Danieri 10:1 - Baibuli I Leb Kumam 2013

¹ (I mwaka me adek me apugan ka Sairas bala abaka me Pasia, bin Rubanga oko mino kop mere ongere but Danieri, en ngat kame oudo kolwonge da be Beletesasar. Kop nono oudo obedo me ateni do niang iye oudo obedo cane adwong. Bin oko niange kop nono i gianyuta.)

Danieri 10:1 Iomraidhean Croise

Ageini 41:32

Kite kame lek nono otimere kede tien are nyuto be manono Rubanga en oiko, doko ebino mino manono timere i kare kiyapiyapi.

2 Iyutun 36:22

I mwaka me agege me apugan ka Sairas bala abaka me Pasia, Rwot oko mino kop kame en oudo emio enabi Yeremia owaco ocobere. En emio Sairas owoto cik di eko wandiko en, eko cwane be some i piny mere lung.

Esera 3:7

Jo bin oko kwanyo sente me culo jo kame gero apama kede jo kame guro ibaon; doko da kiko kwanyo cam, giamata, mo me olibeti pi cwano i bomban me Taya kede Sidon, pi seso kede yen seda me Lebanon, kame oudo kopoore mino mol beo i nam adwong tuno Jopa. Oudo kitimo manoni di lubere kede akarunikin kame Sairas, abaka me Pasia omio.

Esera 4:3

Do Serubabel, Yosua, kede jo ace apat kobedo jotel me miere i Isirael oko waco negi be, “Wan likame obino yei ne wu konyo wa gero ne Rubanga wa tempulo; do wan kikom wa en kame obino gero ne Rwot Rubanga me Isirael ot, bala kame Abaka Sairas me Pasia otieko ciko ne wa.”

Esera 4:5

Doko da kiko donyo wilo jotel me apugan me Pasia pi totolo kop me gedo nono. Kibedo timo kamanoni pi kare lung kame Sairas oudo tie kede i apugan, paka tuno i kare me apugan ka Darias da.

Esera 6:14

Aso, joadongo me Iyudayan oko meede kede gedo, di tic oko ot anyim kiber, di inabin Kagai kede Sakaria en asupo cuny gi kede imurai. Gin kiko tieko gero tempulo di lubere kede cik kame Rubanga me Isirael omio gi, kede cik kame Sairas, Darias, kede Abaka Aretasereses me Pasia oudo omio.

Esera 6:3

“I mwaka me agege me apugan mere, Abaka Sairas oko mino cik be kopoore temuno gero tempulo i Yerusalem, pi en bedo kakame jo mio kede wango kiye giayala. Tempulo nono boro mere malo poore bedo mita ot are kiwie kanyaare, kede laco mere da mita ot are kiwie kanyaare.

Isaya 44:28

Ango awaco ne Abaka Sairas be, ‘In en ngakwat na; ango abino tic kedi pi timo gikame ango cunya mito timo; in ibino mino cik di oko gero Yerusalem, doko da ibino mino kocibo acakini me Tempulo.’ ”

Danieri 1:17

Rubanga oko mino awobe ongwon nogo ngec kede niang i kom epone dedede me wandiko leb, kede kope me rieko. Medo i wi manono, Danieri oudo twero gonyo dwong me lek kede gianyuta.

Danieri 1:21

Danieri oko dong tic kunono tuno i mwaka me agege me apugan ka Abaka Sairas.

Danieri 1:7

Jotic adongo bin oko mino gi nying kanyen kaman: Danieri kocako ne be Beletesasar, Kanania kocako ne be Sadurak, Misael oko cako ne be Mesak, kede Asaria oko cako ne be Abedenego.

Danieri 10:14

Ango nan abino pi mini niang gikame bino timere ne jo ni i kare me ajikini. Tie bobo gianyuta ace kame mako kare nono.”

Danieri 11:2

“Nan ango amito waco ni kop me ateni.” Malaika nono oko waco be, “Abakai adek ace bino pugo Pasia. Abaka me ongwon mere bino bedo ngat kobaro kalamo gin dedede, di do kakame ebino tieko doko tek kede pi abar mare, en eko bino supo jo dedede i kom ajakanut me Guris.

Danieri 12:4

“Do in Danieri mwon itabu noni iko mino kope nogi bed mung paka tuno i kare me ajikini. Jo atot bino bino donyo wire tuni kede tuca, di ngec ko meede.”

Danieri 12:9

En eko dwoko na be, “Danieri in nan do oti, pien kope nogi kopoore kano gi kibed me mung tuno i kare me ajikini.

Danieri 2:21

En etie kede loc i kom gikame timere kede i kom kare; en eketo, doko en ekwanyo abakai; en kame emio rieko kede niang.

Danieri 4:8

Di Danieri oko bino (en kolwonge da be Beletesasar, en nying rubanga na); en ebedo dano kame rubangan kacil omio twer. Ango ako tatamo ne lek na. Man en gikame ango ako waco ne:

Danieri 5:12

En etie kede twer akalamo, ngec, kede niang me gonyo dwong me lek, kede gonyo dwong me kope komungere, kede me tieko pekini. Aso cwai dano ot lwong ni icuo nono, en Danieri, en ngat kame bin papa ni ocako ne nyinge be Beletesasar, di en eko bino gonyo ni dwong me gi noni.”

Danieri 5:17

Danieri oko dwoko be, “Wek giamia nogo dong megi, arabo imi gi but dano moro apat. Adwong abaka ango abino somo ni gikame kowandiko di ako gonyo ni dwong mere.

Danieri 6:28

Danieri oko meede ameda dongo i wang tic i kare me apugan ka Darias kede me ka Sairas me Pasia.

Danieri 8:16

Ako winyo di dwan dano yamo ki ecilet me Ulai be, “Gabulieri, mie eniang dwong me gianyuta kame eneno.”

Danieri 8:26

Gianyuta noni amako kop me giayala awanga me odiko kede otieno kame kogonyo ni dwong mere bino cobere. Do nan ber kong mie ebed mung, pien ebino tero kare alac di pwodi likame ecobere.”

Luka 1:20

Do pien in likame iyei kop nango kame bino cobere kame kare otuno, omio in do ber ibino dong di iling alinga di likame itwero yamo tuno kede i ceng kame gigi bino cobere kede.”

Gianyuta 19:9

Di malaika nono oko waco na be, “Wandiko kop ni be: kitie kede winyo gin jo kame kolwongo gi i ebaga me nyom me Katin Romo.” Doko en eko waco na be, “Magi obedo kope me ateni kame owok kibut Rubanga.”