Abakuk 2:6 - Baibuli I Leb Kumam 2013

⁶ Jo kame gin kimako nogo bino lokere golao gi kede yamo kame waco be, “Itienu i can, wun jo kame icokunu jamini kalikame obedo megu!” Kara ibinunu tero kare kame rom kamene di icokunu piru abar me jamini kame imakunu pi banyi?

Abakuk 2:6 Iomraidhean Croise

Sabuli 94:3

Okwe Rwot, jo areco bino tieko kare kame rom amene, kibino tieko kare kame rom kamene di kilelo?

Agole 22:16

Ngat kame tero jocan kirac tetekeny eud abar, kede ngat kame mio giamia but jo kobaro, bino bedo kede kei.

Isaya 10:13

Piento abaka me Asiria waco be, “Ango atimo manoni kede teko na kede rieko na, pien ango atie kede niang. Bala twon ager ango atieko rereto jo kame oudo bedo i komini me ajakanuto, di ako mano lobere kede abar me atekerin.

Isaya 44:20

Ecal acala bala camo buru. Tam mere ongale omio erwenyo, doko likame etwero lakere kene arabo waco be, “Gikame ango amako i cinga tetu cam noni mam obedo gi me angalo?”

Isaya 5:8

Itienu i can! Wun iwilunu ude kede poti medo i wi apat kame itienu kede. Odong kare acecek di do kabedo doko li ne jo apat, di do wun kenu en ikounu dong i lobo noni.

Isaya 55:2

Pinyo bo kamio wun idubunu sente wu wilo gi kalikame obedo kwon, kede idubunu teko wu i gi kalikame yengo wu? Winyunu kop na, di ikounu camo gikame ber; ikounu bino camo cam kame ber kalamo kede yomcuny.

Yeremia 17:11

Dano audo sente i yore arac cal bala winyo abeko abeon kalikame obedo mege, di idwe nogo ko ringo weke. I diere me kare me kuo mere dano nono bino kei abar mere, di i ajikini en eko doko ngamingo.

Yeremia 29:22

Jo dedede me Yuda kame tie Babilon bala mabus bino tic kede nying gi me lamo jo be, ‘Akwao Rwot tim ni bala Esedekia kede Akab, jo kame abaka me Babilon obulo kede mac di kikuo.’

Yeremia 50:13

Pien ango alilo ne bomba me Babilon, likame tie dano moro kame bino bedo iye; en ebino dong ameje. Jo dedede kame bino beo i nget Babilon bino nene di kom gi ko to; gin kibino yisiro en pi can kame opoto i kome nono.

Esekeri 32:21

Ijakai kabin tek bino yamo ki dier kabedo me jo oto i kom Misiri kede i kom jo kokodere kede en be, ‘Jo kalikame woro Rubanga kame koneneko i yi nan obino piny kan, ige kibuto kinatakin.’

Mika 2:4

I kare nono jo bino wero wer me agecan i komu. Gin kibino wer kaman: “Wan do otiek girwa! Rwot otieko tero lobo wa, en ekwanye kibut wa, di eko popoko en ne jo komako wa bala mabus.”

Abakuk 1:15

Jo Babilon kodo jo kede golu, ineno bala jo odoko aporogo. Gin kiwao gi kede bwoi, kigalalo gi i kokoto, di kiko tero gi di kilelebo.

Abakuk 2:12

Itienu i can! Wun igerunu bomba kede onyo remo me jo, kede tim me gero.

Abakuk 2:13

Jo me atekerin kame wun imakunu obedo cane timo tic nono, pien gi dedede kame gin kigero bino wang i mac. Rwot me jo yi en kotimo manoni.

Wel 23:18

Di do Balaam oko murao kaman: “Yai Balak, di iko winyo; winy kop na, Okwe wot ka Sipor.

Wel 23:7

Balaam oko waco agole mere kaman: “Balak otieko kela ki Aram, abaka me Moab okela ki mori me bad tetu kide. ‘Bia ilam na ikwae ka Yakobo. Bia ironkino jo me Isirael.’

Luka 12:20

Do Rubanga oko waco ne be, ‘Ngamingo, iwor me tin noni komito kwanyo kuo ni; nan do jame kame in idiato go bino bedo me ka ngai?’ ”

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.