Abakuk 1:12 - Baibuli I Leb Kumam 2013

¹² Okwe Rwot Rubanga na, Ngat Kacil, in en ibedo Rubanga cako i kare kasek, in ibedo nakanaka. Rwot, Rubanga na kede ngagwok na, in itieko yero jo Babilon di iko mino gi teko me mino wan alola.

Abakuk 1:12 Iomraidhean Croise

Ageini 21:33

Aburaam oko pito yat kame kolwongo be tamarik i adul me Beereseba, di eko woro Rwot ki kanono, en Rubanga kame bedo nakanaka.

2 Abakai 19:25

“Benyo, in likame iwinyo be ango oudo aiko kamanono riki sek? Ango oudo atieko iiko riki sek gikame nataman ango amio ocobere, en be in ibino rereto bomban kame kocelo kede apama atek di gin kiko doko amejeko.

Sabuli 102:24

Okwe Rubanga na, kur ikwanya itera tenge di pwodi kare me kuo na lac, in ngat kame ikuo nakanaka.

Sabuli 118:17

Ango likame abino to, do abino bedo kuo, di ako tatamo gikame Rwot otimo.

Sabuli 149:2

Mito jo me Isirael bed kede yomcuny i kom Ngacwec gi; mito jo me Sion leli pi Abaka gi.

Sabuli 17:13

Yai, Okwe Rwot! Yi kede gi di iko bwono gi! Lak kuo na ki cing jo areco kede epima nin;

Sabuli 18:1

Okwe Rwot, ango amari, in en teko na.

Sabuli 74:12

Do di in Rubanga ibedo Abaka na cako sek, ibedo timo tice me alako i wi lobo.

Sabuli 90:1

Rwot in en kabedo wan i kare dedede.

Sabuli 90:2

Di pwodi likame kocweo mori, arabo di pwodi likame in icweo lobo kede piny, cako sek kede sek kiton tuno ikar kede ikar, in en kame ibedo Rubanga.

Sabuli 93:2

Kotieko cibo kom nin me ajakanut cako sek; in ibedo tie cako sek kede sek.

Isaya 31:1

Kitie i can jo aoto Misiri kwano kony. Gin kitie keto gen gi i kom asigiran, kede i kom cabalan me yi pien kitot, kede i kom isirikalen wegi asigiran pien gin kitek yi. Gin kidagi geno Rwot Ngat Kacil me Isirael, arabo penyo tam kibute.

Isaya 37:23

Benyo, iparo be ngai en kame in oudo itie yeyeto di icao? Ngai en kame in oudo ilelemo i wie? Ngai en kame in oudo ineno kede ewaka kame cal kamano? Magonogo in oudo itimo i kom ango Rubanga kacil me Isirael!

Isaya 37:26

“Benyo, in pwodi likame iwinyo be ango oudo atieko iiko kamanono sek? Ango oudo atieko iiko i kare kasek gikame nataman amio ocobere. Ango oudo atieko iiko be in ibino mino bomban kame kocelo kede apama atek doko amejeko.

Isaya 40:28

Benyo, wun pwodi likame ingeunu? Mam pwodi likame iwinyunu? Rwot en Rubanga kame bedo nakanaka; en ecweo piny dedede. En likame eol arabo edoko goro. Tam mere tut twatwal, likame tie ngat kame ngeo.

Isaya 43:15

Ango en Rwot, Ngat Kacil. Ango acweo wun jo me Isirael, doko ango en abaka wu.

Isaya 49:7

Rwot Ngat Kacil, Ngalak me Isirael waco ne ngat kame kocao kitek, ngat kame atekerin dagi doko en ebedo epasoit me jopug be, “Abakai bino neni di gin kiko yai malo cungo pi mini wor, jopug bino neni, di gin kiko riebere piny i nyimi.” Manoni bino timere pien Rwot ngat kame genere, Ngat Kacil me Isirael otieko yeri.

Isaya 57:15

“Ango en Rubanga kame tie malo, Rubanga kacil, ngat kame bedo nakanaka. Ango abedo kakame tie malo, kabedo kacil, doko abedo da kede jo kame mwolere di kiswilaro, tetekeny adwok cuny gi kede gen gi.

Yeremia 30:11

Ango atie kede wu doko abino lako wu. Ango abino muducaro atekerin dedede kame ango asasaro wu i diere gi, do ango likame abino muducaro wun. Ango abino mino wu alola kame poore kede wu, likame abino weko wu aweka abongo mino wu alola moro. Ango Rwot en awaco.”

Yeremia 4:27

(Rwot owaco be en ebino mino wi lobo doko bala ameje, do likame ebino dudubo en atwal atwala.)

Yeremia 46:28

Kur ibedunu kede lworo moro, wun jotic na ikwae ka Yakobo, pien ango atie kede wu. Ango abino muducaro atekerin dedede kame ango asasaro wu i diere gi, do ango likame abino muducaro wun. Ango abino mino wu alola kame poore kede wu, likame abino weko wu aweka abongo mino wu alola moro.”

Yeremia 5:18

“Akadi i kare nono da likame abino muducaro jo na atwal atwala.

Koko ka Yeremia 5:19

Do in, Okwe Rwot, in ipugo nakanaka; apugan ni tie pi jo me kare dedede.

Esekeri 30:25

Ango abino mino bad abaka me Babilon doko tek, do bad abaka me Misiri bedo lojolojo. Ango abino keto epima na i cing abaka me Babilon di en eko cime kede Misiri, di jo dedede ko bino ngeno be ango en Rwot.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Abakuk 3:2

Okwe Rwot, ango atieko winyo kop i kom gikame in itieko timo. Ango atie kede lworo atek i kom tice nin. Nataman med timo i kare wada; jamini adongodongo kame in bin ibedo timo. Ka iko lilo, yutuno cuny me kisa ni.

Abakuk 3:6

Ka en ecungo, lobo yangere; ka en engoloro jo, kom atekerin miel. Mori kobedo tie cako riki sek ko bebelun; imukuran koudo tie cako i kare kasek ko lwiny piny, i yote kame en bin elubo i kare kasek.

Malaki 3:5

Rwot me jo yi waco be, “Ango abino bino i diere wu pi ngolo ne wu kop. Ango koma bino bedo mit pi mino ijura i kom jo kame timo tim me jwok, joadote, jo kame mio ijura me abe, jo kame sero jotic i musala gi, kede jo kame tero apuserun kirac, idwe kic, kede jokumbor, karacel kede jo dedede kalikame mia wor.

Malaki 3:6

“Ango en Rwot, doko ango likame alokere. Manono en komio pwodi likame itiekunu, wun ikwae ka Yakobo.

Tice 3:14

Do wun ikounu dagi Ngat Kacil kede Kopoore, di ikounu penyo be gony ne wu nganek,

Iswilia 32:4

“Rwot en ngagwok wu atek bala lela, en etimo gi dedede kiber kede i yore kopoore; en ebedo Rubanga kame genere, doko eli kede tim moro arac, en etimo gi kopoore kede me ateni.

Iswilia 33:27

Rubanga ngat kame bedo nakanaka en ngagwok wu cinge tie ne wu bala agang. En eriamo jokwor kame oudo tie i nyimu eko yabo ne wu yongayo, di eko waco ne wu pi neneko gin dedede.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Iburanian 13:8

Yesu Kirisito dong di cal acala, nyoro kede tin kede ikar kede ikar.

Gianyuta 1:11

En ewaco be, “Wandiko i itabu gikame ineno di iko cwano ne ikodeta kanyaare me jokirisito kame tie Epeso, Simuna, Peregamu, Tuatira, Saradisi, Piladelpia kede Laodikia.”

Gianyuta 1:8

Rwot Rubanga owaco be, “Ango en Alpa kede Omega,” ngat kame tie nan, kame oudo tie sek kede kame bino bino, en Won Twer.

1 Samuel 2:2

“Likame tie Ngat Kacil bala Rwot, likame tie ngat acal kede, likame tie ngagwok moro acal kede Rubanga wa.