Abakuk 2:2 - Baibuli I Leb Kumam 2013

² Rwot oko waco na be, “Wandiko gikame ango abino nyuto ni, wandiko en kiber i kom kide abatal, tetekeny some bed yoyot.

Abakuk 2:2 Iomraidhean Croise

Isaya 30:8

Rwot oko waco na pi giro iwandik i kom kidi ibatalal, di doko ako wandiko en i itabu da, tetekeny ekaruno bedo bala ijura i kare dedede me anyim.

Isaya 8:1

Di Rwot oko waco na be, “Isaya, kwany gi ibatalal me iwandik iko wandiko iye kede inyukutan kame jo dedede karuno somo be, ‘Maker salal kas bas’,

Yeremia 30:2

owaco na be, “Wandiko i itabu kope dedede kame ango atieko waco ni,

Danieri 12:4

“Do in Danieri mwon itabu noni iko mino kope nogi bed mung paka tuno i kare me ajikini. Jo atot bino bino donyo wire tuni kede tuca, di ngec ko meede.”

Danieri 7:1

I mwaka me agege me apugan ka Belesasar bala abaka me Babilonia, ango Danieri ako neno gianyuta i lek di oudo atie buto iwor. Ango ako wandiko lek nono kaman:

Joroma 15:4

Pien gi dedede kame oudo kowandiko i kare okato, oudo kowandiko pi pwonyo wa, tetekeny obedunu kede gen pi ikanyakin kede nwangcuny kame iwandik kacil mio wa.

1 Jokorinti 14:19

do i cokere me jokirisito, tikatika ayam kope kany kame tam na niang, pi pwonyo jo icegun, akaka yamo kope tutumia tomon i leb anyen.

2 Jokorinti 3:12

Aso, pi kite kame otienu kede gen kame cal kamano, wan oyamunu abongo lworo,

Iswilia 27:8

Miero inenunu be iwandikunu kope me iswilia nogi i kide nogo di kisomere kiber.”

Iswilia 31:19

“Pi manono, nan wandiko wer kame ango atie mino wu, di in Musa iko pwonyo jo me Isirael iye tuno gin make kede wi gi, tetekeny ebed bala ijura na i kom kop amako gi.

Iswilia 31:22

Cenge nono Musa oko wandiko wer nono di eko pwonyo jo me Isirael iye.

Gianyuta 14:13

Di ako winyo dwan moro kame wok ki malo di waco be, “Wandiko kop ni: cako nan, kitie kede winyo jo kame to di kitie i Rwot.” Tipo oko dwoko be, “Ateteni kitie kede winyo. Gin kibino wei ki lole gi, pien tice gi upere kede gi.”

Gianyuta 19:9

Di malaika nono oko waco na be, “Wandiko kop ni be: kitie kede winyo gin jo kame kolwongo gi i ebaga me nyom me Katin Romo.” Doko en eko waco na be, “Magi obedo kope me ateni kame owok kibut Rubanga.”