Abakuk 3:8 - Baibuli I Leb Kumam 2013

⁸ Okwe Rwot, benyo, icileta en kame bin oko wango cunyi? Benyo, nam adwong en komio in bin iko doko ger? In bin iringo kede idoun ineno bala itie ringo kede cabalan, di iko mino jo ni obwono jokwor gi.

Abakuk 3:8 Iomraidhean Croise

Sabuli 104:3

in igero kabedo nin i pii kame tie i malo. In imio idoun odoko bala cabala nin, di iko ringo kede ki wi yamo.

Sabuli 114:3

Nam bin oneno gi di eko ringo; ecilet me Yorodan da oko lokere mol dok cen.

Sabuli 114:5

Pinyo bo, Okwe nam, komio in iko ringo? Okwe Yorodan, pinyo komio in iko lokere mol dok cen?

Sabuli 18:10

En eko bedo ingei Cerubim di eko por; yamo oko kute oringini kede.

Sabuli 45:4

Di lubere kede dwongo nin, wanano asigira ni ioti iko lono yi pi gwoko kop me ateni kede tim kopoore; mi cingi me teko nyut tice ni me aura.

Sabuli 68:17

Rwot wok ki Sinai ebino kabedo kacil, ebino kede cabalan tutumian kede tutumian.

Sabuli 68:4

Werunu ne Rubanga, werunu were me pako nyinge; iikunu yongayo ne en ngat kame eoto kede asigira i wi idoun, nyinge Rwot, lelunu i nyime.

Sabuli 77:16

Kakame pii oneni kede, Okwe Rubanga, kakame pii oneni kede, lworo oko mako gi, pii atut me nam oko cako tagere bala dano kame tie kede mielkom pi lworo.

Yai 14:16

Do in ting ebela ni malo di iko rieno badi i wi nam; pii bino pokere ki diere di jo me Isirael ko ngolo nam di kibeo i kakatek.

Yai 7:19

Rwot oko waco ne Musa be, “Wace Aaron mak ebela mere di eko rieno bade i wi pie dedede me Misiri: i wi icileta, isamai kede ataparin mege, tetekeny pie nogo lokere dok remo; di remo ko bino romo lobo me Misiri dedede, kiton i yi yen kame kopao amoto ingaroi kame koroko me coko pii.”

Yai 7:20

Di Musa kede Aaron oko timo bala kame Rwot ociko negi. I nyim Parao kede jotic mege adongo, Aaron oko tingo ebela mere malo di eko juto wi pii me ecilet, di pii dedede me ecilet oko lokere odoko remo.

Isaya 19:1

Man en kop i kom Misiri. Nenunu, Rwot tie bino Misiri, en etie i wi edou adwir bino. Caljwogi me Misiri kom gi bino miel i nyime, di cuny jo ko bino nyote pi lworo.

Isaya 50:2

“Pinyo bo komio i kare kame bin ango ako bino kede likame audo ngatamoro? Pinyo komio likame tie ngatamoro kogamo doga kakame alwongere kede? Benyo, iparunu be ango agoro likame akaruno lako wu? Arabo iparunu be ango ali kede twer me lako wu? Ango atwero ciko nam di eko tuo, doko ango atwero loko icileta doko wi tim, di aporogon gin ko to pi li me pii di kiko top.

Isaya 66:15

Rwot oyaro bino kede mac kede cabalan mege bala apipiru. En ebino bino kede gero atek di eko mino jo kame en cunye wang i kom gi alola i mac kame liel birbir.

Nakum 1:4

En emio nam cik, di nam ko tuo! En emio icileta tuo. Poti amio me Basan kede me moru me Kamel en emio ner, kede ature me moru me Lebanon da en emio ner.

Abakuk 3:15

In iko beo i nam kede asigiran ni, di twon pii nono oko rubere.

Marako 4:39

Yesu oko cei, en eko coko yamo di eko waco ne nam da be, “Kwei! Cungi!” Yamo oko cungo, nam da oko kwei cuu.

Gianyuta 16:12

Malaika me kanyape oko onyo gikame oudo tie i bakuli mere i ecilet adwong me Eupurate. Ecilet nono oko tuo pi iiko yongayo ne abakai kame wok ki tetu kide.

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

Gianyuta 19:14

Di isirikalen me malo, kame oudo ngapo igoen ameny, atar di cil, oudo lube di kiwanano asigiran atar.

Gianyuta 6:2

Di ako neno asigira atar, ngat kame wanano en oudo mako emal; di oko mine ocoro me angosibib. En eko ot di elo yi, doko me wek edony lono yi.