Abakuk 1:9 - Baibuli I Leb Kumam 2013

⁹ “Gin dedede kibino kede tim me gero, di kiko coko jo kame kimako di tot bala asinge.

Abakuk 1:9 Iomraidhean Croise

Ageini 41:49

Aso, Yosepu bin oko coko cam atot adikinicel; ecoko cam kame oudo tot bala asinge me dog nam, manono oko mino jo oko jiko pimo gi, pien oudo likame kitwero pimere.

2 Abakai 12:17

I kare nono Abaka Kasael me Siria oko suro bomba me Gat di eko mane, di do eko lokere ot pi ot suro Yerusalem.

Yobu 29:18

Ango oudo aparo i cunya be, ango abino bedo kuo pi kare alac, di ako bino to i oda.

Sabuli 139:18

Ka atamo maro gi, kitot kalamo asinge; ka ango acei, udo pwodi atie kede in.

Isaya 27:8

Rwot omio jo mege alola i yore me cwano gi bala mabus obukui. En emio yamo agwai me bad tetu kide ojwango gi kunono.

Yeremia 15:8

Apuserun tie i lobo wu atot kalamo asinge me dog nam. Aneko awobe wu apwodi tek di ako mino toti gi oneno can. Amio lworo kede cwercuny ongoole angola poto negi.

Yeremia 25:9

ango abino lwongo jo me bad tetu malo, kiton ngatic na Abaka Nebukadunesa me Babilon, di ako kelo gi yi kede lobo noni me Yuda kede jo kame bedo iye, kede atekerin kame kio kede. Ango abino muducaro ateker noni kede jokio mege atwal atwala, di ako mino gi kidoko gikame jo neno di kiko bedo kede lworo, kede kame jo winyao pi uro; kibino doko bala gikame kotieko dudubo pi kare lung.

Yeremia 34:22

Ango ayaro mino gin cik di gin kiko dwogo i bomba noni. Gin kibino yi di kiko mane, kiko wange. Ango abino mino bomban me Yuda doko amejeko kalikame tie dano moro kame bedo i yi gi. Ango Rwot en awaco.”

Yeremia 4:11

I kare nono Rwot bino waco ne jo me Yerusalem be, “Yamo aliet tie buko wok kibuta ki wi tim, ebino butu jo na. Likame yamo nono obedo yamo apiupiu me kwororo kal,

Yeremia 4:7

Can kame bino dudubo atekerin tie bino, bala engu kame yai ki kapwono mere. En etieko yai ki kakame ebedo iye pi bino dudubo lobo me Yuda. Bomban me Yuda bino doko amejeko kame jo li iye.

Esekeri 17:10

Ebo, en kotieko kobe di oko pite, do benyo, iparunu be ebino kuo di eko dongo? Benyo, iparunu be likame ebino ner ka yamo kame wok ki bad tetu kide obuko i kome? Iparunu be likame ebino ner i kakame etie dongo iye nono?”

Esekeri 19:12

Do jogero mogo bin oko pute di gin kiko rete piny; yamo awok ki bad tetu kide oko mino anyakini mege otuo di kiko ony piny. Jange kame bin tek oko tuwo di mac oko wange.

Danieri 11:17

“Abaka me Siria bino moko tam mere pi bino kede teko duc kame ajakanut mere tie kede. Di do pi mito muducaro ajakanut ka ngakwor mere, en ebino winyere kede en i kom kop amako mulem, di eko bino mino abaka nono nyare me anyoma; do iik mere nono bino poto.

Kosea 1:10

Kare bino tuno kalikame kobino twero maro kede wel me jo Isirael, pien kibino bedo tot bala asinge me dog nam. Nataman kolwongo gi be, “Likame Jo Na”, do i kare me anyim kobino lwongo gi be, “Idwe ka Rubanga Akuo.”

Kosea 13:15

Akadi bed bala Isirael ud mulem kalamo atekerin acedo ango abino cwano yamo aliet me bad tetu kide ki wi tim, di eko bino mino ataneko mege tuo. Ebino tero jamini mege dedede me wel amalo.

Abakuk 1:17

Benyo, gin do mam poore kibed gonyo aporogon ki bwoini gi kamanono, di kimuducaro atekerin abongo kisa moro i cuny gi?

Abakuk 1:6

Ango atie mino jo Babilon doko tek, gin jogero kame kom gi mit. Gin kibino sirito ot kabedere dedede me wi lobo di kiko bwono jo me lobere apat.

Joroma 9:27

Isaya oko yamo kop i kom Isirael be, “Akadi bed bala wel me idwe me Isirael rom kede asinge me nam adwong, donge gi mogo anonok en kame bino bwot;

Jongolkop 7:12

Jo Midian, jo Amelek, kede jo dedede kame bin owok ki tetu kide oudo oraramun i aditot bala obonyo; doko aguraguran gin oudo likame marere bala asinge me dog nam.