Abakuk 3:13 - Baibuli I Leb Kumam 2013

¹³ In oudo ibino pi lako jo ni, ibino pi lako ateker ni kame iyero. In iko neko ngatel me jo areco, di iko muducaro atwal jo kame bin lube.

Abakuk 3:13 Iomraidhean Croise

2 Samuel 5:20

Aso, Daudi oko ot Baal Perasim, di eko bwono gi ki kuno. En ewaco be, “Rwot otieko nyano diere me jokwor na bala alele kame dipere.” Pi mano, oko do lwongo kabedo nono be Baal Perasim.

Sabuli 105:15

Ewaco be, “Kur imulunu jo na kame ayero, kur itimunu gimoro arac ne inabin na.”

Sabuli 105:26

En eko cwano Musa ngatic mere, kede Aaron, jo kame en eyero.

Sabuli 110:6

En ebino ngolo kop ne atekerin, eko mino liele me jo oto rwade kakame yi otimere iye; en ebino nyonyoto abakai i wi lobo lung.

Sabuli 137:7

Yutuno iko maro i wi jo me Edom, Okwe Rwot, ceng kame korereto kede Yerusalem, di gin oudo kiwaco be, “Tiatiaunu en! Tiatiaunu en! Tiatiaunu en tuno piny i acakini me apama mere!”

Sabuli 20:6

Nataman do ango angeo be Rwot bino konyo abaka kame en eyero; en ebino gamo kwac mere ki malo mere kacil di emie loc adwong pi twer mere.

Sabuli 28:8

Rwot en ngateko kame gwoko jo mege, en ebedo karingo ot gwok kame lako dano mere kame eyero.

Sabuli 68:7

Okwe Rubanga, i kare kame in bin itelo kede jo ni, kakame kibeo kede i wi tim,

Sabuli 77:20

In itelo jo ni itero gi bala romini, di itio i cing Musa kede Aaron.

Sabuli 99:6

Musa kede Aaron bin obedo josaseredoti mege, Samuel da bin ngat acel kikom jo kame oudo lwongo nyinge. Gin bin kikok but Rwot di en eko dwoko kwac gi.

Isaya 63:11

Di do gin kiko yutuno gikame bin otimere i kare kasek, i kare ka Musa, ngatic ka Rwot, di kiko penyere be, “Kara Rwot ngat kame bin olako jo kede jotel gi di kibeo i dier nam, nataman do tie tuai? Rwot kara tie tuai, en ngat kame bin emio Musa tipo kacil mere?

Isaya 64:1

Okwe koto di in iko yabo malo iko bino piny, tetekeny mori neni di gin kiko yayangun!

Esekeri 13:14

Ango abino tuturo apama kame gin kisuto kede erangi atar nono, di ako rete piny di kide me acakini mere ko dong kakaler. En ebino poto di eko neko wun dedede. Di do wun ikounu bino ngeno be ango en Rwot.

Amosi 9:1

Ango aneno Rwot di tie cungo i nget alutari, di eko waco be, “Dip wi ipirin me tempulo paka dud apama piny yangere. Tuturo gi di kiko popoto i wi jo. Jo kodong mege ango abino neko gi i yi, likame tie ngatamoro kikom gi kame bino lanyo, likame tie ngatamoro kame bino bwot.

Yosua 10:11

Kakame oudo kitie ringo kede tenge kibut jo me Isirael, esawa kame oudo do kitie ringo lor kede piny me mori atie Bet Koron, Rwot oko mino akako adongodongo ocwei i kom gi ape ape paka tuno Aseka. Jo kame akako oko neko oko bedo tot kalamo jo kame jo me Isirael oneko.

Yosua 10:24

Kakame kotuno kede gi but Yosua, Yosua oko lwongo jo dedede me Isirael bute di eko waco ne jodongo me isirikalen koudo ooto kede en, pi bino di kiko nyono ngut abakai nogo. Gin iko timo kamanono.

Yosua 10:42

Yosua oko bwono abakai nogi kede mano lobere gi i wang yi acel nono, pien Rwot Rubanga me Isirael oudo tie yi pir jo me Isirael.

Yosua 11:12

Yosua oko mamako bomban nogo dedede, karacel kede abakai gi da, di eko neko jo dedede bala kame Musa ngatic ka Rwot oudo ociko negi.

Yosua 11:8

Rwot oko mino jo me Isirael obwono gi; jo me Isirael osuro gi di oko donyo wapo gi dok i bad tetu malo paka tuno Misirepot Maim kede Sidon, kede da dok i bad tetu kide paka tuno i aditot me Misipa. Jo me Isirael oko bedo neko gi aneka kamanono tuno tieko gi pitipit.