Danieri 2:2 - Baibuli I Leb Kumam 2013

² Aso en eko mino cik me lwongo jotim tangu, jotiet, jojwogi, kede jo Kaludea, pi gin bino gonyo ne dwong me lek mege. Kakame gin kibino kede di kiko cungo i nyim abaka,

Danieri 2:2 Iomraidhean Croise

Ageini 41:8

Odiko di piny oru, kop nono oko lolo tam mere twatwal, omio eko cwano kop me lwongo wegi tangu kede jo ariek dedede atie Misiri. En eko tatamo negi lek mege, do likame tie dano oko twero gonyo ne dwong gi.

Esita 1:13

Aso abaka oudo onare pepenyo tam kibut jo atie kede niang atut i kom kop amako iswilia kede itok.

Yai 7:11

Parao oko lwongo jo mege angengeo piny kede imuroko; di jo atimo tangu nogi da oko timo kamanono kede diru gi.

Isaya 19:3

Ango abino totolo iik kame jo me Misiri tie kede di cuny gi ko kwanyere. Gin kibino pepenyo tam kibut caljwogi, kede kibut tipere me jo oto, kede kibut imuroko atio kede yamere.

Isaya 8:19

Do jo bino waco ne wu be, “Penyunu kope kibut jwogi kede tipere adwilao kede agato; mam ateker moroni poore penyo kop kibut rubangan gi kede kibut jo oto, pi jo akuo,

Danieri 1:20

I kom kope dedede amako rieko kede niang kame abaka openyo gi iye, abaka oko udo gi kibeco tien tomon kalamo wegi tangu kede jotiet atie i ajakanut mere lung.

Danieri 1:4

Oudo kipoore bedo awobe ali kede angwal moro i kom gi, di kicil, di kiriek, di kitie kede ngec atut, kede di kitwero tic i paco me abaka. Asepenas oudo poore pwonyo gi somo kede wandiko leb me Babilonia.

Danieri 2:10

Jo Kaludea nogo oko dwoko ne abaka be, “Likame tie ngatamoro i wi lobo kan kame twero waco nin gikame itie mito. Ateteni, pwodi likame tie abaka moro akadi di edwong amoto di etek benyo, kotieko penyo kop kacal kamano kibut jotim tangu, amoto kibut jotiet, arabo kibut jo Kaludea.

Danieri 2:27

Danieri oko dwoko be, “Adwong, likame tie ngarieko moro, amoto ngatiet, amoto ngatim tangu, amoto emuron moro kame twero waco nin gikame itie penyo.

Danieri 3:8

Manoni oko mino jo mogo me Babilon oudo kare me pido Iyudayan.

Danieri 4:3

“Gianena kame en enyuto dongodongo! Giaura mege obedo me twer! Ajakanut mere bedo nakanaka; en ebino pug ikar dedede.

Danieri 4:6

Ango ako woto cik be kel i nyima jorieko dedede kame mia tam i Babilon, tetekeny amoto kigony na dwong me lek nono.

Danieri 5:7

En eko lwongere kitek pi ngatamoro kelo ne jotiet, jo Kaludea, kede imuroko. En eko waco ne jorieko me Babilon nogo be, “Ngat kame bino sobolo somo iwandik no di eko gonyo dwong mere kobino ngapo ne igoen akwakwar me angosibib, kede eriko me ngut kame kotimo kede saabu, di eko tero ruom me adek me apugan i ajakanut na.”

1 Samuel 6:2

Di do jo me Pilistia oko lwongo josaseredoti gi karacel kede jo kame tuco gi komungere, di kiko penyo gi be, “Otim nyo kede Sanduku me Isikan ka Rwot? Wacenu wa gikame opoore dwoke kede i kabedo mere.”