Danieri 3:1 - Baibuli I Leb Kumam 2013

¹ Abaka Nebukadunesa oko timo cal kede saabu; oudo boro mere malo tie bala mita ot are kiwie kanyaare, kede laco mere bala mita adek, di eko mino kocibe i ebar me Dura i adul me Babilon.

Danieri 3:1 Iomraidhean Croise

1 Abakai 12:28

Aso, abaka oko tamo i kom kop nono di eko cweno roce are kede saabu. En eko waco ne jo be, “Itiekunu bedo wire ot Yerusalem pi kare koromo. Wun jo me Isirael nan rubangan wu do ige kokwanyo wu ki lobo me Misiri!”

Esita 1:1

Di bin en etie i kom mere me ajakanut koudo tie Susa, en bomba adwong me Pasia, Abaka Sereses bin pugo adulion akalamo tol acel kede ot are kiwie kanyaare (127), cako ki India tuno Abisinia.

Sabuli 135:15

Caljwogi me atekerin apat obedo siliba kede saabu, gin kibedo tic me cing dano.

Yai 20:23

Kur ilokerenu bobo timo cal me rubangan mogo kede siliba amoto kede saabu, di ikounu donyo wora di doko iworunu gida.

Yai 32:31

Aso, Musa oko dok but Rwot di eko waco be, “Jogi otieko timo dub adwong twatwal; gin kitieko timo rubanga gin kede saabu.

Isaya 2:20

I ceng nono jo bino uco ne inunuk kede ne olikolik caljwogi kame kitimo kede nyonyo siliba kede saabu pi awora.

Isaya 30:22

Di ikounu bino tero caljwogi kame kotimo kede saabu kede siliba bala gi me jwok, di ikounu bino uco gi tenge bala idukun otop di iredunu be, “Irwaunu tenge!”

Isaya 46:6

Jo yabo isaun gi di kiko onyo saabu kame oudo tie yi gi, di kiko pimo nyonyo siliba i misani. Gin kiko culo sente but ngatet pi timo negi rubanga; di do gin kiko riebere piny wore!

Yeremia 10:9

Komwono i kom caljwogi gi siliba kame kokelo ki Tarusi, kede saabu kame kokelo ki Upas; gin kibedo tic me jopai cal kede jotet. Kongapo negi igoen ebululu ebululu kede akwar, igoen kame jo atie kede diru me kuno igoen kede cing gi en ocweo.

Yeremia 16:20

Benyo, dano adana twero timo rubangan pirgi? Ka kitwero timo, udo magonogo likame obedo rubangan!”

Danieri 2:48

Di eko mino Danieri tic me ruom amalo, di eko mine giamia abeco, di eko cibe ebedo ngapug me adul me Babilon kede ngadwong me jorieko koudo mio abaka tam koudo tie Babilon.

Danieri 2:49

Di lubere kede kwac ka Danieri, abaka oko cibo Sadurak, Mesak, kede Abedenego i wang tice adongo i adul me Babilon; do Danieri oko dong i tuale me abaka.

Danieri 3:14

En eko penyo gi be, “Sadurak, Mesak, kede Abedenego, benyo etie kop me ateteni be wun likame iworunu rubangan nango, kede da be wun likame iworunu cal kame kotimo kede saabu kame ango acibo?

Danieri 3:30

Di abaka oko kobo Sadurak, Mesak, kede Abedenego i tic me ruom amalo i adul me Babilon.

Danieri 5:23

In itingere kalamo Rwot kame tie malo. In ikelo ikopon me tempulo mere, di in kede jotic ni adongo, kede mon ni, karacel kede mon ni ace kalikame inyomo, ikounu donyo ikounu donyo tic kede gi me bwini, di do ikounu donyo pako rubangan kame kotimo kede siliba, saabu, buronsi, ayon, yen kame kopao, kede kide, rubangan kalikame neno piny, akadi winyo amoto ngeno kop moroni. Do likame iko mino wor but Rubanga kame kuo nin tie i cinge, kede kame tie kede akarunikin i kom gi dedede kame in itimo.

Danieri 5:4

Gin kiko mato bwini di kiko donyo pako rubangan kame kocweo kede saabu, siliba, buronsi, ayon, yen kame kopao, kede kide.

Kosea 2:8

En likame oudo engeo be ango en kame oudo amie alos, bwini, kede mo me olibeti, kiton siliba kede saabu kame en oudo etio kede me woro Baal.

Kosea 8:4

“Gin kiyero abakai i mit gin ken gi; kiyero jotel abongo ngec nango. Kikwanyo siliba kede saabu di kiko cweno gi kidoko caljwogi, di manono en oko kelo negi amuducar i kom gi ken gi.

Abakuk 2:19

Itienu i can wun jo kame iwacunu ne ebao be, “Cei!” Arabo ne kidi be, “Yai malo!” Benyo, iparunu be caljwogi karuno pwonyo wu? Neningo, en komwono kome kede saabu kede siliba, do likame etie kede wei me kuo.

Tice 17:29

Bala kite kame wan obedo kede anywali mege, miero kur opar be Rubanga cal kede Saabu, arabo Siliba, amotoko engaro, cal kame dano oluro i tam mere.

Tice 19:26

Aso nan wuda iwinyunu, doko inenunu be Paulo noni otieko supo cuny jo di eko loko jo atot tenge di ewaco be rubangan kame kotimo kede cing likame obedo rubangan. En etimo man likame i Epeso kenekene, do ebuco tieko Esia lung.

Iswilia 7:25

Poore iwangunu cal me rubangan gi. Kur ingobelunu siliba arabo saabu kame tie i kom rubangan nogo di ikounu tero gi pi doko megu, pien kikaruno bedo bala owic me ciko wu; pien Rwot Rubanga wu dagi tim nono.

Gianyuta 9:20

Jo icegun dedede kame can nogi likame oneko, likame oko swilaro ki gikame cing gi otimo, amoto weko woro jwogi, cal jwogi kame kotimo kede saabu, siliba, nyonyo burons, kidi kede yat kame kopao, gi kalikame neno piny amoto winyo kop arabo twero ot.