Abakuk 2:1 - Baibuli I Leb Kumam 2013

¹ Ango abino cungo i gedo na abor malo me kino piny, di ako kuro winyo gikame Rwot bino waco na, kede gikame en ebino dwoko i kom koko na bute.

Abakuk 2:1 Iomraidhean Croise

2 Samuel 18:24

Daudi oudo tie bedo i dierediere me erute me yie kede erute me ooko me bomba. Ngat kame kio piny oko yito malo i wi gedo me erute, eko tingo wange malo di eko neno dano moro di etie ringini en kene.

2 Abakai 17:9

Jo me Isirael bin oko timo gi kalikame poore but Rubanga gi. Gin kigero kabedere kame gin kiworo iye caljwogi i bomban gin dedede, cako ki bomban atitino tuno i bomban adongo kame kocelo kede apama atek.

2 Abakai 9:17

Ngat kame kio piny koudo tie i wi gedo abor malo i Jeserel oko neno Yeku kede jo mege di kitie bino. En eko lwongere be, “Atie neno jo mogo tie bino.” Yoram oko waco be, “Cwai dano kede asigira pi penyo gi ka bino gi obedo me mulem.”

Yobu 31:35

Okwe koto oudo atie kede dano kame karuno winyo kop na! Ango kikoma adio cinga! Akwao Rubanga Won Twer gam doga! “Okwe koto di oudo ngakwor na owandiko awandik kop kame etie pida iye!

Yobu 31:37

Koto atatamo ne Rubanga gi dedede kame ango oudo abedo timo; doko koto oudo aoto i nyime bala ngapug.

Sabuli 5:3

Okwe Rwot, in iwinyo dwana odiko; odiko ango acwao koko na buti di ako donyo kuro.

Sabuli 85:8

Wek kong awiny gikame Rwot Rubanga bino waco, piento en ebino waco kop me mulem but jo mege, gin jo mege agene, ka gin likame bobo kidok i tim gi me mingomingo.

Sabuli 85:9

Ateteni eikere pi lako jo kame lwore, me wek deyo mere bed i lobo wa.

Isaya 21:5

I gianyuta nono, oudo koiko cam me ebaga, di oko peto ikeka me bedo me wele. Gin oudo kitie cam kede amata, di ngatamoro oko ngole redo be, “Yaunu, wun jodongo me isirikalen! Iikunu ibukui wu!”

Isaya 21:6

Di Rwot oko waco na be, “Oti icwai ngat akio piny, di iko waco ne pi mino kop i kom gikame eneno.

Isaya 21:8

Di ngat akio piny nono oko redo be, “Rwot, ango abedo cungo iwor kede iceng malo kan i wi gedo abor me ngingio piny.

Isaya 62:6

Ango atieko keto jodar piny i wi apama ni, Okwe Yerusalem; iwor kede iceng gin likame miero kilingi. Gin miero kipoi wi Rwot i kom cikere mege di likame kiweko wie wil.

Yeremia 12:1

Kame ango apido kedi, in Rwot, in ibino lona; do pwodi ango amito kelo pido na buti kamanono. Kara pinyo komio jo areco bedo i mulem? Pinyo komio gi dedede cobere kiber ne jo kalikame genere?

Yeremia 6:17

Di Rwot oko cwano ne wu jodar piny di eko waco be, “Cikunu yitu kiber i kom koko me agwara bala ikwenyar butu.” Do wun ikounu dwoko be, “Wan likame obino ciko yit wa.”

Esekeri 3:17

En ewaco be, “Wot ka dano, ango atieko keti pi bedo ngakino piny pi jo me ot ka Isirael. In ibino winyo kop ki buta di in iko bino mino gin ikwenyar kame wok ki buta.

Esekeri 33:7

“Aso, in wot ka dano, nan ango atie keti pi bedo bala ngakino piny pi ateker me Isirael. In ipoore mino gi ikwenyar kame ango abino mini.

Mika 7:7

Do ango gira abino geno Rwot; abino kuro Rubanga pi laka. Rubanga na bino winyo kwac na.

2 Jokorinti 13:3

pien wun imitunu gikame nyuto be Kirisito tie yamo kibuta. Likame en egoro kame etie tic kede wu, do en etie kede twer i diere wu.

Jogalatia 1:16

cunye oko bedo yom pi nyuto Wode buta, tetekeny apwony kop i kome ne jo kalikame Iyudayan. Ango likame ako ot pi udo tam kibut ngatamoro,