Abakuk 3:2 - Baibuli I Leb Kumam 2013

² Okwe Rwot, ango atieko winyo kop i kom gikame in itieko timo. Ango atie kede lworo atek i kom tice nin. Nataman med timo i kare wada; jamini adongodongo kame in bin ibedo timo. Ka iko lilo, yutuno cuny me kisa ni.

Abakuk 3:2 Iomraidhean Croise

Esera 9:8

Do nataman pi kare moro katitidi, Okwe Rwot Rubanga wa, in itimo wan kisa di iko mino mogo kikom wa obwot ki ipasun, di oko donyo bedo kabedo nin kacil noni. In ilako wan ki ipasun di iko mino wa kuo anyen.

Yobu 42:5

Ango oudo awinyo kop i komi awinya, do nataman atieko neni kede wanga.

Sabuli 119:120

Koma miel pi lwori, doko ango alworo ngolo kop nin.

Sabuli 25:6

Yutuno mwolo ni, kede amara ni kalikame lokere, Okwe Rwot, pien in ibedo tie kede gi cako sek.

Sabuli 38:1

Okwe Rwot, kur ibunano ango kede gero, arabo ibitaro ango kede lilo.

Sabuli 44:1

Wan otieko winyo kede yit wa, Okwe Rubanga, joakwari wa owaco ne wa tice kame in itimo i kare gin, i kare kasek.

Sabuli 71:20

In ngat kame imia aneno peko kede can atot, ibino bobo dwoko na teko; ibino wota ki bur atut i lobo.

Sabuli 78:38

Do akadi da, pi kisa mere en eko sasiro dub gi, likame eko muducaro gi. I kare atot en ebedo didio gero mere, likame eko jalakino lilo mere dedede.

Sabuli 85:6

Benyo, likame bobo iyaro dwoko ne wa epone me kuo angoce, me wek jo ni leli pi gikame in itimo?

Isaya 53:1

“Ngai kotieko yei kop kame wan otatamo? Doko ngai en kotieko neno twer ka Rwot i gi noni?

Isaya 54:8

Ango oudo akano wanga ki buti, pi kare katitidi pi lilo atek, do ango abino bedo kede cuny me kisa i komi di ako mari nakanaka; manoni en kop kame Rwot Ngalak ni owaco.

Isaya 63:15

Okwe Rwot, ngoloro wa ki malo kabedo ni kacil, en kabedo me deyo, di iko neno gikame tie timere. Cunyi kame paro pirwa do tie tuai? Twer ni kara tie tuai? Ani amara ni kede cuny me kisa ni? In itieko kwanyo gi kibut wa.

Isaya 66:2

Gi nogi dedede ango en kame acweo. Pi mano, gin dedede kibedo mega. Do jo kame ango cunya yom i kom gi, gin jo kame mwolere kede kame swilaro, jo kame lwora di kitimo gikame ango awaco negi.

Yeremia 10:24

Riei jo ni, Okwe Rwot, do kur do ikangasaro, doko da kur itime kede gero pien manono bino mino imuducaro wa atwal atwala.

Yeremia 10:7

Ngai kalikame poore mini wor, Okwe Abaka me atekerin dedede? In ipoore me jo mini wor. Likame tie ngatamoro kame cal bala in kikom jo ariek me atekerin dedede, amoto kikom abakai gi dedede.

Yeremia 29:10

“Rwot waco be, ‘Ka mwakini ot kanyaare me apugan me Babilon otiek, ango abino paro piru di ako cobo cikere na me dwoko wu paco.

Yeremia 46:28

Kur ibedunu kede lworo moro, wun jotic na ikwae ka Yakobo, pien ango atie kede wu. Ango abino muducaro atekerin dedede kame ango asasaro wu i diere gi, do ango likame abino muducaro wun. Ango abino mino wu alola kame poore kede wu, likame abino weko wu aweka abongo mino wu alola moro.”

Koko ka Yeremia 3:32

Akadi bed bala en ekel ne wa cwercuny, en ebino bedo kede cuny me kisa di lubere kede amara mere kalikame lokere.

Danieri 8:17

Gabulieri oko bino di eko cungo i ngeta, di lworo oko maka di ango ako riebere piny. En eko waco na be, “Wot dano, niang be gianyuta noni nyuto kare me ajikini.”

Danieri 9:2

I mwaka me agege me apugan mere, ango oudo atie siyao itabun kacil di aparo kop i kom mwakini ot kanyaare kame Yerusalem bino dong kede di etie ameje, di lubere kede kop kame Rwot oudo owaco ne enabi Yeremia.

Abakuk 3:1

Manoni en ilega kame enabi Abakuk oko lego:

Abakuk 3:16

Ango awinyo mor noni di koma ko donyo miel; del doga da ko donyo miel pi lworo. Koma ko keto nyonyok, di tiena ko mamanyun. Ango abino bedo mot di akuro ceng kame peko bino poto kede i kom jo kame suro wa.

Sakaria 1:12

Malaika ka Rwot oko waco be, “Rwot me jo yi, in nan cunyi obedo wang kede Yerusalem kede bomban me Yuda pi mwakini ot kanyaare. Ibino meede kamanono pi kare arom kamene di pwodi likame inyuto negi cuny me kisa?”

Yokana 10:10

Ngakuwo bino kenekene pi kwalo, neko kede pi dudubo. Do ango abino tetekeny jo ud kuo, kuo kopong.

Joroma 10:16

Do likame gin dedede kiyei lubo kop me ejiri; pien Isaya owaco be, “Rwot, ngai koyei kop kame ewinyo kibut wa?”

Jopilipi 1:6

Doko ango angeo kiber be, ngat kogeo tic aber i diere wu bino mine ecobere i ceng me dwogo ka Yesu Kirisito.

Iburanian 11:7

Bin Rubanga okwenyaro Nua i kom gikame oudo pwodi likame eneno, do pi yei en eko winyo kop ka Rubanga, di eko guro yee pi lako kuo me jo me i ode. Pi yei mere noni, en eko mino kongolo kop olo piny lung di eko udo poore kame yei kelo.

Iburanian 12:21

Ateteni, gikame Musa bin oneno oudo tie gi me lworo, omio Musa oko waco be, “Koma tie miel kede lworo.”

Gianyuta 15:4

Rwot, ngai kalikame bino lworo nyingi kede mine deyo? Pien in keni en ngat kacil. Atekerin dedede bino bino di kiko wori, pien tice ni me ateni otieko nyutere.”