2 Petero 1:7 - Baibuli I Leb Kumam 2013

⁷ ikounu medo amara pi imiegu kede amiegu i kom cuny me woro Rubanga, kede ikounu medo amara pi jo dedede i kom amara me imiegu kede amiegu.

2 Petero 1:7 Iomraidhean Croise

Joroma 12:10

Marerenu kenu kenu, ikounu woro jo icegun kalamo.

Jogalatia 6:10

Aso, tek ka otienu kede kare, otimunu gikaber ne jo dedede, twatwal mere ne jo kame tie i ekodet me jo koyei Kirisito.

Jokolosai 3:14

Do akalamo magi dedede, bedunu kede amara. Amara en kame tweo gi dedede karacel di kiko bedo kiber.

1 Jotesalonika 3:12

Doko akwao Rwot mi amara wu meede i diere wu kenu kenu, kede but jo dedede, bala kame wan omaro wu kede.

1 Jotesalonika 5:15

Nenunu be likame ngatamoro kibutu oculo raco kede raco, do tamakinunu timo bero i kare lung, ngat acelacel ne ngawote kede ne jo dedede.

Iburanian 13:1

Meedenu bedo kede amara kenu kenu.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Petero 2:17

Worunu jo dedede. Marunu imiegu kede amiegu wu i Kirisito. Lworunu Rubanga kede worunu ngapug adwong.

1 Petero 3:8

Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.

1 Yokana 3:16

Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

1 Yokana 4:21

Cik kame Kirisito omio wa en ine be: jo kame maro Rubanga miero mar imiegu kede amiegu gi da.