Abakuk 2:16 - Baibuli I Leb Kumam 2013

¹⁶ Wuda kobino mino lewic pong i wi wu akaka wor. Ikopo me alola kame Rwot mako i cinge tetu cam kobino mino butu. Wun kikomu ibinunu mato ki ikopo nono. Ibinunu mer di jo ko bino neno wu di itienu nono. Lewic bino mako wu akaka wor kame koto jo mio wu.

Abakuk 2:16 Iomraidhean Croise

Sabuli 75:8

Pien ikopo me bwini akuao tie i cing Rwot, bwini kame konyalo di kec kame obedo gero mere; en ebino mino jo areco kame tie i lobo mate, tuno tieke pitipit.

Agole 3:35

Jo ariek bino bedo jo kame koworo, do jomingo lewic bino mako gi.

Isaya 20:4

Abaka me Asiria bino kolo mabus aoto nono kame emako ki lobere nogi etero gi obukui. Jo atino kede jo adongo bino ot nono abongo ngapo igoen, kede tien gi da nono, di kwon dud gi iparadad ooko; manono bino kelo lewic i kom Misiri.

Isaya 47:3

Komi bino dong nono; di jo ko neno komi me lewic. Ango abino timo onyanga, doko likame abino weko ngatamoro.”

Isaya 49:26

Ango abino mino jo kame tero wu kirac nekere ken gi ken gi, di kiko mer kede nek bala kimato bwini. Di do jo dedede ko bino ngeno be ango en Rwot, ngat kalako wu, Rubanga me Isirael Won Twer.”

Yeremia 25:15

Rwot Rubanga me Isirael oko waco na be, “Gami ki cinga i kopo noni. Bwini kame tie iye obedo gero na. Tere but atekerin dedede kame ango acwai but gi di iko mino gi kimati.

Yeremia 25:17

Aso ango ako gamo ikopo ki cing Rwot, di ako mino atekerin dedede kame en ecwa but gi omato gikame tie iye.

Yeremia 51:57

Ango abino mino jotel mege, jorieko, jopug, jotic adongo, kede isirikalen mege mer. Gin kibino ot nino di likame kiko cei. Ango abaka atieko waco, ango Rwot me jo yi.

Yeremia 51:7

Babilon oudo cal bala ikopo me saabu kame tie i cinga; en oudo emio jo me wi lobo lung omer. Atekerin omato bwini mere di wi gi oko dubere.

Koko ka Yeremia 4:21

Lelunu kede yomcuny, wun jo me Edom, kede wun jo kame bedo i lobo me Us. Do wuda ibinunu mato ikopo me akodi can nono; ibinunu mer kede, di ikounu gonyo igoen idongunu nono.

Esekeri 23:33

Ebino meri di eko kelo ni iturur. En ebedo ikopo kame kelo lworo kede amuducar. Manono en ikopo ka amini Samaria.

Kosea 4:7

“Wun josaseredoti ka wel wu omeede, dub wu da buta meede. Ango nataman abino loko gikame wun iwakerenu kede doko gikame kelo ne wu lewic.

Kosea 7:5

I ceng kame abaka wa oudo tie tedo kede ebaga, gin kiko mino abaka kede jotic mege omer kede bwini di kiko doko miming.

Abakuk 2:10

Do iik wu nono otieko kelo lewic ne jo me ude wu. Wun itiekunu kelo peko i komu kenu pi muducaro atekerin atot.

Abakuk 2:15

Itienu i can, wun jo kame imiunu jo me atekerin me kio wu mato gero wu tuno gin doko cal bala jo komer, pi wun mito neno gin di kitie nono!

Jopilipi 3:19

Gin ajikini gi en to, rubanga gi en yic, doko gin kitie kede yomcuny i gikame poore pi mino gi lewic. Gin tam gi tie i kom jame me piny.

Gianyuta 18:6

Terenu iepone kame eda etero wu kede, doko culenu tien are pi gikame etimo. Nyalunu ne giamata i ikopo kame en oudo enyalo ne jo iye, kame kec kalamo meren tien are.