Danieri 10:9 - Baibuli I Leb Kumam 2013

⁹ Ango ako winyo dwane, kakame ango awinyo kede dwane ango ako poto piny ariebacuny, di wia oko witar.

Danieri 10:9 Iomraidhean Croise

Ageini 15:12

Otieno di do ceng tie donyo, nino atek oko mako Aburam, di colpiny acucucuc kame kelo lworo oko ume.

Ageini 2:21

Aso, Rwot Rubanga oko mino dano onino kitek, di eko kwanyo esep mere acel, eko mwono kare kede ringokom.

Yobu 33:15

Iwor di nino omako jo kiber di kitie nino i kabutere gi, Rubanga yamo kede gi i lek kede i gianyuta.

Yobu 4:13

Ako bedo kede par i kom gianena nono i dier iwor, esawa kame dano nino di eko alelejun kede,

Wer amit 5:2

Ango oudo atie nino do cunya oudo neeno. Ako leko be opa na oudo tie twotwomo ekeko di ewaco be, “Amina, apa na me amara, yab na ekeko, awele na, apa na aber adikinicel. Pien wia odiak kede toyo, yer wia tie cwer pii pi ngico me iwor.”

Danieri 10:16

Di malaika, kame oudo tie i cal me dano, oko mulo del me doga, di ango ako yabo doga cako yamo, di ako waco ne be, “Adwong na, gianyuta noni omia lito kotieko teko ki koma.

Danieri 8:18

Kakame en oudo etie yamo keda, wia oko witar di ako poto, do en eko maka di eko kiarao ango acungo,

Abakuk 3:16

Ango awinyo mor noni di koma ko donyo miel; del doga da ko donyo miel pi lworo. Koma ko keto nyonyok, di tiena ko mamanyun. Ango abino bedo mot di akuro ceng kame peko bino poto kede i kom jo kame suro wa.

Luka 22:45

Kakame eyai kede kiye ilega, en eko dok but josiao mege, di eko udo gi kitie nino pien par oudo otieko teko gi.

Luka 9:32

Petero kede jowote oudo nino obwono, omio kiko nino. Do kakame kicei kede, kiko neno deyo ka Yesu, kede cuo are kame oudo tie cungo kede en.

Gianyuta 1:17

Kakame ango anene kede, ako poto piny i tiene di ako dong bala ngat kotieko to. Do en eko keto cinge tetu cam i koma, di ewaco be, “Kur ibed lwor; ango en agege kede ajikini.