Abakuk 3:6 - Baibuli I Leb Kumam 2013

⁶ Ka en ecungo, lobo yangere; ka en engoloro jo, kom atekerin miel. Mori kobedo tie cako riki sek ko bebelun; imukuran koudo tie cako i kare kasek ko lwiny piny, i yote kame en bin elubo i kare kasek.

Abakuk 3:6 Iomraidhean Croise

Ageini 49:26

Winyo kame komio papa ni dwong kalamo winyo kame wok ki moru kame bedo nakanaka, ekalamo jamini abeco kame wok ki wi emukura kame bedo nakanaka. Ango akwao be winyo nogi bed i kom Yosepu, kibed i tur nyim en ngat kame bin koyero kikom imiegu mege di oko poke.

Yobu 21:18

Tien adi kame yamo otieko buko gi kede bala gari me kal, arabo tien adi kame apipiru otieko tero gi kede bala cucung?

Yobu 9:5

En ngat kame enyiko mori abongo gin ngeno, en etukumaro gi ka edoko ger.

Sabuli 103:17

Do amara kalikame lokere ka Rwot tie pi kare dedede but jo kame lwore, doko poore mere kelo alako but ikwae kede ikwae

Sabuli 104:32

Ka en engoloro lobo, lobo yangere; ka en emulo moru, yiro duny kiye.

Sabuli 35:5

Mi gi kibed bala ocucung kame yamo tie kuto, di malaika ka Rwot tie riamere kede gi.

Sabuli 68:16

Okwe moru kame wie tot atota, pinyo bo komio in ineno kede nyeko moru kame Rubanga oyero pi bedo kabedo mere, kakame Rwot bino bedo iye nakanaka?

Sabuli 90:2

Di pwodi likame kocweo mori, arabo di pwodi likame in icweo lobo kede piny, cako sek kede sek kiton tuno ikar kede ikar, in en kame ibedo Rubanga.

Sabuli 97:5

Mori calar bala adipor i nyim Rwot, kicalar i nyim Rwot me lobo lung.

Yai 15:14

Atekerin apat owinyo kop noni di kom gi oko donyo miel; lworo oko bwono jo me Pilistia.

Yai 15:15

Lworo atek omako ijakai me Edom; jotel me Moab kom gi oko donyo miel amiela; jo dedede me Kanan kom gi oko to.

Yai 15:17

In itero gi di iko cibo gi i wi moru nin bala yat kame kopito, en kakame in imio odoko kabedo ni, tempulo kame in kikomi en igero.

Yai 19:18

Yiro oko umo moru me Sinai pukupuk, pien Rwot oudo owok obino iye di etie i mac; yiro oko swiridido malo bala yiro me wango matapali, di moru oko yangere kitek.

Yai 21:31

Ka twon nono oneko wot ka ngatamoro amoto nyar ka ngatamoro, kobino tic kede iswil noni da i kom won twon nono.

Isaya 51:6

Tingunu wangu inenunu malo; ngolorunu lobo! Malo bino rwenyo bala yiro; wi lobo da bino ti bala egoe, di jo kame bedo iye ko bino to bala lwangini. Do alako kame ango akelo bino bedo nakanaka; twer nango me alako likame jik.

Isaya 51:8

Gin kibino rwenyo bala egoe kame ajekel ocamo, kudiling bino camo gi bala yer me oromo; do twer nango me alako likame jik; alako kame ango akelo tie pi lwak me kare dedede.”

Mika 5:8

Donge me jo Isirael kosasarun i diere me atekerin apat bino bedo cal bala engu kame tie i diere me leini me abum, arabo bala engu owor kame tie i diere me esipan me romini. Ka en ebeo i kom romini esosomo i kom gi di eko nyinyilo gi, abongo ngatamoro kame lako gi.

Nakum 1:5

Kabedo kame Rwot tie iye mori yangere, doko imukuran calar. Kabedo kame Rwot tie iye piny yayangun, piny kede jo dedede kame tie iye bedo kede mielkom.

Abakuk 1:12

Okwe Rwot Rubanga na, Ngat Kacil, in en ibedo Rubanga cako i kare kasek, in ibedo nakanaka. Rwot, Rubanga na kede ngagwok na, in itieko yero jo Babilon di iko mino gi teko me mino wan alola.

Abakuk 3:10

Mori bin oneni di kiko yangere; twon pii oko bwote ki idoun. Pii me nam oko mor, di ebuka gi oko tingere malo.

Matayo 24:35

Malo kede lobo bino rwenyo, do kope nango likame bino rwenyo.

Luka 1:50

Doko cuny mere me kisa tie but lwak me i kare dedede kame wore.

Tice 17:26

En bin ecweo atekerin dedede pi bedo i wi lobo lung di kiyai kibut dano acel, ingei en poko ne gi kare me kuo gi kede ikor me kabedo gi.

Iswilia 32:8

Ngamalo Twal bin omio buli ateker acelacel lobo mere amake; en bin epopoko jo di eko cibo ikor ne atekerin; bin eko mino ateker acelacel rubanga mere,

Iswilia 33:15

Akwao be mori gi kobedo tie cako anakacia bed tie kede anyakini abeco; imukuran gi abeco nakanaka bed tie kede anyakini atot.

Iburanian 13:8

Yesu Kirisito dong di cal acala, nyoro kede tin kede ikar kede ikar.

Yosua 10:42

Yosua oko bwono abakai nogi kede mano lobere gi i wang yi acel nono, pien Rwot Rubanga me Isirael oudo tie yi pir jo me Isirael.

Jongolkop 5:5

Mori bin oyangere i nyim Rwot, akadi moru me Sinai da bin oyangere, i nyim Rwot, Rubanga me jo me Isirael.