2 Petero 2:4 - Baibuli I Leb Kumam 2013

⁴ Pien Rubanga bin likame oweko aweka imalaikan i kare kame bin kidubo kede, do euco gi i mac kalikame to di eko dilo gi i bur acol cucucuc, pi daro gi ki kuno tuno i ceng me ngolo kop.

2 Petero 2:4 Iomraidhean Croise

Yobu 21:30

i kare me can likame tie gimoro amulo jo areco, doko da kolako gi i ceng me lilo ka Rubanga?

Yobu 4:18

Akadi ber da Rubanga likame keto gen mere i kom jotic mege me malo; imalaikan mege da en eudo raco i kom gi;

Sabuli 78:50

En likame edidio gero mere; likame emio gi kibwot ki to, do ejalo kuo gi ne aumpuli.

Isaya 14:12

Abaka me Babilon, kite kame imukere kede ki malo di iko poto piny, in acer me odiko! Ida nan kotieko reti piny, in ngat kame oudo ibedo rereto atekerin apat.

Esekeri 5:11

“Pi mano, ango Rwot Rubanga akwongere be, pien in imunao kabedo na kacil kede jamini kame cunya dagi karacel kede tim ni aneno rac, ango abino tongi piny abongo kisa.

Esekeri 7:4

Ango likame abino weki aweka arabo timi kisa. Ango abino mini alola pi tim areco kame in itieko timo. Di do in iko bino ngeno be ango en Rwot.”

Esekeri 7:9

Ango likame abino weko wu aweka arabo bedo kede cuny me kisa butu. Ango abino mino wu alola pi tim areco dedede kame wun itiekunu timo. Di do wun ikounu bino ngeno be ango Rwot en kame amio wu alola.”

Matayo 25:41

“Di do en eko bino waco ne jo kame tie i bade tetu ngodal be, ‘Irwaunu tenge kibuta, wun jo kame kolamo. Otunu i mac kalikame to, kame Rubanga oiko pi Sitani kede imalaikan mege.

Matayo 8:29

Kikano gin kiko lelemo kitek be, “Okwe Wot ka Rubanga, nyo kame itie mito timo ne wan? Mam in ibino kan pi mino wa alola di kare kopoore pwodi likame otuno?”

Marako 5:7

di ekok kede dwan amalo be, “Yesu, Wot ka Rubanga Ngamalo Twal! Nyo ber kame in imito timo nango? Akwai i nying Rubanga, kur icana.”

Luka 10:18

Yesu oko waco ne gi be, “Ango aneno Sitani di poto ki malo bala meny me kot.

Luka 8:31

Di kiko donyo bako ne Yesu dog gi be kur eriam gi kioti kidony i bur atut wiriwir.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Joroma 11:21

Pien ka Rubanga likame oweko Iyudayan, jo kame obedo bala ajange me olibeti kikokome, akadi wuda likame ebino weko wu.

Joroma 8:32

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

Iswilia 29:20

Rwot likame bino sasiro dano kacal kamanono, do en ebino riamo kede gero agwai ka Rwot, di can kame kowandiko i itabu noni ko bino poto i kome tuno di Rwot otieko muducaro en atwal atwala.

2 Petero 2:11

Akadi imalaikan, bed bala kitie kede dwongo kede twer kame kalamo, likame yamo kope areco i kom gi i nyim Rwot.

2 Petero 2:5

Rubanga bin likame oweko aweka lobo i kare asek. En bin ekelo ariram oko pongo lobo me jo kame bin dagi wore, bed bala elako kuo ka Nua, ngat kame opwonyo kop kame mako kite kopoore, en karacel kede jo kanyaare apat.

2 Petero 2:9

Pi mano, Rwot ngeo epone me lako ki atama jo kame wore, kede epone me mino jo kalikame opoore alola paka tuno i ceng me ngolo kop,

1 Yokana 3:8

Jo dedede kame dubo obedo idwe ka Sitani; pien Sitani obedo timo dub cako ki agege. Kop komio Wot ka dano oneeno en pi dudubo tice ka Sitani.

Yuda 1:13

Kical bala ebuka ager me nam, kinyuto lewic gi kakaler bala buo. Gin kical bala acer kame rimo, kame Rubanga otieko iiko ne gi kabedo me nakanaka kakacol cucucuc.

Yuda 1:6

Doko imalaikan kame bin okalamo wang loc gi, di kiko weko kabedo gi, Rubanga otweo gi kede irikoi pi ikar kede ikar kakacol cucucuc, pi kuro Ceng adwong kame kobino ngolo iye kop.

Gianyuta 20:10

Di oko uco Sitani kame oudo ongalo gi i nam me mac kede me salupa, kakame le kede enabi me angalo oudo tie iye. Gin kibino neno can iwor kede iceng ikar kede ikar.