2 Petero 1:8 - Baibuli I Leb Kumam 2013

⁸ Pien kame itienu kede gigi dedede, di kitie nyai i kuo wu, kibino gengo wu bedo abongo teko, arabo bedo jo kame li kede kony moro i kom kop kame mako ngeno Rwot wa Yesu Kirisito.

2 Petero 1:8 Iomraidhean Croise

Agole 19:15

Nyapo kelo nino atek; dano ajajalun bedo kede kec.

Matayo 13:22

Kodi kopopoto i dier okuto cungo pi dano kame winyo kop ka Rubanga, do pi paro kuo me piny kan kede mito abar ko twilo kop nono di ko mine likame enyako anyakini me yei i kuo mere.

Matayo 20:3

Tetu esawa adek me odiko en eko yai ot, di eko neno jo mogo da di tie cungo acunga i atale abongo timo tic moro.

Matayo 20:6

Do tetu esawa tomon kiwie acel, en bin eko ot di eko udo jo ace di tie cungo; en eko penyo gi be, ‘Pinyo komio wun icungunu acunga kan abongo tic piny yuluyul?’

Matayo 25:26

“Do ngadwong mere oko dwoko ne be, ‘In ngatic arac, doko inyap. Mam in oudo ingeo be ango akao ki kakalikame acuo iye, doko acoko ki kakalikame apieto iye?

Yokana 15:2

Ajange dedede kame tie i koma di likame kinyako anyakini, en elwero gi tenge; ajange dedede kame tie di kinyako anyakini, en etemuno gi, tetekeny kinyak nyige atot kalamo.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 5:42

Do angeo be cunyu likame tie kede amara i kom Rubanga.

Joroma 12:11

Ketunu cunyu nakanaka, tiunu ne Rwot kede cunyu dedede.

1 Jokorinti 15:58

Pi mano, imiegu kede amiegu na kame amaro, cungunu kitek abongo yangere, di imeedenu ameda nakanaka timo tic ka Rwot, bala kame ingeunu kede be, likame tie tic moro kame wun itimunu ne Rwot, kame kony mere li.

2 Jokorinti 13:5

Ngingicunu kuo wu kenu, di ikounu neno ka pwodi itienu i yei wu. Benyo, likame iromunu niang be Yesu Kirisito tie i kuo wu? Kwanyo do ka amoto ipotunu!

2 Jokorinti 8:2

Gin kibeo i atama atek me peko; do kilel gi oudo dwong twatwal, omio kiko mino kony kede cuny gi lung, bed bala oudo gin kibedo jocan.

2 Jokorinti 8:7

Nan do bala kite kame itienu kede timo kiber i gigi dedede: i yei, i yamo, i ngec, i keto cunyu i gi dedede, kede i amara wu pirwa, nenunu be itimunu kiber i tic kame nyuto amara noni da.

2 Jokorinti 9:14

Aso gin kibino kwano Rubanga piru di cuny gi paro piru pi kisa adwong kame Rubanga omio wu.

Jopilipi 1:9

Ango alego be, wek amara wu meede ameda kede dongo, di epong kede ngec kede niang atut,

Jopilipi 2:5

Bedunu kede tam noni i diere wu bala kame Kirisito Yesu da oudo tie kede:

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

Jokolosai 1:10

Man bino mino ibedunu kede kuo kopoore i nyim Rwot, kame yomo cunye atwal, di inyakunu anyakini i tice dedede kame beco kede di ngec wu i kom Rubanga meede.

Jokolosai 2:7

Miunu aliasin me kuo wu donyi i en di ikounu gero kuo wu i kome, di icungunu di itekunu i yei wu bala kame oudo kopwonyo wu kede, di ipongunu kede pwoc.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

1 Jotesalonika 3:12

Doko akwao Rwot mi amara wu meede i diere wu kenu kenu, kede but jo dedede, bala kame wan omaro wu kede.

1 Jotesalonika 4:1

Me ajikini mere, imiegu kede amiegu na, wan okwao wu, doko obako dog wa butu i Rwot Yesu be, bala kame isiaonu kede kibut wan epone kame ipoorenu bedo kede di iyomunu cuny Rubanga, bala kame nan itienu timo, meedenu ameda timo kamanono.

2 Jotesalonika 1:3

Imiegu kede amiegu na, wan miero opwoi Rubanga nakanaka piru bala kame poore, pien yei wu tie dongo, doko amara kame ngat acelacel kibutu tie kede pi jo icegun da tie meede.

1 Temeseo 5:13

Medo i wi mano, gin kipwonyere bedo abeda abongo tic, di kirimo miere. Doko likame mano kenekene, do kidoko da jo kame kwoto jo, kede jo kame donyo i kope kalikame mako gi, di kiyamo kope kalikame kipoore waco.

Tito 3:14

Doko wek jo wa pwonyere jalo kare gi timo tice kabeco, tetekeny kikaruno mino kony mogo kame mitere susunyo; likame kipoore bedo kede kuo kalikame konyo.

Epirimoni 1:6

Ango akwao be nywak wa pi yei nin dok tek di eko kelo ne wa niang i kom gikabeco dedede kame wan otimo ne Kirisito.

Iburanian 6:12

Man bino mino likame ibedunu kede wackom, do ibinunu bedo jo kame lubo ekite me jo kame udo gikame Rubanga ocikere mino pi yei kede pi dire gi.

2 Petero 1:2

Ango akwao be, Rubanga med ne wu kisa kede mulem mere pi ngec kame itienu kede i kome kede i kom Rwot wa Yesu Kirisito.

2 Petero 1:3

Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

2 Petero 2:20

Pien ingei gin bwot ki emuna me lobo kan pi ngec gi i kom Rwot kame obedo Ngalak wa Yesu Kirisito, kiko bobo alogorokin i ginogo, di ginogo oko bwono teko gi. Man omio nan kitie do iepone me kuo arac kalamo bin i agege.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.