2 Petero 2:1 - Baibuli I Leb Kumam 2013

¹ Inabin me angalo da bin oneeno i dier jo, epone nono da en kame jopwony me angalo bino bedo tie kede i diere wu. Gin kibino kelo i mung pwony mogo apat kame rwenyo jo, di kidagi kiton ngadwong gi, ngat kame oculo cul me lako gi. Manoni bino mino gin kikelo i kuo gi awakawaka gikame dudubo gi.

2 Petero 2:1 Iomraidhean Croise

1 Abakai 22:6

Di abaka me Isirael oko coko inabin aromo bala tol ongwon karacel, di eko penyo gi be, “Aoti asur Ramot arabo aweki?” Gin kiko dwoko ne be, “Oti isure, pien Rwot bino mine i cingi.”

Yai 15:16

Lworo kede inyonyong omako gi. Gin kineno teko ni, Okwe Rwot, di kiko cungo abongo yangere bala kidi naka tuno di jo nin dedede otieko kato, gin jo kame in igonyo ki bedo ipasoi.

Isaya 9:15

Joadongo kede jo kame koworo obedo wie; inabin kame pwonyo kop me abe obedo yibe.

Yeremia 29:21

“Rwot me jo yi, Rubanga me jo me Isirael, otieko waco kop i kom Akab wot ka Kolaya kede Esedekia wot ka Maseya, jo kame tie waco kop me abe i nyinge. En ewaco be en eyaro mino gi i cing Abaka Nebukadunesa me Babilon di en eko neko gi di wun inenunu.

Yeremia 37:19

Inabin nin kame oudo murao di kiwaco ni be abaka me Babilon likame bino suri akadi suro piny nin, nataman do tie tuai?

Yeremia 6:13

Jo dedede, cako kibut jo me ruom apiny tuno but jo me ruom amalo tie kede eranga me mito ud i yore arac; akadi kiton inabin kede josaseredoti da tie kwalo jo.

Koko ka Yeremia 2:14

Inabin ni tie waco ni kope me gianyuta me abe; gin likame kinyuto dub wu kakaler pi koto mino wu dok i kuo wu kasek, do gin kibedo mino wu kope me abe kame rwenyo jo.

Kosea 9:8

Rubanga ocwa bala enabi pi kwenyaro jo mege me Isirael. Do kabedere dedede kame ango aoto iye itienu cika bala ciko winyo. Doko da akadi i tempulo jo tie dagi enabi.

Mika 2:11

“Wun cunyu mito enabi kame bino di eko donyo waco ne wu kope me angalo be, ‘Ango amurao ne wu be, bwini kede kongo akec bino mol ne wu bala pii.’

Mika 3:11

Jotel me bomba ngolo kop pi cemusana, josaseredoti mio koculo gi pi pwonyo jo Iswil, inabino likame murao kwanyo di koculo gi. Aso di gin dedede kigengere but Rwot di kiwaco be, “Ateteni Rwot tie kede wa, likame tie gimoro arac kame bino timere ne wa.”

Mika 3:5

Rwot waco kaman i kom inabin me angalo: “Wun inabin me angalo itienu rwenyo jo na! Wun iwacunu be mulem bino bedo tie ka komio wu gimoro me acama, do but jo kalikame mio wu gimoro, wun iwacunu be yi bino bedo tie.

Malaki 3:5

Rwot me jo yi waco be, “Ango abino bino i diere wu pi ngolo ne wu kop. Ango koma bino bedo mit pi mino ijura i kom jo kame timo tim me jwok, joadote, jo kame mio ijura me abe, jo kame sero jotic i musala gi, kede jo kame tero apuserun kirac, idwe kic, kede jokumbor, karacel kede jo dedede kalikame mia wor.

Matayo 10:33

do ngat kame bino daga i nyim jo, ango da abino dage i nyim Papa na kame tie i malo.

Matayo 24:11

Doko inabin me angalo bino neeno, di kiko rwenyo jo atot.

Matayo 24:24

Pien jo kame cuko be gin Kirisito, kede inabin me angalo oyaro bino di kiko timo gianena kede gi me isuur, tetekeny ka twerere, kirweny kiton jo kame Rubanga oyero da.

Matayo 24:5

Pien jo atot oyaro bino i nyinga di kiwaco be, ‘Ango en Kirisito,’ di gin kiko bino rwenyo jo atot.

Matayo 7:15

“Gwokerenu i kom inabin me angalo, kame bino butu di kicuko be kimwol bala romini, do di i ateni kical bala ipeon ager.

Marako 13:22

Pien jo kame cuko be gin kibedo Kirisito, kede inabin me angalo oyaro bino. Kiyaro timo gianena kede gi me isuur pi ngalo jo kame Rubanga oyero, ka twerere.

Luka 12:9

do ngat kame bino daga i nyim jo, Wot ka dano da bino dage i nyim imalaikan ka Rubanga.

Luka 21:8

Yesu oko waco ne gi be, “Gwokerenu me wek kur rweny wu. Pien jo atot oyaro bino i nyinga di kiwaco be, ‘Ango en Kirisito!’ kede da be, ‘Kare otieko do tuno!’ Do kur iyeunu lubo gi.

Luka 6:26

“Itienu i can ka jo dedede pwoyo wu be iberunu; pien riki joakwari gi da otimo kamanono ne inabin me angalo.

Joroma 16:18

Pien epone me jo nogo likame tio ne Rwot wa Kirisito, do kitio pi cobo mit gi. Gin kingalo jo kame tam gi likame tut kede kope gi amit, kame winyo ber.

1 Jokorinti 11:19

Pien apokapoka miero bed tie i diere wu, tetekeny jo kame tie kede ateni bin ngere.

1 Jokorinti 6:20

Pien wun kowilo wu kede wel adwong; pi mano, tiunu kede komu pi mino Rubanga deyo.

1 Jokorinti 7:23

Wun kowilo wu kede wel adwong; pi mano, kur idokunu ipasoi me jo.

Jogalatia 2:4

Do man otimere pi jo mogo kame oudo kokelo, kame oudo cukere be gin kiyei, jo kame olwidar but wa pi begao gonyere kame wan otie kede i Kirisito Yesu, tetekeny kimi wa odok bala ipasoi.

Jogalatia 3:13

Kirisito olako wa ki ilam kame Iswil kelo, ingei en doko ilam pirwa. Pien kowandiko be, “Ilam mak ngat acelacel kame koliero i kom yat.”

Jogalatia 4:17

Jo mogo mire ken gi kitek butu, likame pi tien kop moro, do kenekene pien gin kimito gengo wu kibuta, tetekeny wuda imirenu kenu kitek but gi.

Jogalatia 5:20

woro cal jwogi, jwok, ading, piem me lilo, nyeko, gero, lok, apokapoka, pokere i ikodeta,

Joepeso 1:7

I remo mere, wan oudunu alako kede isasir ki dub, di lubere kede abar me kisa mere

Joepeso 4:14

Pi mano, kur doko wan obedunu idwe kame buko me yamo me pwony dedede wiro wi wa tetuni kede tetuca, pi kite kame jo ngolo ne wa kede rieko, kede pi diru gi me angalo.

Iswilia 32:6

Benyo, kom epone nono en kame wun iterunu kede Rwot, wun jo aming kame wi wu likame tio? Mam en ebedo papa wu, ngat kocweo wu, ngat komio wu idokunu ateker?

Jopilipi 3:19

Gin ajikini gi en to, rubanga gi en yic, doko gin kitie kede yomcuny i gikame poore pi mino gi lewic. Gin tam gi tie i kom jame me piny.

Jokolosai 2:18

Kur imiunu ngatamoro ngol kop loi wu, di ecerededo imwolere me ecuke kede woro imalaikan, di ecungo i gianyuta ka Rubanga. Akodi ngat nono wakere pi tam mere me dano adana abongo tien kop moro.

Jokolosai 2:8

Kur imiunu ngatamoro bwonu kede tam me rieko kede kop me abe, kame lubere kede itok me dano kede me tipere kame pugo piny, tam kede kope kalikame wok kibut Kirisito.

1 Temeseo 5:8

Ka ngatamoro likame gwoko joawade mege, do singo twatwal jo me i ode, udo etieko weko yei, doko udo erac kalamo ngat kame li kede yei.

2 Temeseo 4:3

Pien kare tie bino kame jo bino dagi gamo kede pwony aber, do kibino lubo mit gi di kiko coko jopwony kame bino pwonyo gi gikame cuny gi mito.

Tito 1:11

miero geng yamo gi nogo, pien kitie kelo atotolun i miere atot pi pwonyo gi kalikame poore apwonya, kame gin kipwonyo pi mono ud kalikame ber.

Tito 3:10

Do kame ngatamoro tie kede apokapoka, core tien me agege kede me are di do iko weke.

Iburanian 10:29

Iparunu be ngat kame cao Wot ka Rubanga, kede kame pwoko remo me isikan kame kolonye kede, doko kame yeto Tipo me kisa, alola mere bino do bedo dwong benyo?

1 Petero 1:8

Wun imarenu akadi bed bala likame itiekunu nene, doko iyeunu en akadi bed bala nan likame inenenu. Pi mano, itienu kede kilel kalikame wacere, kilel me deyo.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.

1 Yokana 2:26

Ango awandiko ne wu kop nogi i kom jo kame mito ngangalo wu.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.

Yuda 1:18

Gin bin kiwaco ne wu be, “I kare me ajikini jo acae bino bino, di kilubo mit gi kalikame nyuto wor but Rubanga.”

Yuda 1:4

Pien jo mogo otieko lwidar odonyo i diere wu, jo kame bin kotieko iiko sek pi ngolo ne gi kop noni bala jo kame dagi woro Rubanga, gin jo kame dwadwanyo kop me kisa ka Rubanga pi gin timo tim me caro. Gin kidagi Ngadwong wa acel kenekene kame obedo Rwot wa, en Yesu Kirisito.

Gianyuta 13:14

Di en eko ngalo jo kame bedo i wi lobo kede gianena kame oudo koyei ne timo i nyim le me agege nono; en ewaco ne gi timo cal kame nyuto wor but le nono, le kame oudo kowano kede epima do en eko dong di ekuo.

Gianyuta 2:13

Ango angeo kakame wun itienu bedo iye, en kakame kom me ajakanut ka Sitani tie iye. Wun imokunu i nyinga, doko likame iwekunu yei ango akadi i kare ka Antipa mujura na, dano na kame genere, kame bin koneko i diere wu, kakame Sitani bedo iye.

Gianyuta 2:9

Ango angeo peko wu, doko angeo be wun ibedunu jocan (do ateteni wun ibarunu). Ango angeo kope areco kame jo kame waco be gin Iyudayan, do di li, yamo i komu; gin kitie jo me sinagoga ka Sitani.

Gianyuta 3:8

Ango angeo tice wu. Nenunu, ango atieko yabo ne wu ekeko tie twolo, kalikame tie ngatamoro kame karuno cego. Ango angeo be akadi bed bala itienu kede teko anonok, do wun ibedunu lubo kop na, doko likame ikounu daga.

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.

Gianyuta 6:10

Gin kiko redo kede dwan amalo be, “Rwot won Twer, in ngat kacil kede me ateni, ibino tero kare kame rom amene di likame pwodi ingolo kop ne jo me wi lobo, di iko culo kwor me remo wa?”