Danieri 8:1 - Baibuli I Leb Kumam 2013

¹ I mwaka me adek me apugan ka Belesasar, ango Danieri ako bobo neno gianyuta ace.

Danieri 8:1 Iomraidhean Croise

Esekeri 1:1

I buto duwe kany me duwe me ongwon i mwaka me ot adek, di oudo ango atie kede jo koudo tie obukui bala mabus, i nget ecilet me Kebar, malo oko yabere, di ango ako neno gianyuta ka Rubanga.

Danieri 1:17

Rubanga oko mino awobe ongwon nogo ngec kede niang i kom epone dedede me wandiko leb, kede kope me rieko. Medo i wi manono, Danieri oudo twero gonyo dwong me lek kede gianyuta.

Danieri 10:2

I kare nono, ango Danieri oudo abedo kede iturur pi sabitin adek.

Danieri 10:7

Ango kena en kame aneno gianyuta nono; jo apat koudo tie keda likame onene, bed bala kom gi oko cako miel pi lworo di kiko ringo pwono.

Danieri 11:4

Do kakame twer mere pwodi tie meede dongo kede, ajakanut mere bino tur di eko popokun i adulion ongwon. Abakai kalikame obedo nywal me ode en kame bino pug kawange, do likame kibino bedo kede twer kame en oudo etie kede. Kobino kwanyo ajakanut ki cinge di oko mino jo apat.

Danieri 7:1

I mwaka me agege me apugan ka Belesasar bala abaka me Babilonia, ango Danieri ako neno gianyuta i lek di oudo atie buto iwor. Ango ako wandiko lek nono kaman:

Danieri 7:15

Gianyuta kame ango Danieri aneno opoto cunya di eko mina lworo.

Danieri 7:28

Man en ajikini me kop nono. Do ango Danieri tam kame abedo kede oko mina lworo atek di ako donyo jul ajula; do ango ako kano kop nono i cunya.

Danieri 8:15

Kakame ango Danieri oudo atie tamo pi niang kede dwong me gianyuta nono, cucuto ngatamoro oko bino cungo i nyima, en oudo ecal bala icuo.

Danieri 8:2

I gianyuta nono, apoi audo be oudo atie i bomba me Susa, i adul me Elam, di atie cungo i dog ecilet me Ulai.

Danieri 9:2

I mwaka me agege me apugan mere, ango oudo atie siyao itabun kacil di aparo kop i kom mwakini ot kanyaare kame Yerusalem bino dong kede di etie ameje, di lubere kede kop kame Rwot oudo owaco ne enabi Yeremia.