Danieri 10:12 - Baibuli I Leb Kumam 2013

¹² En eko waco na be, “Danieri, kur ibed kede lworo. Rubanga owinyo kwac nin cako i ceng me agege kame in iketo kede tam ni pi udo niang di imwolere i nyim Rubanga ni. Ango nan abino pi kelo ni adwokini me ilega ni.

Danieri 10:12 Iomraidhean Croise

Sabuli 69:10

Kakame bin amwolere kede di akanyo kec, jo oko yeyeto ango pi timo kamanono.

Isaya 35:4

Wacenu jogo kame cuny gi lwor be, “Bedunu tek, kur ibedunu kede lworo! Rubanga wu tie bino. En ebino nyango gikame kotimo ne wu, en ebino culo kwor wu. En eyaro bino di eko lako wu.”

Isaya 41:10

Kur ibedunu kede lworo, pien ango atie kede wu, kur ibedunu kede lworo moro, pien ango en Rubanga wu; ango abino mino wu teko, abino konyo wu, ango abino gwoko wu di ako lako wu kede twer na.

Isaya 41:14

Rwot waco be, “Ateker me Isirael, bed bala in ititidi doko igoro, do kur ibed kede lworo; ango abino konyi. Ango, Ngat Kacil me Isirael, en kame abedo Ngalak nin.

Isaya 58:9

Ka ibinunu lego buta, ango abino gamo dog wu. Ka ibinunu koko buta pi konyo wu, ango abino waco ne wu be, ‘Ango ine!’ “Ka wun ijikunu tero jo kirac, cicimo jo, yamo areco;

Isaya 65:24

Di pwodi gin likame kikwaa, ango abino gamo kwac gi, doko di pwodi gin likame kitieko waco gikame kitie kwano, ango abino winyo kwac gi.

Danieri 10:11

En eko waco na be, “Danieri, in Rubanga mari twatwal, cik yiti iwiny kope kame ango ayaro waco ni. Yai icungi, pien ango kocwaa buti.” Kakame ewaco kede kamanoni, ango ako cungo, do koma oudo pwodi tie miel.

Danieri 10:19

En ewaco na be, “Kur ibed kede lworo, Rubanga mari twatwal, likame tie gimoro arac koyaro timere ni. Bed kede teko kede cuny anwang.” Kakame en eyamo na kede kamano, ango ako udo teko di ako waco be, “Adwong na, yam do gikame imito waco, pien nataman itieko mina teko.”

Jolebi 16:29

“Man en iswil kame ibinunu lubo pi kare lung: i ceng me tomon i duwe me kanyaare, ibinunu kanyo kec, doko likame ibinunu timo tic moro i ceng nono, wun jo me Isirael kiton jokumbor kame bedo kede wu.

Jolebi 16:31

En ebedo ceng me wei atwal atwala bala ceng Sabato, doko wun miero ikanyunu kec iye. Manoni en iswil kame poore ilubunu pi kare lung me anyim.

Wel 29:7

I buto duwe tomon me duwe me kanyaare cokere kacil bino bedo tie; likame jo bino camo gimoro akadi timo tic moro.

Matayo 28:10

Yesu oko waco ne gi be, “Kur ibedunu kede lworo; otunu iwacunu ne imiegu na pi ot Galilaya di kiko bino nena ki kuno.”

Matayo 28:5

Do Malaika nono oko waco ne mon ka be, “Kur ibedunu kede lworo, pien ango angeo be wun itienu mono Yesu kame oudo koguro i kom musalaba.

Marako 16:6

En eko waco ne gi be, “Kur ibedunu kede lworo, ango angeo be wun itienu mono Yesu me Nasaret, kame oudo koguro i kom musalaba. Do en eli ki kan, en etieko yaruno, nenunu kakame oudo kopiele iye ine.

Luka 1:13

Do Malaika nono oko waco ne be, “Sakaria, kur ilwori, Rubanga otieko winyo kwac ni, Alisabeti dako ni oyaro nywalo ni atin awobi, di iko cako nyinge Yokana.

Luka 1:30

Do malaika oko waco ne be, “Maria, kur ibed lwor, pien in itieko do udo kisa ka Rubanga!

Luka 2:10

Di do malaika oko waco ne gi be, “Kur ibedunu kede lworo, pien akelo ne wu kop aber me kilel adwong, kame oyaro bino but jo dedede;

Luka 24:38

Di en eko penyo gi be, “Pinyo komio komu oto kamano, doko pinyo komio gung tie i cunyu?

Tice 27:24

di eko waco na be, ‘Paulo, kur ibed kede lworo; in miero icung i nyim Kaisari. Doko neni, Rubanga otimi ber, eyaro mino jo dedede kame tie kedi i emeri bwot.’

Gianyuta 1:17

Kakame ango anene kede, ako poto piny i tiene di ako dong bala ngat kotieko to. Do en eko keto cinge tetu cam i koma, di ewaco be, “Kur ibed lwor; ango en agege kede ajikini.