2 Petero 1:6 - Baibuli I Leb Kumam 2013

⁶ ikounu medo dino mit me kom i kom ngec wu, ikounu medo dino cuny i kom dino mit me kom, ikounu medo cuny me woro Rubanga i kom dino cuny,

2 Petero 1:6 Iomraidhean Croise

Ageini 5:24

Enoka oudo obedo nywak kede Rubanga i kare me kuo mere lung, di do eko rwenyo, pien Rubanga oudo otieko tere.

Sabuli 37:7

Bed mot i nyim Rwot, di iko dire kuro gikame en eyaro timo; cunyi kur poti pi jo kame udo abar pi tim gi, arabo pi jo kame cobo iik gi areco.

Isaya 57:1

Kame jo kopoore oto, likame tie ngatamoro kame paro kop i kom to gi. Kokwanyo jo kame maro Rubanga di oko tero, do likame tie ngatamoro kame niang be kotie tero gi tenge pi kwanyo gi ki can.

Luka 21:19

Ibinunu udo kuo me ateni pi ikanyakin wu.

Luka 8:15

Aso, kodi kopopoto i lobo aber cungo pi jo kame ka kiwinyo kop ka Rubanga, kimako kitek i cuny gi, cuny kame tie kede ateni kede bero, doko kidio cuny gi tuno nyako nyige atot.

Tice 24:25

Kakame Paulo otatamo kede kop kame mako ngolo kop me ateni, dino mit me kom, kede ngolo kop me ajikini waru, lworo oko mako Pelik di eko waco ne Paulo be, “Ber kong ot tenge, ka audo kare abino bobo lwongi.”

Joroma 15:4

Pien gi dedede kame oudo kowandiko i kare okato, oudo kowandiko pi pwonyo wa, tetekeny obedunu kede gen pi ikanyakin kede nwangcuny kame iwandik kacil mio wa.

Joroma 2:7

Jo kame dio cuny gi timo gikaber di kimoo deyo kede wor kede kuo kalikame tiek, ebino mino gi kuo kame bedo nakanaka.

Joroma 8:25

Do ka ogenunu gi kalikame otienu neno, odiunu cuny wa pi dare.

1 Jokorinti 9:25

Ngaringo acelacel me piem lubo iswilia me ringo. Gin kitimo kamano pi udo ocoro me angosibib kame dubere mere, do wan otimo tic wa pi udo kalikame dubere mere.

2 Jokorinti 6:4

Do bala jotic ka Rubanga, wan onyuto bero wa i yote dedede: di okanyakino can, peko, kede kuo atek.

Jogalatia 5:23

bedo mot, kede dino mit me kom. Likame tie iswil moro kame dagi gi nogi.

Jokolosai 1:11

Wek emi wu idokunu tek kede twer dedede, di lubere kede twer me deyo mere, tetekeny itwerunu kanyakino gi dedede di idiunu cunyu kede kilel,

1 Jotesalonika 1:3

Doko i nyim Rubanga ngat kame obedo Papa wa, wan oyutuno tice wu me yei, kede cane wu me amara, kede asipakin me gen wu i Rwot wa Yesu Kirisito.

2 Jotesalonika 1:4

Pi mano, wan ikom wa owakere piru i dier ikodeta me jo koyei Rubanga, pi kite kame icungunu kede kitek, kede pi bedo kede yei i kare me itidil wu dedede, kede pi can dedede kame nan itienu kanyakino.

2 Jotesalonika 3:5

Okwao Rwot eseikino cunyu maro Rubanga kede emi wu isipakinunu i Kirisito.

1 Temeseo 2:10

do kibed kede tice kabeco bala kame poore kede ne mon kame waco be gin kiworo Rubanga.

1 Temeseo 2:2

pi abakai kede jo dedede kame tie i ruom amalo, tetekeny obedunu kede kuo me anapakin kede me mulem, di oworunu Rubanga kede di otienu kede tim abeco i yore dedede.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

1 Temeseo 6:11

Do in dano ka Rubanga, kur idony i tim nogi akadi acel. Ket cunyi i bedo kede ekite kopoore, i woro Rubanga, i yei, i amara, i ikanyakin kede i bedo mot.

1 Temeseo 6:3

Ka ngatamoro tie kede pwony apat kalikame upere kede pwony me ateni me ka Rwot wa Yesu Kirisito, kede pwony kame kelo wor but Rubanga,

1 Temeseo 6:6

Ebo, ud tie i kuo me woro Rubanga ka in imio gikame itie kede oromi.

2 Temeseo 3:5

jo kame nyutere bala kiworo Rubanga, do di i ateni kidagi twer mere. Kur ibedo kede akodi jo nogo.

Tito 1:1

Baluwa kowok kibut Paulo ngatic ka Rubanga kede ngaor ka Yesu Kirisito, kame ooro pi medo yei me jo kame Rubanga oyero, kede pi medo ngec gin me gi me ateni, di lubere kede kuo kame nyuto wor but Rubanga,

Tito 1:8

do en miero ebed ngat kame gamo jo, kame maro gikaber, ngat kame wie tamo, kame ekite mege beco, ngat kame mire i yei kede kame dio mit mege.

Tito 2:2

Wac ne cuo adongo pi bedo jo kame dio mit me kom gi, jo kame keto cuny gi, jo kame wi gi tamo, kede kame tie kede yei me ateni, amara, kede ikanyakin.

Iburanian 10:36

Pien emitere ne wu pi kanyakino, tetekeny itwerunu timo gikame Rubanga mito di ikounu udo gikame ecikere pi mino.

Iburanian 12:1

Pi mano, bala kame otienu kede ijurak atot rom kano kame oluko wa, poore wada owekunu gi dedede kame dio wa, kede dub kame omakakin i kom wa, di okounu kanyakino piem me ringo kame kocibo i nyim wa.

Iburanian 6:12

Man bino mino likame ibedunu kede wackom, do ibinunu bedo jo kame lubo ekite me jo kame udo gikame Rubanga ocikere mino pi yei kede pi dire gi.

Iburanian 6:15

Kikano, Aburaam oko bedo kede dire di eko udo gikame Rubanga oudo ocikere pi mine.

2 Petero 1:3

Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

2 Petero 3:11

Bala kame kobino tieko kede jamini nogi iepone noni, wun do miero ibedunu jo acal nadi? Miero ibedunu kede kuo kacil me woro Rubanga,

Gianyuta 1:9

Ango Yokana omin wu, kame pi yei Yesu, anywako kede wu itidil, Ajakanut kede ikanyakin di otienu kede dire. Ango oudo atie i cula kame kolwongo be Patimos, pi kop ka Rubanga kede pi ijura kame Yesu omio.

Gianyuta 13:10

Ka oudo koiko ne ngatamoro be kobino make kotere, kobino make kotere da; ka oudo koiko ne ngatamoro to me epima, kobino neke kede epima da. Manoni tie lwongo but jokacil pi bedo kede ikanyakin kede yei.”

Gianyuta 14:12

Man tie lwongo but jokacil pi kanyakino, jo kame gwoko cik ka Rubanga kede kame moko i yei gi i kom Yesu.

Gianyuta 2:2

Ango angeo tice wu, cane wu, kite kame idiunu kede cunyu, ikanyakin kede epone kalikame wun ikarununu kanyo kede tim me jo areco, do wun itiekunu tamo jo kame lwongere ken gi be joor do di li, di ikounu udo be gin kingalo.