Danieri 3:7 - Baibuli I Leb Kumam 2013

⁷ Aso, cucuto di jo dedede owinyo koko me agwara kede dwan jamini ace me goc, jo me atekerin dedede, abilere dedede, kede leb dedede oko riebere piny di kiko donyo woro cal kame Abaka Nebukadunesa oudo ocibo.

Danieri 3:7 Iomraidhean Croise

Yeremia 51:7

Babilon oudo cal bala ikopo me saabu kame tie i cinga; en oudo emio jo me wi lobo lung omer. Atekerin omato bwini mere di wi gi oko dubere.

Danieri 2:46

Di Abaka Nebukadunesa oko riebere piny di eko mino Danieri wor. Di eko mino cik be poore mi giamia me alos kede me odok angwe kur but Danieri pi mine wor.

Danieri 3:10

Adwong, in oudo imio cik be kame kokuto agwara di oko gono jamini ace me goc, jo dedede poore riebere piny di kiko woro cal kame kotimo kede saabu.

Danieri 3:4

eraban ka abaka oko cungo malo di eko waco kede dwan amalo be, “Wun jo me atekerin, abilere, kede leb apapat,

Danieri 3:5

ka iwinyunu koko me agwara, di ko lubo koko me bilo, adungu, arigirigi, kede dwan jamini ace me goc, wun dedede ipoorenu riebere piny di ikounu donyo woro cal kame Abaka Nebukadunesa ocibo.

Danieri 3:6

Ngat kalikame bino riebere piny eko wore, kobino cucuto uce i epipa adwong me mac kosorano.”

Danieri 3:8

Manoni oko mino jo mogo me Babilon oudo kare me pido Iyudayan.

Tice 14:16

I kare kokato, Rubanga oudo oweko atekerin timo gikame cuny gi mito.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.

Gianyuta 13:14

Di en eko ngalo jo kame bedo i wi lobo kede gianena kame oudo koyei ne timo i nyim le me agege nono; en ewaco ne gi timo cal kame nyuto wor but le nono, le kame oudo kowano kede epima do en eko dong di ekuo.

Gianyuta 13:3

Wi le nono acel oudo tie kede apore kame koto oudo romo neke, do apore nono oko cango, di jo dedede me wi lobo oko lubo le nono di kiuro.

Gianyuta 13:8

Jo dedede kame bedo i wi lobo bino wore, gin en jo dedede kame cako di likame pwodi kocweo piny, likame kowandiko nying gi i itabu me kuo me Katin Romo kame oudo koneko.

Gianyuta 17:8

Le kame oudo ineno nono oudo kuo, do nataman likame ekuo, do eyapuno wok ki bur kame tut wiriwir pi ot di oko dudubo en. Jo kame bedo i wi lobo, jo kalikame kowandiko nying gi i itabu me kuo cako di pwodi likame kocweo piny bino bedo kede ur ka kineno le nono, pien bin oudo ekuo, do nataman likame ekuo, doko ebino bino.

Gianyuta 19:20

Di oko mako le nono di oko tere bala mabus, karacel kede enabi me angalo kame oudo otimo gianena i nyime, kame engalo kede jo kame oudo tie kede alama me le nono, kede jo kame oudo oworo cal mere. Di oko uco gin are nogi di kikuo i nam me salupa kame liel.