Danieri 10:16 - Baibuli I Leb Kumam 2013

¹⁶ Di malaika, kame oudo tie i cal me dano, oko mulo del me doga, di ango ako yabo doga cako yamo, di ako waco ne be, “Adwong na, gianyuta noni omia lito kotieko teko ki koma.

Danieri 10:16 Iomraidhean Croise

Yai 4:10

Do Musa oko dwoko ne Rwot be, “Okwe Rwot, sasiro ango; cako lem sek likame ango atwero yamo kiber, akadi tuno nan da di in itieko yamo keda noni. Ango awao yamo awaa doko leba momoko.”

Yai 4:13

Do Musa oko dwoko be, “Okwe Rwot, likame kamano, cwai dano moro ace.”

Ngarab kop 1:18

Pien ka in iriek twatwal, ibedo da kede par atot; ka ngec nin meede, cwercuny ni da meede.

Isaya 6:7

Di eko mino itonge me mac omulo doga, eko waco be, “Bala kame nan mac noni otieko mulo kede dogi, raco ni otieko kwanyere, doko da kotieko weno tenge dub ni.”

Yeremia 1:9

Di Rwot oko cwano cinge di eko mulo doga, di eko waco na be, “Nan ango atieko keto kope na i dogi.

Esekeri 1:26

I wi gi kopetere nono oudo tie iye gikame cal bala kom me ajakanut kame kotimo kede kidi me wel atie ebululu ebululu, di gimoro kame cal bala dano oudo tie bedo i wie.

Esekeri 3:27

Do i kare kame ango abino yamo kedi, ango abino yabo dogi, di in iko bino waco negi gikame ango Rwot Rubanga atie waco. Jo kame bino winyo, wek gi kiwinyi; doko jo kame bino dagi winyo, wek gi kibedi; pien gin kibedo jojemo.”

Esekeri 33:22

Otieno aru ceng kame icuo kobwot nono obino kede buta, twer ka Rwot oudo odonyo i kuo na. Kakame en do eko tuno kede buta odiko, oudo Rwot otieko mino doga bobo twero yamo.

Danieri 12:8

Ango awinyo gikame ewaco do likame ako karuno niang iye. Omio ango ako penye be, “Adwong na, do nyo kame bino bedo adwogini me timere me gi nogi?”

Danieri 4:19

Di Danieri, ngat kame oudo kolwongo da be Beletesasar oko bedo kede par alit di likame eko twero waco kop moro. Tam kame oudo tie i wie omie lworo. Abaka oko waco ne be, “Beletesasar, kur ibed kede lworo pi lek nono arabo pi dwong mere.” Beletesasar oko dwoko be, “Adwong, koto lek nono kede dwong mere obedo pi jokwor nin, do weko in.”

Danieri 7:15

Gianyuta kame ango Danieri aneno opoto cunya di eko mina lworo.

Danieri 7:28

Man en ajikini me kop nono. Do ango Danieri tam kame abedo kede oko mina lworo atek di ako donyo jul ajula; do ango ako kano kop nono i cunya.

Danieri 8:15

Kakame ango Danieri oudo atie tamo pi niang kede dwong me gianyuta nono, cucuto ngatamoro oko bino cungo i nyima, en oudo ecal bala icuo.

Danieri 8:17

Gabulieri oko bino di eko cungo i ngeta, di lworo oko maka di ango ako riebere piny. En eko waco na be, “Wot dano, niang be gianyuta noni nyuto kare me ajikini.”

Danieri 8:18

Kakame en oudo etie yamo keda, wia oko witar di ako poto, do en eko maka di eko kiarao ango acungo,

Danieri 8:27

Aso, ango Danieri kop noni oko ninga di ako bedo tuwo pi ceng atot atota. Di do ako doko momot di ako dok i wang tic kame abaka oudo omia. Do gianyuta nono oneko koma, doko da likame ako niang dwong mere.

Danieri 9:21

Kakame oudo ango atie kede ilega, malaika Gabulieri, en icuo kame ango oudo acako neno i gianyuta kokato, oko por bino kakame ango oudo atie iye. Manono oudo obedo esawa me mino giayala me otieno.

Luka 1:64

Cucuto nono di do leb Sakaria oko gony di eko cako yamo bobo. Kikano di do en eko donyo pako Rubanga.

Luka 21:15

pien ango abino mino wu kope me ayama, kede rieko da kalikame tie ngakwor wu moro kame bino twero kanyakino arabo piem kede.

Yokana 20:28

Tomasi oko dwoko ne be, “In Rwot na kede Rubanga na!”

Yosua 5:14

Icuo nono oko dwoko be, “Li, do ango nan abino kan bala ngadwong me isirikalen ka Rwot.” Yosua oko riebere piny i lobo pi mine wor, di eko waco ne be, “Adwong, ango ngatic ni, nyo kame itie ciko na pi timo?”

Gianyuta 1:13

Ako neno ngatamoro kame cal bala Wot ka dano i diere me gi cibo italan nogo, di engapo ekanso abor, kede di erwao ausi i kore kame kotimo kede saabu.

Jongolkop 13:8

Di Manoa oko lego but Rwot be, “Okwe Rwot, akwao be, koto dano ka Rubanga kame in oudo icwao odwogo bobo but wa di eko waco ne wa gikame opoore timo kede awobi kame obino nywalo.”

Jongolkop 6:13

Egidioni bin oko waco ne be, “Do adwong, ka Rwot tie kede wan, pinyo komio gigi dedede tie timere ne wan? Doko jamini adongodongo kame joakwari wan obedo tatamo ne wa be en bin etimo, nan do tie tuai? Gin kibedo tatamo ne wa be Rwot en kame bin okwanyo wa ki Misiri. Do nan do Rwot otieko uco wa tenge, doko etieko jalo wa i cing jo Midian.”

Jongolkop 6:15

Egidioni bin oko gamo be, “Do Rwot, epone mene kame ango akaruno lako kede jo me Isirael? Ot kame ango ayai kiye en kame jo mege goro kalamo ki ekeko ka Manase, doko ango en kame pira likame tek kalamo jo dedede me ot wa.”