Amosi 1:3 - Baibuli I Leb Kumam 2013

³ Rwot waco be, “Jo me Damasiko obedo timo dub tien atot atota. Ango ateteni abino mino gin alola; likame abino loko tam na. Gin kimio jo me Gilead oneno can alit.

Amosi 1:3 Iomraidhean Croise

1 Abakai 19:17

Ngat kame bino bwot likame Kasael neko, Yeku en kame bino neke; ngat kame bino bwot likame Yeku neko, Elisa en kame bino neke.

2 Abakai 13:3

Aso, cuny Rwot oko wang ne Isirael di eko ruruco jalo jo me Isirael i cing Abaka Kasael me Siria kede i cing wode Benekadad.

2 Abakai 13:7

Yekoyakas oko dong kede isirikalen aribo jo ot kany aringo kede asigiran, cabalan tomon kede isirikalen me tien tutumia tomon (10,000) kenekene; pien abaka me Siria oudo omuducaro gi di eko pudao gi bala asinge kame kodudupo i diakal me canyo.

2 Abakai 16:9

Abaka me Asiria bin oko winyo kop mere, di eko yai ot suro Damasiko, eko mane di eko neko Abaka Resin, doko eko mako jo mege etero gi Kir bala mabus.

2 Abakai 8:12

Kasael oko penyo Elisa be, “Adwong, itie koko pinyo?” Elisa oko dwoko be, “Pien ango angeo jamini areco kame in ibino timo ne jo me Isirael. Ibino wango apamai kame kocelo kede bomban gi, ibino neneko awobe gi, ibino nyinyilo idwe gi, kede ibino cocobo yi mon gi oyac di iko buluno gi.”

Yobu 19:3

Itiekunu yeyeto ango tien kede tien, doko da lewic likame mako wu timo na raco.

Yobu 5:19

Rubanga bino laki ki peko, en ebino laki tien kede tien ki peko ni.

Agole 6:16

Tie jame kanyaare kame Rwot dagi, jame kame tie bala gi me kwer bute;

Ngarab kop 11:2

Popoko gikame itie kede tien kanyaare arabo kanyauni, pien likame ingeo peko kame romo poto i lobo.

Isaya 28:27

Kame kotieko nyaro dili kede cumin, likame komio twonin wire di kiwao ebao apek arabo agadigadi pi nginyo gi, do kocanyo gin kede ikong.

Isaya 41:15

Ango abino mini ibedo cal bala ikong me canyo, ebao kame lake me canyo nyen di bit. Ibino beo i mori di kiko doko bala alos kame kocanyo; ibino mino imukuran doko apua.

Isaya 7:16

Doko da akadi di kare kame en etwero poko kede gikarac kede gikaber likame pwodi otuno, lobo me abakai are kame tie mini lworo no udo otieko dong nono.

Isaya 7:8

Pien bomba me Damasiko en kame tek lo Siria, doko da Abaka Resin en kame pugo Damasiko. I kom kop amako Isirael, di mwakini ot kanyape kiwie kany likame okato, udo Isirael otieko poto likame doko etwero cungo bala ateker.

Isaya 8:4

Pien di pwodi atin nono likame ongeo lwongere be, ‘Papa’ kede be ‘Toto’, udo abaka me Asiria otieko tero abar me Damasiko kede jamini kame eyako ki Samaria.”

Amosi 1:11

Rwot waco be, “Jo me Edom obedo timo dub tien atot atota. Ango ateteni abino mino gin alola; likame abino loko tam na. Gin kilubo imiegu gi, jo Isirael, di kiko neneko gi abongo kisa. Lilo gin oudo likame tiek, doko gin oudo kimito be ebed kamanono nakanaka.

Amosi 1:13

Rwot waco be, “Jo me Amon obedo timo dub tien atot atota. Ango ateteni abino mino gin alola; likame abino loko tam na, pien i Gilead gin kibabaro yi mon koyac i kare me yi pi mito nyano ikor me lobo gi.

Amosi 1:6

Rwot waco be, “Jo me Gasa obedo timo dub tien atot atota. Ango ateteni abino mino gin alola; likame abino loko tam na. Gin kimako ateker lung di kiko tero gi kioto cato gi bala ipasoi but jo Edom.

Amosi 1:9

Rwot waco be, “Jo me Taya obedo timo dub tien atot atota. Ango ateteni abino mino gin alola; likame abino loko tam na. Gin kimako ateker lung di kiko tero gi ne jo Edom. Gin kituro cikere gi me imiegu kame oudo kitimo.

Amosi 2:1

Rwot waco be, “Jo me Moab obedo timo dub tien atot atota. Ango ateteni abino mino gin alola; likame abino loko tam na, pien gin kiko wango cogere me abaka me Edom paka doko buru.

Amosi 2:4

Rwot waco be, “Jo me Yuda obedo timo dub tien atot atota. Ango ateteni abino mino gin alola; likame abino loko tam na, pien gin kitieko dagi iswil na, doko likame kigwoko pwony na. Caljwogi kame bin joakwari oko donyo woro otieko mino gida kiparao tenge.

Amosi 2:6

Rwot waco be, “Jo me Isirael obedo timo dub tien atot atota. Ango ateteni abino mino gin alola; likame abino loko tam na, pien gin kicato jo kame ekite gi opoore, jo kalikame karuno culo banyi gi. Jo kame piny oloo gin kicato i wel me amuka.

Sakaria 9:1

Man en kop kowok kibut Rwot: En etieko ngolo kop ne lobo me Kadarak kede ne bomba me Damasiko. Pien likame jo me ikekon me Isirael kenekene en kobedo mege, do kiton jo me bomba adwong me Siria da.

Sakaria 9:2

Kamat, kame tie i ikor me Kadarak da obedo mere, kiton bomban me Taya kede Sidon kede diru dedede kame kitie kede obedo mege.