Abakuk 2:10 - Baibuli I Leb Kumam 2013

¹⁰ Do iik wu nono otieko kelo lewic ne jo me ude wu. Wun itiekunu kelo peko i komu kenu pi muducaro atekerin atot.

Abakuk 2:10 Iomraidhean Croise

1 Abakai 2:23

Di do Abaka Sulumani oko kwongere i nying Rwot be, “Akwao Rubanga emia alola atek ka ango likame aneko Adoniya pi kwac mere noni!

2 Abakai 10:7

Kakame baluwa nono otuno kede but gi, gin kiko lwongo awobe ka Akab ot kanyaare di kiko neneko gi. Gin kiko keto wi gi i yi ibukito di kiko cwano ne Yeku Jeserel.

2 Abakai 9:26

‘Nyoro ango aneno di koneko Nabot kede awobe mege. Ango akwongere be ida kobino neki i poto acel noni.’ Pi manono nan kwany kome di iko uce i poto ka Nabot di lubere kede kop kame Rwot oudo owaco.”

Agole 1:18

do akodi jo nogo ciko obek kame lokere mako gin kikom gi; kiciko gikame kwanyo kuo gi.

Agole 20:2

Gero me abaka mio jo lworo bala dorano me engu; ngat kame wango cuny abaka udo likame en eparo pi kuo mere.

Agole 8:36

do jo kalikame wuda, udo kiwanere ken gi; jo dedede kame daga udo kimaro to.”

Isaya 33:11

Iik wu cal bala arienge kede cucung kame wei wun kikomu en kame bino cwinyo di kiko wang.

Yeremia 22:30

“Wandiko nying loni bala ngat kame li kede atin, dano kalikame gi dedede bino cobere ne kiber i kare me kuo mere; pien likame tie akware moro kame bino twero lunyo kom ka Daudi me pug di eko pugo lobo me Yuda; ango Rwot en awaco.”

Yeremia 26:19

“Abaka Esekia kede jo me Yuda likame oko neko Mikaa. Do akaka manono Esekia oko bedo kede lworo but Rwot di eko tamakino pi mino cuny Rwot bedo yom i kome. Rwot oko loko tam mere i kom can kame oudo ewaco be bino poto negi. Do nan wan oyapununu kelo can adwong i kom wa kenwa.”

Yeremia 36:31

Ango abino mini alola, in kede ikwae ni, kede jotic ni pi dub wu. Abino kelo i komu, kede i kom jo kame bedo Yerusalem, kede jo me Yuda, can dedede kame oudo awaco be abino keto i komu, pien wun idagunu winyo kope na.”

Yeremia 44:7

“Pi mano, ango Rwot Rubanga me jo yi, Rubanga me Isirael atie penyo wu pinyo komio wun itienu timo gikarac kamano i komu kenu? Benyo, imitunu kelo to ne cuo kede mon, idwe kede imukerun, tetekeny ngatamoro kur dong kuo kikom wu?

Nakum 1:14

Jo Asiria, manoni en gikame Rwot otieko ciko i komu: “Wun likame ibinunu bedo tie kede idwe kame bino mino nying wu meede bedo tie. Ango abino muducaro caljwogi wu kame tie i tempulo me rubangan wu. Ango abino kunyo ates wu, pien wun kony wu li.”

Abakuk 2:16

Wuda kobino mino lewic pong i wi wu akaka wor. Ikopo me alola kame Rwot mako i cinge tetu cam kobino mino butu. Wun kikomu ibinunu mato ki ikopo nono. Ibinunu mer di jo ko bino neno wu di itienu nono. Lewic bino mako wu akaka wor kame koto jo mio wu.

Wel 16:38

Pien itatany ka jo nogo me dunyo odok angwe kur otieko doko gikacil pi to gin. Tet gi kidok gi me umo wi alutari, pien jo nogo oudo omio gi buta di kiko doko gikacil. Gin kibino bedo anen but jo me Isirael.”

Matayo 27:25

Jo dedede oko dwoko be, “Wek remo mere bed i wi wan kede i wi idwe wa.”