3 Yokana 1:2 - Baibuli I Leb Kumam 2013

² Ngawota kame amaro, ango alego be gi dedede bed ni kiber, kede be ibed kede yotkom, bala kame kuo me cunyi tie kede kiber.

3 Yokana 1:2 Iomraidhean Croise

Matayo 9:12

Do kakame Yesu owinyo kede peny gi, en eko waco be, “Jo kame kom gi yot likame mito emuron, do kenekene jo kame tuwo.

Jopilipi 2:27

Ateteni oudo etuwo, doko ebuco to da. Do Rubanga oko bedo kede cuny me kisa bute, do likame but en kenekene do paka but ada, tetekeny kur abed kede cwercuny i wi cwercuny.

Jopilipi 2:4

Wek kur ngat acelacel kibutu par pi mit mere kenekene, do epoore paro pi mit me jo apat da.

2 Jotesalonika 1:3

Imiegu kede amiegu na, wan miero opwoi Rubanga nakanaka piru bala kame poore, pien yei wu tie dongo, doko amara kame ngat acelacel kibutu tie kede pi jo icegun da tie meede.

2 Jotesalonika 2:13

Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.

Yakobo 5:12

Do akalamo mere, imiegu kede amiegu na, kur ilaironu di ikwongunu kede nying malo amoto kede nying lobo, arabo iepone me ikwong moro ace. Do ka iyeunu be “Ebo” wek da ebed ebo i ateteni, arabo ka iyamunu be “Li” wek da ebed li i ateteni, tetekeny kur ngol raco i wi wu.

1 Petero 4:8

Do akato mere, bedunu kede amara atek kenu kenu, pien amara umo dub atot.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.

3 Yokana 1:1

Baluwa kowok kibut Adwong. But ngawota Gayo kame amaro i ateni.

Gianyuta 2:9

Ango angeo peko wu, doko angeo be wun ibedunu jocan (do ateteni wun ibarunu). Ango angeo kope areco kame jo kame waco be gin Iyudayan, do di li, yamo i komu; gin kitie jo me sinagoga ka Sitani.