Abakuk 1:6 - Baibuli I Leb Kumam 2013

⁶ Ango atie mino jo Babilon doko tek, gin jogero kame kom gi mit. Gin kibino sirito ot kabedere dedede me wi lobo di kiko bwono jo me lobere apat.

Abakuk 1:6 Iomraidhean Croise

2 Abakai 24:1

I kare me apugan ka Yekoyakim en kame Abaka Nebukadunesa me Babilon oko ot suro kede Yuda; Yekoyakim di oko doko ngatic mere pi mwakini adek. I cen mere di do Yekoyakim oko lokere jemo ne.

2 Abakai 24:2

Rwot oko cwano ikodeta me joyak pi ot Babilon; jo Siria, jo Moab, kede jo Amon pi ot suro Yekoyakim di kiko dudubo Yuda bala kame Rwot oudo owaco i dog inabin jotic mege.

2 Iyutun 36:17

Pi mano, Rwot bin oko kelo abaka me Babilon pi suro gi. Abaka nono oko neneko ipongai me Yuda kiton i tempulo. En likame bin ebedo kede kisa i kom ngatamoro kame pwodi titidi amoto kotieko ti, icuo arabo dako. Rubanga omio gin dedede i cinge.

2 Iyutun 36:6

Abaka Nebukadunesa me Babilon oko bino sure, di eko make eko twene kede irikoi, di eko tere Babilon.

Isaya 23:13

Nenunu gikame Asiria otimo ne Babilon! Gin kimie edoko kabedo me leini me obar; kisuro Babilon di kiko kumemo kayito i wi apama mere me cel, di kiko tuturo miere me abaka di eko doko ameje.

Yeremia 13:20

Yerusalem, kong ting wangi di iko neno jo atie bino ki tetu malo. Ani bo romini kame oudo kogeni kede gwoko, gin en jo kame oudo in iwakere pirgi?

Yeremia 21:4

pi ot waco ne Esedekia gikame Rwot, Rubanga me Isirael oudo owaco be, “Esedekia, jamini me yi atie i cingu, kame itienu tic kede gi me yi kede abaka me Babilon kede jo Kaludea, gin jo kame nan tie luko wu i ooko me apama me cel, jamini me yi nogo ango abino wiro wi gi neno tetu dier bomba, di ako bino coko gi karacel kunono.

Yeremia 21:7

Ingei manono, in Abaka Esedekia, kede jotic ni, karacel kede jo dedede kobwot ki yi, ki kec, kede ki aumpuli, abino mino wu i cing Abaka Nebukadunesa me Babilon, i cing jokwor wu, jo kame mito neko wu. Nebukadunesa bino neko wu, likame tie ngatamoro kame ebino weko, doko da likame ebino nyuto kisa amoto mwolo; ango Rwot en awaco.”

Yeremia 25:9

ango abino lwongo jo me bad tetu malo, kiton ngatic na Abaka Nebukadunesa me Babilon, di ako kelo gi yi kede lobo noni me Yuda kede jo kame bedo iye, kede atekerin kame kio kede. Ango abino muducaro ateker noni kede jokio mege atwal atwala, di ako mino gi kidoko gikame jo neno di kiko bedo kede lworo, kede kame jo winyao pi uro; kibino doko bala gikame kotieko dudubo pi kare lung.

Yeremia 30:5

En ewaco be, “Ango atieko winyo dwan jo kame tie kede mielkom atek, manono obedo koko me jo kame lworo omako, likame koko me jo kame tie kede mulem.

Yeremia 4:11

I kare nono Rwot bino waco ne jo me Yerusalem be, “Yamo aliet tie buko wok kibuta ki wi tim, ebino butu jo na. Likame yamo nono obedo yamo apiupiu me kwororo kal,

Yeremia 4:6

Cimunu ne jo yongayo kame poore aluba me ot Sion! Ringunu ot gwokere, kur igalunu! Pien Rwot tie kelo ne wu can koyaro wok ki tetu malo; can kame dudubo lobo twatwal tie bino.

Yeremia 4:8

Pi manono, ngapunu ipukoi, di ikounu iturur kede koko, pien gero kame Rubanga tie kede i kom wa likame otiek.

Yeremia 5:15

Rwot waco ne jo me Isirael be, “Wun jo me Isirael, ango abino kelo ateker me kakabor bino suro wu. En ebedo ateker atek kobedo anakacia; en ateker kalikame wun ingeunu leb mere, doko da likame itwerunu niang gikame kiyamo.

Yeremia 8:10

Pi manono, ango abino mino jo apat mon gi, doko da abino mino poti gi but jo anyen. Pien jo dedede, cako kibut jo me ruom apiny tuno kede but jo me ruom amalo, owor mono lim i yore arac. Akadi inabin kiton josaseredoti da tie kede tim me kuwo.

Esekeri 16:40

“Gin kibino kelo ekodet me jo i komi, di gin kiko bino didipo in kede kide di kiko ngongolo in i adulion kede ipimai gi.

Esekeri 21:31

Ango abino bwoto lilo na i komu, abino beo kede lilo na i komu bala mac. Di ako mino wu i cing jo ager, jo ipirana i nek.

Esekeri 28:7

ango abino cwano ni jokumbor, jokwor areco kalamo atekerin dedede. Gin kibino dudubo jamini acil kame in iudo kede rieko ni, di kiko bino munao angosibib nin.

Esekeri 31:12

Jo kobedo atekerin ager me kumbor bino tonge piny di kiko weke. Ajange mege kede aten mege kotuturun bino popoto i wi mori kede i aditoto dedede me lobo nono. Atekerin dedede kame oudo tie bedo i dude bino yai tenge.

Yoweri 2:3

Kakame gin kibeo iye cal bala kakame mac owango. I tetu nyim gi, lobo cal bala poto me Eden, do ingei gin beo kanono, lobo doko ler bala wi tim. Likame tie gimoro kame gin kiweko.