Abakuk 2:9 - Baibuli I Leb Kumam 2013

⁹ Itienu i can wun jo kame imiunu jo me ude wu oudo abar i yore arac. Wun itamunu gero miere wu kakame gimoro arac likame romo tuno iye, bala winyo kame gero ode malo!

Abakuk 2:9 Iomraidhean Croise

Sabuli 49:11

Atesin gi obedo miere gi pi kare lung, kakame kibino bedo iye ikar kede ikar, bed bala oudo kitie kede lobo kame odoko mergi.

Sabuli 52:7

“Nenunu ngat kame oudo likame mito ot gwokere but Rubanga, do eko lunyo keto gen mere i kom twon abar mere, di eko mito gwokere i abar.”

Isaya 28:15

Wun iwakerenu be itiekunu timo isikan kede to, be itiekunu moko winyere wu kede kabedo me jo oto. Igenunu be ka can alit opoto likame ebino mulo wu, pien itiekunu mino kop me abe odoko kakame iringunu ot gwokere iye, kop kalikame ateni odoko ot kame igwokerenu iye.

Isaya 5:8

Itienu i can! Wun iwilunu ude kede poti medo i wi apat kame itienu kede. Odong kare acecek di do kabedo doko li ne jo apat, di do wun kenu en ikounu dong i lobo noni.

Yeremia 17:11

Dano audo sente i yore arac cal bala winyo abeko abeon kalikame obedo mege, di idwe nogo ko ringo weke. I diere me kare me kuo mere dano nono bino kei abar mere, di i ajikini en eko doko ngamingo.

Yeremia 22:23

Okwe in abaka kame kogero turi kede yen seda me Lebanon, ibino cur tin benyo kame lito opoto i komi, lito acal bala me dako atie ramere me nywal!

Yeremia 49:16

Ewaka me cunyu tie mino wun itamunu be jo lworo wu twatwal. Wun ibedunu kakobabarun me moru, kede malo i wi moru; do akadi wun ibedunu malo kakabor bala ekokom, Rwot bino dwoko wu piny ki kunono. Manono Rwot en owaco.

Yeremia 51:13

Wun jo kame ibedunu i nget icileta atot atota, di ibarunu, ajikini wu otieko tuno, kotieko coto atima me kuo wu.

Yeremia 51:53

Akadi koto Babilon di oko yito malo i edou di eko gero apama atek me cele i kunono, ango pwodi koto acwao jo di gin kiko ot muducaro en. Ango Rwot en awaco.”

Esekeri 22:27

Jotel me Isirael cal bala ipeon kame tie nyinyilo le kame kineko. Gin kionyo remo me jo pi mito udo abar i yore kalikame ber.

Obadia 1:4

Do akadi iporunu i malo bala ekokom i kakame wiriwir, akadi igerunu ude wu i diere me acerin, ango abino wano wu piny ki kunono.

Yuda 1:11

Kitie i can tin benyo! Pien kilubo ekite me kuo ka Kain, doko gin kidonyo i tim me angalo bala Balaam pi mito bedo kede ud, di kiko to bala bin Kora pi tim me jemo.