Danieri 3:6 - Baibuli I Leb Kumam 2013

⁶ Ngat kalikame bino riebere piny eko wore, kobino cucuto uce i epipa adwong me mac kosorano.”

Danieri 3:6 Iomraidhean Croise

Ageini 19:28

En di eko ngoloro piny tetu Sodoma kede Gomora, kede bad dedede me elet di eko neno yiro me lobo nono duny malo bala yiro kame duny i epipa me cwako nyonyo.

Yai 20:5

Kur ilur wii i nyim gi amoto woro gi, pien ango Rwot Rubanga wu atie kede nyeko. Ango amio alola but jo kame daga pi dub gi, tuno but ikwae gi me adek kede me ongwon da.

Isaya 44:17

Yen apat mege dedede en etimo kede cal me rubanga, caljwogi mere, di eko luro piny wore. En elego bute di ewaco be, “Laka, in rubanga nango!”

Yeremia 29:22

Jo dedede me Yuda kame tie Babilon bala mabus bino tic kede nying gi me lamo jo be, ‘Akwao Rwot tim ni bala Esedekia kede Akab, jo kame abaka me Babilon obulo kede mac di kikuo.’

Danieri 2:5

Abaka oko waco ne jo Kaludea be, “Ango nan atieko moko be, ka likame iwaconanu lek na kede dwong mere, kobino nyinyilo wu i adulion, di oko bino rereto ude wu.

Danieri 3:11

Doko da iko waco be ngatamoroni kalikame bino riebere piny di eko woro cal nono kobino uce i epipa adwong me mac kosorano.

Danieri 3:15

Aso, nan kame wun i iikerenu riebere di ikounu woro cal kame ango acibo, ingei winyo agwara, bilo, adungu, arigirigi, bul, kede jamini ace me goc, manono bino bedo ber; do ka likame ikounu wore, cucuto kobino uco wu i epipa me mac kosorano. Iparunu be tie rubanga moro kame bino lako wu kikuno?”

Danieri 3:21

Aso, oko twetweo cuo adek nogo, di kingapo isatin gi, idabudan, icoron kede igoen ace, di oko uco gi i epipa kame mac osorano iye.

Danieri 3:7

Aso, cucuto di jo dedede owinyo koko me agwara kede dwan jamini ace me goc, jo me atekerin dedede, abilere dedede, kede leb dedede oko riebere piny di kiko donyo woro cal kame Abaka Nebukadunesa oudo ocibo.

Danieri 5:19

Pi dwongo kame komie, omio jo dedede, atekerin dedede, kede jo me leb dedede oudo tie kede lworo bute di kom gi miel amiela. Ngat kame cunye oudo mito neko, en bin etwero neko; ngat kame cunye oudo mito weko bed kuo, en bin eweko bedo kuo; ngat kame en bin emito mino wor, en oudo emio wor; ngat kame en oudo emito dwoko i ruom apiny, en oudo etimo da kamanono.

Danieri 6:7

Wan dedede jo kame opugo ajakanut noni, manoni riribo jo kame ngingico tice me jopug me adulion, jo kame lubo tien gi, kede jotic ace, wan oyei be abaka in ipoore keto iswil di iko ridakino en di etek. Poore imi cik be ngatamoroni kame bino lego but dano moro amoto but rubanga moro pi ceng ot adek, kwanyo kenekene buti, kobino uce i bur kame inguon tie iye.

Matayo 13:42

di kiko uco gi i mac kodop kakame jo bino koko kede mwodo lak gi kiye.

Matayo 13:50

di kiko uco gi i mac kodop, kakame jo bino koko kede mwodo lak gi kiye.”

Matayo 4:9

en eko waco ne Yesu be, “Abino mini mago dedede ka iriondiko piny di iko wora.”

Marako 6:27

Cucuto abaka oko cwano sirikale acel kame dare, en eko mine dwan be eoti ekel wi Yokana Ngaibatis. Sirikale nono oko ot i otkol di eko ngolo ngut Yokana.

Gianyuta 14:11

Yiro me mac kame kocano gi kede duny eoto malo ikar kede ikar. Jo kame woro le nono kede cal mere, kede jo kame koketo ne gi alama me nyinge, gin kibino neno can iwor kede iceng abongo wei.”

Gianyuta 9:2

Acer nono oko yabo dog bur atut wiriwir nono, di yiro kame cal bala yiro kame wok kiye epipa adwong me calaro mwola oko duny kiye, kame oko umo wang ceng kede malo dedede.