3 Yokana 1:14 - Baibuli I Leb Kumam 2013

¹⁴ Do akaka manono, ango atie kede gen me bino neni awakawaka, di oko bino yamo karacel wang i wang.

3 Yokana 1:14 Iomraidhean Croise

Ageini 43:23

En eko dwoko negi be, “Bedunu mot, kur lworo maku. Poore di Rubanga wu, Rubanga ka papa wu en koketo ne wu sente i ipukoi. Ango bin audo sente wu.” En eko woto Simeon ooko but gi.

Danieri 4:1

Abaka Nebukadunesa cwao kop noni but jo me atekerin dedede, erangi dedede, abilere dedede, kede leb dedede atie i wi lobo be, “Amoto wu!

Yokana 10:3

ngadar erute yabo ne erute, doko romini winyo dwane. En elwongo romini mege kede nying gi, di eko telo gi wok ooko.

Yokana 20:19

Otieno me Ceng Sabiti nono, josiao oudo tie i ot, di kicego ikekon pi lworo Iyudayan. Yesu oko bino di eko cungo i diere gi di ewaco be, “Mulem bed butu.”

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Jogalatia 5:16

Do ango awaco ne wu be, miunu Tipo tel wu di likame ikounu cobo mit me kom.

Joepeso 6:23

Mulem kede amara karacel kede yei kame wok kibut Rubanga Papa, kede kibut Rwot wa Yesu Kirisito, bed but imiegu kede amiegu dedede i Kirisito.

1 Petero 5:14

Moterenu kenu kenu kede amot me amara. Mulem bed butu dedede, wun jo kame itienu i Kirisito.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.