2 Petero 2:3 - Baibuli I Leb Kumam 2013

³ Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.

2 Petero 2:3 Iomraidhean Croise

Yobu 6:27

Wun itwerunu da uco alulu pi tero atin kic, doko da itwerunu ipatan pi cato ngawotu.

Sabuli 18:44

Cucuto di gin kiwinyo kop i koma, kiko mina wor; jokumbor obino di kiko riebere piny i nyima.

Sabuli 66:3

Wacunu ne Rubanga be, “Gikame in itimo tie me aura twatwal! Pien pi twer nin adwong, jokwor nin luro piny i nyimi.

Sabuli 81:15

Jo kame dagi Rwot ko bino riebere piny i nyime kede lworo, doko alola gi ko bino bedo nakanaka.

Isaya 5:19

Wun iwacunu be, “Wek Rwot susunyo timo gikame emito timo tetekeny wan onen kede wang wa; ber en ebubunyo cobo timo gikame eiko pi timo tetekeny wan ongei gi nono!”

Isaya 56:11

Gin kical bala igwogin kame tie kede kiru atek; likame tie gikame romo gi. Jokwat nogi likame tie kede niang; gin dedede kitieko lokere lubo yote kame mako gin. Ngat acelacel timo bala kame cunye mito pi bero kame make.

Isaya 60:22

Akadi jo ni me diakal atitidi, bino doko twon ateker. Ka kare otuno, ango abino mino manoni timere awakawaka. Ango en Rwot!”

Yeremia 6:13

Jo dedede, cako kibut jo me ruom apiny tuno but jo me ruom amalo tie kede eranga me mito ud i yore arac; akadi kiton inabin kede josaseredoti da tie kwalo jo.

Yeremia 8:10

Pi manono, ango abino mino jo apat mon gi, doko da abino mino poti gi but jo anyen. Pien jo dedede, cako kibut jo me ruom apiny tuno kede but jo me ruom amalo, owor mono lim i yore arac. Akadi inabin kiton josaseredoti da tie kede tim me kuwo.

Esekeri 13:19

Wun likame inyutunu na wor i nyim jo na pi mawele mogo anonok kede pi mugati mogo. Wun ikounu neko jo kalikame oudo poore to di ikounu weko jo kalikame oudo poore dong kuo, oko dong kuo. Manono wun itimunu pi kope wu me angalo but jo na kame gamo kope wu me angalo nogo.”

Mika 3:11

Jotel me bomba ngolo kop pi cemusana, josaseredoti mio koculo gi pi pwonyo jo Iswil, inabino likame murao kwanyo di koculo gi. Aso di gin dedede kigengere but Rwot di kiwaco be, “Ateteni Rwot tie kede wa, likame tie gimoro arac kame bino timere ne wa.”

Abakuk 3:3

Rubanga tie bino ki Teman; Ngat Kacil tie bino ki wi imukuran me Paran. Meny me deyo mere oumo malo; jo me wi lobo lung pake.

Malaki 1:10

Rwot Rubanga waco be, “Ango oudo amito be koto ngatamoro kikom wu ocego ikekon me tempulo, tetekeny geng wu cwinyo mace kame kony gi li i alutari na. Ango cunya likame yom kede wu, doko likame abino gamo giayala moro kame wun ikelunu buta.

Matayo 23:14

(Ibinunu neno can wun jopwony me Iswil kede Iparisayon, wun joecuke! Pien wun icamunu jame me apuserun di do ikounu lego ilega aboco me ecuke. Pi mano, kobino ngolo ne wu kop kame pek kalamo.)

Luka 18:8

Awaco ne wu be, eyaro ngolo kop kiber pi konyo gi awakawaka. Bed bala kamanono da, iparunu be ka Wot ka dano odwogo ebino udo yei tie i lobo?”

Luka 20:20

Di do gin kiko cako kine, kiko cwano jo kame begao kop, jo kame oudo cuko be gin jo me ateni, tetekeny kimak kop moro ki dog Yesu, me wek kitwer make di kiko mine i loc kede i akarunikin me ngapug.

Luka 22:47

Di pwodi oudo Yesu tie yamo, ekodet me jo di tuno; icuo kame kolwongo be Yuda, kame bin eda oudo etie ngat acel kikom josiao tomon kiwie are, en kame oudo tie telo gi. En eko noko Yesu pi mote di enoto leme.

Yokana 2:16

En eko waco ne jo kame oudo cato amam be, “Terunu gigi tenge. Kur ilokunu ot ka Papa na dok atale.”

Joroma 16:18

Pien epone me jo nogo likame tio ne Rwot wa Kirisito, do kitio pi cobo mit gi. Gin kingalo jo kame tam gi likame tut kede kope gi amit, kame winyo ber.

2 Jokorinti 2:17

Pien wan likame ocal bala jo ace atot, jo kame tero kop ka Rubanga pi ot cato; do pien Rubanga en ooro wa, wan oyamo kop me ateni i Kirisito i nyim Rubanga.

Iswilia 24:17

“Kur iterunu jokumbor kame bedo kede wu arabo idwe kic i yore kalikame poore; kur iter egoe me apuserut pi bedo gikame en esingao pi banya.

Iswilia 32:35

Pien ceng kame ango abino timo kede onyanga di ako mino gi alola iyapi tuno! Tien gi bino getar, di can me epone dedede ko poto negi.’

1 Jotesalonika 2:5

Pien bala kame wuda ingeunu kede, wan likame obino butu kede kope kame winyo mit, amoto kame umo eranga wa, Rubanga en mujura wa.

1 Jotesalonika 5:3

I kare kame jo waco kede be, “Mulem tie, piny okwei,” en kame peko ngoole ne gi kede bala aramo me nywal, di likame tie dano kame ko bino bwot kiye.

1 Temeseo 3:3

ngat kalikame ngamera, ngat kalikame ger do emwol, ngat kalikame ngalok, doko di likame cunye maro sente.

1 Temeseo 3:8

Kamanono da, dikonin miero bed jo kame ekite gi beco, jo kalikame lokoloko dud gi, jo kalikame mato bwini atot, doko di likame kitie kede eranga me mito ud;

1 Temeseo 6:5

kede atwomutwomun arac i dier jo kame tam gi otieko dubere doko kili kede ateni. Gin kiparo be kop kame makere kede woro Rubanga obedo gikame kelo ud.

Tito 1:11

miero geng yamo gi nogo, pien kitie kelo atotolun i miere atot pi pwonyo gi kalikame poore apwonya, kame gin kipwonyo pi mono ud kalikame ber.

Tito 1:7

Pien bisop, bala ngagwok ka Rubanga, miero bed abongo raco moro, kur ebed ngaewaka, arabo ngangoi, arabo ngamera, arabo ngagero, amoto bedo kede eranga me mito ud,

1 Petero 2:8

kede doko be, “En kidi kame bino getaro jo, kidi kame bino mino gi kipopoto.” Gin kigetar pien kidagi winyo kop ka Rubanga, bala kame oudo kotieko iiko ne gi kede cako sek pi timo kamanono.

1 Petero 5:2

Kwaunu romini ka Rubanga kame tie i cingu abongo adiadia moro, do kede mit wu kenu; likame pi mito ud moro, do pi mit me cunyu.

2 Petero 1:16

Bin wan likame otio kede itatam kame dano oteto kede rieko me wie pi mino wu ngeno dwogo ka Rwot Yesu Kirisito kede twer, do wan oneno dwongo mere kede wang wa.

2 Petero 2:1

Inabin me angalo da bin oneeno i dier jo, epone nono da en kame jopwony me angalo bino bedo tie kede i diere wu. Gin kibino kelo i mung pwony mogo apat kame rwenyo jo, di kidagi kiton ngadwong gi, ngat kame oculo cul me lako gi. Manoni bino mino gin kikelo i kuo gi awakawaka gikame dudubo gi.

2 Petero 2:9

Pi mano, Rwot ngeo epone me lako ki atama jo kame wore, kede epone me mino jo kalikame opoore alola paka tuno i ceng me ngolo kop,

Yuda 1:11

Kitie i can tin benyo! Pien kilubo ekite me kuo ka Kain, doko gin kidonyo i tim me angalo bala Balaam pi mito bedo kede ud, di kiko to bala bin Kora pi tim me jemo.

Yuda 1:15

pi ngolo kop ne jo dedede, kede pi ngolo rac i wi jo dedede pi tim dedede me dagi woro Rubanga, kame gin kitimo iepone nono kalikame nyuto wor but Rubanga, kede pi kop dedede me gero kame jodubo kalikame woro Rubanga oyamo i kome.”

Yuda 1:16

Gin kibedo joingungur kame mito turo raco i wi jo apat; gin jo kame paro pi mit gi kenekene; jo kame bwoto kop kede ewaka, jo kame waco ne jo kope me abe kame winyo mit pi mito udo bero moro kibut gi.

Yuda 1:4

Pien jo mogo otieko lwidar odonyo i diere wu, jo kame bin kotieko iiko sek pi ngolo ne gi kop noni bala jo kame dagi woro Rubanga, gin jo kame dwadwanyo kop me kisa ka Rubanga pi gin timo tim me caro. Gin kidagi Ngadwong wa acel kenekene kame obedo Rwot wa, en Yesu Kirisito.

Yuda 1:7

Iepone nono da, bala bin imalaikan nogo, Sodoma kede Gomora karacel kede bomban koluko gi, kame bin odonyo gida i tim me caro kede i mit kalikame upere kede anywali ka dano, oko udo alola me mac kalikame to di kiko doko anyut me anena.