Danieri 8:3 - Baibuli I Leb Kumam 2013

³ I kanono ako neno emerekek koudo tie kede tunge are abocoboco, do acel oudo bor kalamo ocelu; abor twatwal mere owok kicen.

Danieri 8:3 Iomraidhean Croise

1 Iyutun 21:16

Daudi oko ngoloro malo di eko neno malaika ka Rwot tie cungo malo i yamo, di emako epima i cinge, etieko iikere me timo nek Yerusalem. Di do Daudi kede jotel me jo, gin dedede di kingapo ipukoi, oko riebere piny.

Esera 1:2

“Ango Abaka Sairas me Pasia atie waco kaman: Rwot Rubanga me Malo otieko mina ajakanuto dedede me wi lobo, doko da etieko mina tic me gero ne tempulo i Yerusalem, i lobo me Yuda.

Esera 4:5

Doko da kiko donyo wilo jotel me apugan me Pasia pi totolo kop me gedo nono. Kibedo timo kamanoni pi kare lung kame Sairas oudo tie kede i apugan, paka tuno i kare me apugan ka Darias da.

Esita 1:3

I mwaka me adek me apugan mere, en eko iiko ebaga ne jotic mege kede jotel me apugan. Isirikalen me Pasia kede Media, karacel kede jotel kede jopug me adulion da oudo tie kunono.

Isaya 13:17

Rwot waco be, “Nenunu, ango atie supo cuny jo Mede pi ot suro Babilon, cuny gin likame paro pi siliba amoto saabu.

Isaya 21:2

Aneno gianyuta moro aneno rac twatwal, en gianyuta me duporo kede muducaro. Elam, yai iko ot suro! Mede, lukaro bomban me jo Babilon! Rubanga tie jiko cur kame Babilon obedo kelo.

Isaya 44:28

Ango awaco ne Abaka Sairas be, ‘In en ngakwat na; ango abino tic kedi pi timo gikame ango cunya mito timo; in ibino mino cik di oko gero Yerusalem, doko da ibino mino kocibo acakini me Tempulo.’ ”

Yeremia 51:11

Rwot otieko keto i cuny abakai me Mede mit me yi kede Babilon, piento iik mere tie pi muducaro en. Manono en kite kame en ebino nyango kede tempulo mere. Jotel me isirikalen kame tie sure mio isirikalen cik be, “Penunu imalia wu! Kwanyunu ibukui wu ikounu bedo di iikerenu!

Danieri 10:5

Ango ako ngoloro malo ako neno icuo moro koudo tie ngapo igoen ameny, di etweo piere kede rakoba kame kotimo kede saabu kame kojililo kiber.

Danieri 2:39

Ingei apugan nin, bino bobo wokun ajakanut ace, do likame ebino bedo tek bala meri; di ingei manono ko bino wokun ajakanut me adek, en me buronsi, kame bino da pugo wi lobo lung.

Danieri 5:31

di Darias, dano me Mede kame mwaka me dongo mere oudo tie ot kanyape kiwie are oko gamo apugan.

Danieri 6:28

Danieri oko meede ameda dongo i wang tic i kare me apugan ka Darias kede me ka Sairas me Pasia.

Danieri 7:5

Le ace bobo oko neeno, en le me are. En oudo ecal bala edubu. En oudo etie cungo kede tiene me cen di ekiarao me anyim, di etie kede isepon adek i lake. Dwan oko winyere di waco be, “Yai, cam ringo atot bala kame itwero.”

Danieri 8:2

I gianyuta nono, apoi audo be oudo atie i bomba me Susa, i adul me Elam, di atie cungo i dog ecilet me Ulai.

Danieri 8:20

“Emerekek kame in ineno koudo tie kede tunge are cungo pi abakai me Media kede Pasia.

Sakaria 1:18

I gianyuta ace ango ako bobo neno tung leini ongwon.

Sakaria 2:1

I gianyuta ace bobo, ango ako neno icuo koudo tie kede tol me pimo boro i cinge.

Sakaria 5:1

Ango bobo ako ngoloro malo di ako neno itabu adola kame tie por ki wi yamo.

Sakaria 5:5

Malaika koudo oyamo keda oko bobo bino di eko waco na be, “Ngoloro malo di iko neno gikame tie bino kiye.”

Sakaria 5:9

Ango ako ngoloro malo di ako neno di mon are tie bino. Yamo oudo tie i bwom gi; bwom gi oudo cal bala me etolut, di gin kiko tingo ebukit nono malo i dierediere me wi lobo kede idoun.

Sakaria 6:1

Ango ako bobo ngoloro malo di ako neno di cabalan ongwon tie wok ki dierediere me mori are me nyonyo buronsi.

Wel 24:2

Balaam oko tingo wange malo di eko neno kimere me jo me Isirael di kicokere ekeko kede ekeko. Tipo ka Rubanga oko bino i kome,

Yosua 5:13

Kakame Yosua onoko kede Jeriko, en eko neno icuo kowoto epima etie mako i cinge. Yosua oko ot bute di oko penye be, “In dano wa arabo ngat acel kikom jokwor wa?”

Gianyuta 13:11

Di bobo ako neno le ace kame owok ki wi lobo. En oudo etie kede tunge are kame cal bala me katin romo, oudo eyamo bala twol kiyiliyili.

Gianyuta 5:6

Di ako neno i dierediere me kom me ajakanut kede giacwea akuo ongwon, kede i dier joadongo di cungo iye Katin Romo kame ineno bala koneko. Oudo etie kede tunge kanyaare kede wange kanyaare, kame obedo tipere kanyaare ka Rubanga kame ecwao i wi lobo lung.