Danieri 3:10 - Baibuli I Leb Kumam 2013

¹⁰ Adwong, in oudo imio cik be kame kokuto agwara di oko gono jamini ace me goc, jo dedede poore riebere piny di kiko woro cal kame kotimo kede saabu.

Danieri 3:10 Iomraidhean Croise

1 Iyutun 15:16

Daudi oko ciko jotel me Jolebi pi poko ne Jolebi wad gi tic me wer kede me gono jamini apapat me agoa, tetekeny gin kigoi were mogo amit me yomcuny kede adungu, arigirigi kede suanin abatal.

1 Iyutun 15:28

Aso, jo Isirael dedede oko tero Sanduku me Isikan ka Rwot Yerusalem di kilelemo kede kilel, di kikuto esos me tung leini, agwarai, kede kigoo suanin abatal, kede adungun kede arigirigin kede dwan amalo.

2 Iyutun 29:25

Abaka Esekia oko keto Jolebi i tempulo di kimako suanin abatal me gono were, adungun, kede arigirigin. En elubo cik dedede kame Rwot bin omio Abaka Daudi di ebeo kibut Gad enabi ka abaka, kede enabi Natan.

Sabuli 94:20

Benyo, in ikaruno bedo awotin kede jongolkop areco, jo kame tio kede iswil pi timo gikarac?

Yai 1:16

“Kame itienu colo mon me Iburanian, nekunu idwe awobe, do idwe anyira iwekunu.”

Yai 1:22

I cen mere Parao di oko mino jo mege dedede cik be, “Ucunu i yi ecilet me Nail idwe awobe dedede kame Iburanian nywalo, do wekunu idwe anyira dong kuo.”

Ngarab kop 3:16

Medo i wi manono, ango atieko neno be i wi lobo kan, akaka ngolo kop me ateni, tim areco en kame kolunyo timo, doko akaka tim kopoore, gikareco en kame kolunyo timo.

Isaya 10:1

Itienu i can! Wun i cibunu iswilia kalikame poore, iwandikunu iswilia kame dio jo.

Danieri 3:11

Doko da iko waco be ngatamoroni kalikame bino riebere piny di eko woro cal nono kobino uce i epipa adwong me mac kosorano.

Danieri 3:15

Aso, nan kame wun i iikerenu riebere di ikounu woro cal kame ango acibo, ingei winyo agwara, bilo, adungu, arigirigi, bul, kede jamini ace me goc, manono bino bedo ber; do ka likame ikounu wore, cucuto kobino uco wu i epipa me mac kosorano. Iparunu be tie rubanga moro kame bino lako wu kikuno?”

Danieri 6:12

Gin kiko ot but abaka di kiko waco ne kop amako iswil kame oudo koketo; gin kiwaco be, “Abaka, mam in oudo iketo cingi i iswil kame waco be, ngatamoro kame bino lego but dano amoto rubanga moroni, pi kare me ceng ot adek alubo, kwanyo ka elego buti, kobino uce i bur kame inguon tie iye?” Abaka oko dwoko be, “Ebo, manono obedo iswil atek me jo Mede kede Pasia, iswil kalikame kotwero loko.”

Amosi 6:5

Wun imarunu teto were anyen bala bin Daudi, di ikounu donyo wero gi di igounu adungu.

Yokana 11:57

Jodongo me josaseredoti karacel kede Iparisayon oudo otieko ciko jo be, ka ngatamoro ongeo kakame Yesu tie iye, poore eter kop but gi awakawaka, tetekeny kimake.