Danieri 3:4 - Baibuli I Leb Kumam 2013

⁴ eraban ka abaka oko cungo malo di eko waco kede dwan amalo be, “Wun jo me atekerin, abilere, kede leb apapat,

Danieri 3:4 Iomraidhean Croise

Esita 8:9

Man bin otimere i buto duwe ot are kiwie adek me duwe me adek, en duwe me Siban. Modekai oko lwongo ikalanin ka abaka di en eko bedo waco ne gin kop di gin kiwandiko i baluwan pi cwano ne Iyudayan, jopug, kede jotel me adulion dedede cako ki India tuno Abisinia, gin dedede adulion tol acel kede ot are kiwie kanyaare (127). Baluwan nogo bin kowandiko but adul acelacel kede leb kame koyamo i adul nono kede i epone kame jo wandiko kede i adul nono; but Iyudayan da gin kitimo kamanono.

Isaya 40:9

Okwe wun jo me Yerusalem, yitunu i wi moru kame bor malo di ikounu tatamo kop aber! Wun jo me Sion, lelemunu kede dwan amalo; tucunu kop aber! Yamunu abongo lworo. Wacunu ne jo me bomban me Yuda be Rubanga gi tie bino!

Isaya 58:1

Rwot waco be, “Lelemo kitek, kur iling akadi acel! Lelemo kede dwani amalo bala agwara! Wace jo na jemo gi; tuc ne jo me ot ka Yakobo dub gi.

Danieri 3:10

Adwong, in oudo imio cik be kame kokuto agwara di oko gono jamini ace me goc, jo dedede poore riebere piny di kiko woro cal kame kotimo kede saabu.

Danieri 3:3

Kakame jonogi dedede oko cokere kede di kiko cungo i nyim cal nono pi kwere,

Danieri 3:7

Aso, cucuto di jo dedede owinyo koko me agwara kede dwan jamini ace me goc, jo me atekerin dedede, abilere dedede, kede leb dedede oko riebere piny di kiko donyo woro cal kame Abaka Nebukadunesa oudo ocibo.

Danieri 4:1

Abaka Nebukadunesa cwao kop noni but jo me atekerin dedede, erangi dedede, abilere dedede, kede leb dedede atie i wi lobo be, “Amoto wu!

Danieri 4:14

En eko ilelem di ewaco be, ‘Tong yat nono piny di iko lwero ajange mege; gwer pote mege di iko sasaro anyakini mege. Mi leini kame tie i dude kede winy kame tie i ajange mege ring tenge.

Danieri 6:25

Di Abaka Darias oko wandiko baluwa but jo me atekerin dedede, kede but jo me leb dedede i wi lobo lung be: “Akwao ibedunu kede mulem adwong.

Kosea 5:11

Kotie tero jo Isirael kirac, alola kame komio gi otieko teko gi; pien gin oudo kiketo cuny gi lubo gi kalikame karuno konyo gi.

Mika 6:16

Manoni bino timere pien in Yerusalem ibedo lubo iswilia ka Abaka Omiri, kede tim dedede me ot ka Abaka Akab, doko in ibedo lubo tam gi. Pi mano, ango abino mini idong nono, di jo ni ko bino doko jo kame koyisiro kede acae. Aso, in ibino kanyakino anyera me atekerin dedede.”

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.