Danieri 1:2 - Baibuli I Leb Kumam 2013

² Rwot oko mino Abaka Yekoyakim me Yuda opoto i cinge, ribo kiton jamini mogo me tempulo. En eko tero gin dedede Babilon, di eko keto jamini nogo i agola me kano jamini me tempulo ka rubangan mege.

Danieri 1:2 Iomraidhean Croise

Ageini 10:10

En bin ecako ajakanut mere ki Babel, Erek kede Akad, kame dedede oudo tie i lobo me Sinar.

Ageini 11:2

I kare kame gin bin kidak kede yai ki tetu kide, gin bin kiko tuno i elet i lobo me Sinar di kiko bedo iye.

2 Abakai 24:1

I kare me apugan ka Yekoyakim en kame Abaka Nebukadunesa me Babilon oko ot suro kede Yuda; Yekoyakim di oko doko ngatic mere pi mwakini adek. I cen mere di do Yekoyakim oko lokere jemo ne.

2 Iyutun 36:5

Mwakini me dongo ka Yekoyakim oudo tie ot are kiwie kany i kare kame en bin ecako kede pug. En bin eko pug i Yerusalem pi mwakini tomon kiwie acel. En eko timo gikarac i nyim Rwot Rubanga mere.

2 Iyutun 36:7

Nebukadunesa oko tero da jamini mogo kame bin kotimo kede tice me tempulo di en eko keto gi i paco mere me abaka i Babilon.

Esera 1:7

Abaka Sairas kikome oko kwanyo bakulin kede ikopon kame Abaka Nebukadunesa oudo okwanyo ki tempulo i Yerusalem di eko lokere keto gi i abilan me rubangan mege.

Isaya 11:11

Kame kare nono otuno, Rwot bino bobo medo tic kede twer mere pi dwoko jo mege kodong anonok ki Asiria, ki Misiri, ki Paturos, ki Abisinia, ki Elam, ki Sinar, ki Kamat, kede ki lobo atie i dog nam adwong.

Isaya 42:24

Ngai en kojalo jo me Isirael i cing joyak? Rwot kikome en kotimo, en ngat kame wan otimunu dub bute! Wan likame okounu twero bedo i ekite kuo kame en oudo emito ne wa, arabo lubo iswil kame en oudo emio wa.

Yeremia 25:1

I mwaka me ongwon me apugan ka Yekoyakim wot ka Yosia, di en oudo abaka me Yuda, Rwot oko waco na kop i kom jo me Yuda. (Manono oudo obedo mwaka me agege me apugan ka Abaka Nebukadunesa me Babilon.)

Yeremia 27:16

Di ako waco ne josaseredoti kede ne jo be Rwot owaco be, “Kur iwinyunu kope me inabin wu kame tie waco be kobino dwoko ki Babilon oyotoyot jamini kame kotio kede i tempulo, pien gin kitie ngalo wu.

Yeremia 28:3

I kare me mwakini are ango abino dwoko kanoni jamini dedede me tempulo, kame Abaka Nebukadunesa okwanyo ki kanoni di eko tero gi Babilon.

Yeremia 35:11

Do i kare kame Abaka Nebukadunesa me Babilon osuro kede piny wa, wan oudo oko waco be, ‘Bia ootunu Yerusalem tetekeny obwotunu ki cing isirikalen me Babilon kede me Siria.’ Manono en omio wan otie bedo Yerusalem.”

Yeremia 50:2

“Tuc kop noni ne atekerin doko tatamo en! Sip imendera di iko tatamo kop noni! Kur imungi, do wac be, ‘Jokwor otieko mano Babilon! Kotieko mino lewic omako rubanga mere Bel, rubanga mere Maraduk cunye otieko dubere! Cal apaa me Babilon kotieko mino lewic omako, caljwogi mege cuny gi otieko dubere!’

Yeremia 51:44

Ango abino mino alola but Bel, rubanga me Babilon, di ako mine engoko gikame etieko mwonyo. Atekerin likame bobo bino mol ot bute. “Apama me bomba me Babilon otieko poto.

Danieri 5:13

Bin oko tero Danieri but abaka. Abaka oko waco ne Danieri be, “Mam in en Danieri, Eyudayat kame tie bedo obukui kan, kame papa na abaka bin okelo kan ki Yuda?

Danieri 5:18

“Rubanga Ngamalo Twal bin omio papa ni Nebukadunesa obedo abaka adwong, di eko mine deyo kede angosibib.

Abakuk 1:16

Pi mano, gin kimio giayala but bwoini kede kokoto gi, pien magonogo mio gi abar kede cam abeco.

Sakaria 5:11

En eko dwoko na be, “Kitie tere Babilon pi ot gero ne ot kunono. Kame kotieko gero ot nono kobino cibo ebukit nono i yie.”

Iswilia 32:30

Ngakwor acel kenekene obwono jo tutumia acel me Isirael, kom jokwor are kenekene obwono gin jo tutumia tomon. Manoni oudo twero timere benyo benyo, ka ngalak gi atek bala lela oudo likame ocato gi, ka Rwot oudo likame ojalo gi?

Jongolkop 2:14

Manono oko mino cuny Rwot oko wang i kom jo me Isirael, di en eko jalo gi i cing joyak kame oko yako gi. En bin emio jokwor obedo tie negi i bad tetu dedede, tetekeny gin likame kikaruno yi kede gi.

Jongolkop 3:8

Manono oko mino cuny Rwot owang i kom gi, di eko mino gi i cing Abaka Kusan Risataim me Mesopotamia. Abaka nono oko pugo gi pi mwakini kanyauni.

Jongolkop 4:2

Rwot bin oko mino gi i cing Abaka Jabin me Kanan, ngat kame bin pugo bomba me Kasor. Ngatel me isirikalen mege bin en Sisera, kame bin bedo Karoset Goim.

1 Samuel 5:2

Di do kiko tere i abila ka rubanga gi kame nyinge Dagon, di kiko cibe i nget cal acwea ka Dagon.