2 Yokana 1:9 - Baibuli I Leb Kumam 2013

⁹ Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.

2 Yokana 1:9 Iomraidhean Croise

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 15:6

Ka dano moro likame odong i ango, kouce bala ajange di eko tuo; di oko coko ajange nogo oko uco gi i mac kiko wang.

Yokana 5:23

tetekeny jo dedede bed kede wor but Wod bala kite kame kibedo kede wor but Papa. Ngat kalikame tie kede wor but Wod, udo likame etie kede wor but Papa ngat kocwao Wod.

Yokana 8:31

Yesu oko waco ne Iyudayan kame oyei en be, “Ka imeedenu kede lubo kop na, udo wun ibedunu jo kame luba me ateni,

Tice 2:42

Gin kiko keto cuny gi winyo pwony me joor, bedo i nywak kede gi, camo mugati karacel kede lego kede gi.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

Tito 2:10

arabo timo kuwo, do kinyut atwal be gin kigenere kitek, tetekeny i gi dedede kikel deyo i kom pwony ka Rubanga Ngalak wa.

Iburanian 3:14

Pien wan dedede onywakunu kede Kirisito ka omokunu kitek tuno i ajikini i kom gen atek kame bin otienu kede i agege.

Iburanian 6:1

Pi mano, omeedenu anyim pi bedo jo kocato, do weko dong i kom pwony me agege kenekene kame mako Kirisito. Kur bobo odokunu nyogao pwony me agege kame mako iswilar ki tice kame kony gi li, kede kame mako bedo kede yei i kom Rubanga;

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

3 Yokana 1:9

Ango atieko wandiko baluwa moro but ekodet me jokirisito; do Dioterepe, ngat kame nakanaka mito be en etel jo apat, odagi winyo kop na.