Abakuk 2:3 - Baibuli I Leb Kumam 2013

³ Wandiko en, pien kare mere me cobere pwodi. Do kare nono tie bino oyotoyot, di gikame ango anyuto ni noni ko bino timere. In itwero neno bala kare nono tie gal, do kure; pien ateteni gi noni bino timere abongo gal.

Abakuk 2:3 Iomraidhean Croise

2 Abakai 6:33

Di pwodi oudo likame etieko yamo, abaka oko tuno di eko waco be, “Peko noni owok kibut Rwot! Pinyo kamio ango pwodi ameede kede keto gen na bute?”

Sabuli 102:13

In iyaro yai di kisa ko maki i kom Sion, pien kare inononi me in timo ne bero; kare kame oudo kociko otieko tuno.

Sabuli 27:14

Bed kede gen i kom Rwot, bed tek, wek cunyi bed nwang, bed kede gen i kom Rwot.

Yai 12:41

I ceng me ajikini me mwakini tol ongwon kede ot adek, ikodeta me jo ka Rwot oko yai ki Misiri.

Isaya 30:18

Akadi bed kamanono da, do Rwot tie kuro wu pi bedo kede kisa butu, pien Rwot nakanaka timo gikame poore. Kitie kede winyo jo kame keto gen gi i kom Rwot.

Isaya 7:4

Wac ne pi bedo di egwokere, di ekweo kome, kede di eli kede lworo moro; doko kur emi cunye nyote pi isikin are kame mac tie camo nogi, pi gero agwai kame Resin kede Aram kede wot ka Remalia tie kede.

Isaya 8:17

Rwot otieko pwono ne jo mege me Isirael, do ango abino gene kamanono.

Yeremia 27:7

Atekerin dedede bino tic nen; doko da kibino tic ne wode kiton ne akware, tuno i kare kame ajakanut mere bino poto kede. Di do atekerin atot kede abakai me aura ko bino tero jo me ajakanut mere kidoko ipasoi.

Esekeri 12:25

Do ango Rwot abino waco kop na, di eko bino cobere. Likame bobo ebino gal. Di pwodi wun ikuonu, wun jojemo nogi, ango abino waco kop na di ako mine ecobere.” Rwot Rubanga en owaco.

Esekeri 30:9

“Kame ceng nono otuno di oko dudubo Misiri, ango abino cwano jo kede imerin ot Abisinia pi onyo lworo i kom jo kopalaro me kunono. Kibino bedo kede par alit i ceng kame Misiri bino beo kede i peko. Ceng nono tie bino!”

Danieri 10:14

Ango nan abino pi mini niang gikame bino timere ne jo ni i kare me ajikini. Tie bobo gianyuta ace kame mako kare nono.”

Danieri 11:27

Di abakai are nogo ko bino bedo cam karacel i emesa acel, di ngat acelacel tie kede tam arac i kom ngawote, doko di kingalere ken gi ken gi. Do likame kibino cobo mit gi pien kare mere udo pwodi likame otuno.

Danieri 11:35

Kobino neko jo ariek nogo mogo, di jo ko bino udo lonyere pi manono. Manono bino meede paka tuno i kare me ajikini, en kare kame Rubanga otieko moko.

Danieri 8:17

Gabulieri oko bino di eko cungo i ngeta, di lworo oko maka di ango ako riebere piny. En eko waco na be, “Wot dano, niang be gianyuta noni nyuto kare me ajikini.”

Danieri 8:19

di eko waco na be, “Ango atie nyuto ni gikame gero ka Rubanga bino kelo. Gianyuta nono nyuto kare me ajikini.

Danieri 9:24

“Mwakini kanyaare tien ot kanyaare en kare kame Rubanga omoko pi jo ni kede bomba nin kacil, pi jiko dub kede gikarac, pi udo isasir, kede pi en kelo poore abedo nakanaka, tetekeny gianyuta kede imurai nono cobere kakare, di oko bino medo kwero tempulo.

Mika 7:7

Do ango gira abino geno Rwot; abino kuro Rubanga pi laka. Rubanga na bino winyo kwac na.

Sepania 3:8

Rwot waco be, “Kong kurunu. Kurunu ceng kame ango abino pido kede atekerin. Ango atieko moko tam na pi coko atekerin kede ajakanuto dedede karacel, tetekeny abwot lilo na i kom gi. Ango abino doko ger di ako muducaro wi lobo lung.

Wel 23:19

Rubanga likame obedo dano, tetekeny eromo ngalo, en likame ebedo anywali me dano tetekeny eromo loko tam mere. Gi dedede kame en ecikere iye, en etimo; en eyamo kop di eko cobo timo da.

Luka 2:25

I kare no oudo tie icuo moro Yerusalem kame nyinge Esimioni. En oudo icuo kopoore, kame keto cunye woro Rubanga, kame oudo tie kuro neno epone kame Rubanga bino kweno kede cuny jo me Isirael; en oudo epong kede Tipo Kacil.

Tice 1:7

Yesu oko waco ne gi be, “Likame tic wun obedo me ngeno ceng arabo kare kame Papa otieko moko kede akarunikin mere.

Tice 17:26

En bin ecweo atekerin dedede pi bedo i wi lobo lung di kiyai kibut dano acel, ingei en poko ne gi kare me kuo gi kede ikor me kabedo gi.

Jogalatia 4:2

Do en edong i cing jo kame gwoke kede jo kame lo jame mege tuno kede i ceng kame papa mere ociko.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.

2 Petero 3:9

Rwot likame ogal kede cobo cikere mere bala kite kame jo mogo tamo kede, do en etie pwodi dire piru, pien likame emito be ngatamoro toi, do emito be jo dedede swilaro.