Danieri 4:3 - Baibuli I Leb Kumam 2013

³ “Gianena kame en enyuto dongodongo! Giaura mege obedo me twer! Ajakanut mere bedo nakanaka; en ebino pug ikar dedede.

Danieri 4:3 Iomraidhean Croise

Yobu 25:2

“Loc obedo me ka Rubanga, doko en epoore alwora; en emio mulem bedo tie i malo.

Sabuli 104:24

Okwe Rwot, cwec nin tin tot benyo! In itieko cweno gin dedede kede rieko; lobo opong kede jamini kame in icweo.

Sabuli 105:27

Gin kiko timo gianena mege i diere gi; kitimo gi me isuur i lobo ka Kam.

Sabuli 145:13

Ajakanut nin bedo nakanaka, doko apugan nin tie pi lwak me i kare dedede. Rwot genere i kope mege dedede, doko etie kede kisa i gi dedede kame en etimo.

Sabuli 66:7

en ngat kame epugo kede twer mere nakanaka, en ngat kame eciko wange i kom atekerin. Jo kame dagi wu miero kur wakere.

Sabuli 72:18

Pak bed but Rwot, Rubanga me Isirael, ngat kame en kene etimo jamini me aura.

Sabuli 77:19

Yongayo nin obeo ki dier nam adwong; in ingolo twon pii atot twatwal, do kakame tieni onyono likame onenere.

Sabuli 86:10

Pien in idwong doko itimo jamini me aura; in keni en kame ibedo Rubanga.

Sabuli 92:5

Tice kame in itimo tin dongodongo benyo, Okwe Rwot! Tam nin tut twatwal!

Isaya 25:1

Okwe Rwot, in en Rubanga na; ango abino mini dwongo di apako nyingi. Pien in itieko timo jamini me aura; in ibedo kede genere di iko cobo iik ni kame oudo itimo riki sek.

Isaya 28:29

Rieko noni dedede wok kibut Rwot me jo yi; en emio tam me aura, doko rieko mere dwong dwong kalikame wacere.

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Danieri 2:2

Aso en eko mino cik me lwongo jotim tangu, jotiet, jojwogi, kede jo Kaludea, pi gin bino gonyo ne dwong me lek mege. Kakame gin kibino kede di kiko cungo i nyim abaka,

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

Danieri 4:17

Kop me alola noni imalaikan awang gi bit en omio; tam noni komio di lubere kede cik kame imalaikan kacil omio, tetekeny jo dedede akuo ngei be Rubanga Ngamalo Twal tie kede twer i kom ajakanut me jo; en emie but ngat kame cunye omito, akadi di ebedo dano me ruom apiny adikinicel.’

Danieri 7:14

Oko mine twer me pug, deyo, kede ruom me abaka, tetekeny jo me atekerin dedede kede leb dedede tim nen tic. Loc mere tie pi kare lung, ajakanut mere likame kobino dudubo.

Danieri 7:27

Twer me pug, loc, kede dwongo me ajakanuto dedede me wi lobo kobino mino but jo ka Rubanga Ngamalo Twal. Ajakanut gi bino bedo nakanaka, doko wegi loc dedede me wi lobo bino tic negi di mio gi wor.”

Joroma 11:33

Abar ka Rubanga tin dwong benyo! Rieko kede ngec mere tin tut benyo! Mono epone kame en engolo kede kop kede niang yote mege tin tek benyo!

Iswilia 4:34

Benyo, tie rubanga moro kotieko tamo ot di eko kwanyo jo mogo kibut ateker ace di en eko mino gin kidoko jo mege obe, bala kame Rwot Rubanga wu bin otimo ne wu i Misiri? En bin etimo manono di etio kede twer mere adwong kede teko mere pi kelo can, kede di etimo gianena kede giaura kede yi, doko di etimo gikame kelo lworo.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

Iburanian 1:8

Do i kom Wode, en eko waco be, “Okwe Rubanga, Ajakanut ni tie pi ikar kede ikar! In ipugo jo ni i yore me ateni.

Iburanian 2:4

Rubanga da di oko mino ijura mere ki gianena kede ki gi me isuur kede ki giaura apapat kede ki giamia me Tipo Kacil, kame bin en epopoko di lubere kede mit mere.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

Gianyuta 11:15

Malaika me kanyaare di oko kuto agwara mere, di dwan atot amalo oko winyere di yamo i malo be, “Ajakanut me piny otieko doko me ka Rwot wa kede me ka Kirisito mere, doko en ebino pug ikar kede ikar.”