kame genere kede gikame titidi twatwal, udo egenere kede gikame dwong da; doko ngat kalikame genere kede gikame titidi twatwal, udo likame egenere kede gikame dwong da.

Tice 16:15

Ingei batiso en karacel kede jo me i ode dedede, Lidia oko ngangao wa di ewaco be, “Ka wun itiekunu neno be ango atie kede yei i kom Rwot, bia ibedunu i oda.” Tam mere oko bwono merwa.

Tice 18:19

Di bin kituno Epeso, en eko weko Akwila kede Purisila kuno, eko ot i sinagoga, di eko donyo piem kede Iyudayan.

Tice 18:21

Do esawa kame oudo etie yai kede, en eko waco ne gi be, “Ango abino dwogo butu ka Rubanga oyei.” Di do en eko kwang eyai ki Epeso.

Tice 9:13

Do Anania oko dwoko ne be, “Rwot, ango atieko winyo kop i kom icuo no kibut jo atot, twon raco kame en etieko timo ne jo ni i Yerusalem.

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Joroma 1:7

Butun jo dedede kame Rubanga maro, wun jo kame itienu Roma, jo kame kolwongo pi bedo jokacil, wek Rubanga Papa kede Rwot wa Yesu Kirisito mi wu kisa kede mulem.

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

1 Jokorinti 4:12

wan ocane kitek, di otio kede cing wa. Kame koyeto wa, wan omio winyo; kame kotidilo wa, wan okanyakino;

1 Jokorinti 4:17

Nan ango atie cwano Temeseo butu pi kop noni, en ebedo atin na kame amaro, kede kame genere i Rwot. En ebino mino wu iyutununu yote na i Kirisito Yesu, bala kame ango abedo pwonyo gi kede i kabedo dedede i ikodeta dedede me jokirisito.

2 Jokorinti 1:1

Baluwa kowok kibut Paulo ngat kobedo ngaor ka Kirisito Yesu pi mit ka Rubanga, kede kibut omin wa Temeseo. But ekodet me jo koyei Rubanga i Korinti karacel kede jokacil dedede kame tie Akaya.

Jogalatia 1:1

Baluwa kowok kibut Paulo ngaor, kame or mere likame owok kibut jo amoto obeo kibut dano moro, do ngat kame or mere owok kibut Yesu Kirisito kede kibut Rubanga Papa, ngat koyaruno en kikom jo oto.

Jogalatia 3:26

Pien i Kirisito Yesu, wun dedede itienu idwe ka Rubanga pi yei.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

Jogalatia 3:9

Pi mano, jo kame tie kede yei komio gi winyo karacel kede Aburaam ngat kame bin oyei.

Joepeso 1:15

Ango atieko winyo yei wu i kom Rwot Yesu kede amara wu but jokacil dedede. Pi mano,

Joepeso 2:10

Kite kame nataman wan otienu iye noni obedo tic me cing Rubanga. En ecweo wa kamanoni i Kirisito Yesu pi timo tice kabeco kame en oudo egeo iiko sek pi wan timo.

Joepeso 2:13

Do nan i Kirisito Yesu, wun jo kame oudo ngoce iborunu kede Rubanga, remo ka Kirisito nan otieko mino wu idokunu iyapiyapi kede en.

Joepeso 2:6

En eyaruno wa karacel kede en di eko mino wa obedunu karacel kede en i kabedo kame tie i malo i Kirisito Yesu,

Joepeso 6:21

Tukiko, kame obedo omin wa me amara kame genere i tic ka Rwot, bino waco ne wu gi dedede tetekeny wuda ingeunu kop i koma kede i kom gikame atie timo.

Jokolosai 1:2

But jokacil kede imiegu kede amiegu kame genere i Kirisito, kame tie Kolosai. Kisa kede mulem ka Rubanga Papa wa bed butu.

Gianyuta 17:14

Gin kibino yi kede Katin Romo. Do Katin Romo karacel kede jo mege kame elwongo, jo kame en eyero, kame genere, bino bwono gi, piento en ebedo Rwot me rwode kede Abaka me abakai.”

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 2:13

Ango angeo kakame wun itienu bedo iye, en kakame kom me ajakanut ka Sitani tie iye. Wun imokunu i nyinga, doko likame iwekunu yei ango akadi i kare ka Antipa mujura na, dano na kame genere, kame bin koneko i diere wu, kakame Sitani bedo iye.