Danieri 10:6 - Baibuli I Leb Kumam 2013

⁶ Kome oudo meny bala kidi beril, di nyime meny bala meny me kot; wange oudo meny bala toc, bade kede tiene oudo meny bala nyonyo buronsi kame kosuto, di dwane mor bala woo me twon ekodet me jo.

Danieri 10:6 Iomraidhean Croise

Yai 28:20

kede do i eroto me ongwon mere iko keto, beril, onik kede jasipa; ibino mwono gi i kom mwola me saabu.

Wer amit 5:14

Bade cal bala ikong me saabu kame kodudupo iye kide me wel. Kome cal bala gikame kotimo kede lak liec di oko tubuso en kede kidi sapir.

Esekeri 1:14

Giakuo nogo oudo dwidwitun tunituni bala meny me kot.

Esekeri 1:16

Namisigan ongwon nogo oudo cacal, di kimeny bala kidi me wel kame kolwongo be beril, doko oudo kotimo gi di ineno bala namisiga acel orire donyo i yi ocelu.

Esekeri 1:24

Kakame gin kitie por kede, ango ako winyo bwom gi mor bala pii me nam. Bwom gi oudo mor winyere bala woo me dwan twon ekodet me isirikalen arabo bala dwan Rubanga Won Twer. Kakame gin kicungo kede, gin kiko dwoko bwom gi piny.

Esekeri 1:7

Tien gi oudo oriere, di kitie kede abelekek kame cal bala me twon, doko oudo kimeny bala nyonyo buronsi kame kokiso kiber.

Esekeri 10:9

Ango bobo ako neno namisigan ongwon i nget cerubim nogo, acel i nget cerubim acelacel. Namisigan nogo oudo meny bala kide me wel anyinge beril,

Esekeri 40:3

Kakame en eko tera kede kunono, ango ako neno di icuo moro tie cungo, di kome meny bala nyonyo buronsi. En oudo etie mako i cinge tol kede magada me pimo boro, di etie cungo i ekeko me erute.

Esekeri 8:2

Ango ako ngoloro, di ako neno gimoro kame cal bala dano. Cako ki piere dok piny aneno iye gimoro kame cal bala mac, doko cako ki piere dok malo ango aneno iye gimoro kame cal bala nyonyo ameny.

Matayo 17:2

Kom Yesu oko lokere i wang gi kanono, di nyime oko rieny bala ceng, kede igoen mege oko doko tar liamaliam.

Matayo 28:3

Cal mere oudo ineno bala meny me kot, kede egoe mere oudo tar bala akako.

Luka 9:29

Kakame en oudo etie kede ilega, cal me nyime oko lokere. Di igoen mege oko doko tar liamaliam.

Gianyuta 10:1

Di bobo ako neno malaika ace kame tek twatwal di ewok ki malo ebino piny. Oudo eumere kede edou, di etauloka tie i wie, nyime oudo cal bala ceng, kede tiene oudo cal bala mac kosipere.

Gianyuta 19:12

Wange cal bala leb mac, di etie kede icoron atot me angosibib i wie. Doko oudo etie kede nying kame kowandiko i kome, kalikame ngatamoro ngeo do kwanyo en kenekene.

Gianyuta 2:18

“Wandiko but malaika me ekodet me jokirisito kame tie Tuatira be: “Magi en kop kowok kibut Wot ka Rubanga, ngat kame wange cal bala leb mac, kede kame tiene cal bala nyonyo burons kame korudo.

Gianyuta 21:20

me kany mere onik, me kanyape karenelia, me kanyaare kirisolit, me kanyauni beril, me kanyangon topas, me tomon kirisopures, me tomon kiwie acel jasinti, me tomon kiwie are ametisit.