2 Petero 1:3 - Baibuli I Leb Kumam 2013

³ Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

2 Petero 1:3 Iomraidhean Croise

Sabuli 110:3

I ceng kame in ibino telo kede jo yi ni i wi moru kacil, jo ni bino jalere ken gi me ot yi, awobe ni bino bino buti bala toyo kame bino odiko.

Sabuli 84:11

Pien Rwot Rubanga tie bala ceng kede ebuku wa; en etimo ne wa bero doko emio wa deyo. Likame tie gimoro aber kame Rwot twono jo kame timo gi kopoore.

Agole 12:4

Dako aber kelo ne cware wor, do dako akelo ne cware lewic cal bala buge atie camo cogere mege.

Agole 31:10

Udo dako kame ber tin tek benyo! En eber ekalamo kide me wel.

Agole 31:29

Cware waco ne be, “Mon atot otieko timo jamini abeco twatwal, do in ilo gin dedede.”

Matayo 28:18

Yesu oko ot but gi di en eko waco ne gi be, “Kotieko mina akarunikin dedede me i malo kede me lobo.

Joroma 8:32

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

Joroma 9:24

akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da.

1 Jokorinti 1:9

Rubanga genere, en kame elwongo wu pi bedo i nywak kede Wode Yesu Kirisito, en Rwot wa.

2 Jokorinti 12:9

Do en eko dwoko na be, “Kisa nango romi, pien kame in igoro, twer nango dwong kalamo.” Ango do abino meede ameda wakere kede yomcuny pi goro na, tetekeny twer ka Kirisito bed i koma.

Joepeso 4:1

Pi mano, ango ngat kame abedo mabus pi Rwot, angangao wu pi bedo iepone me kuo kame upere kede lwongo kame kolwongo wu iye.

Joepeso 4:4

Kom tie acel doko Tipo da tie acel, bala kame gen kame Rubanga olwongo wu iye da tie acel.

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

Jopilipi 4:8

Me ajikini mere, imiegu kede amiegu na, ketunu tam wu i gi dedede me ateni kame poore awora, i gi dedede kame opoore, i gi dedede kacil, i gi dedede kame jo maro, i gi dedede kame pirgi tek, i gi dedede kame ber adikinicel kede i gi dedede kame poore apaka.

Jokolosai 1:16

Pien kocweo gi dedede i en, gikame tie i malo kede i wi lobo, gikame neeno kede kalikame neeno, kiton ajakanuto, amoto loc, tipere kame pugo, kede akarunikin, kocweo gi dedede di beo kibute, doko pire.

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

1 Jotesalonika 4:7

Likame Rubanga olwongo wa pi bedo kede tim me caro, do pi bedo jokacil.

2 Jotesalonika 2:14

En elwongo wu i ejiri kame wan otuco pi kop noni, tetekeny iudunu deyo ka Rwot wa Yesu Kirisito.

1 Temeseo 4:8

Pien akadi bed bala rierieo kom wa tie kede kony moro, do bedo kede wor but Rubanga konyo i yore dedede, piento en ecikere pi mino wa kuo i kare kanataman kede i kare kame bino bino.

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

1 Petero 1:15

Do bala kame ngat kolwongo wu tie ngat kacil, wuda kikomu bedunu jokacil iekite wu lung.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Petero 2:21

Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Petero 3:9

Kur iculunu raco kede raco, arabo ayet kede ayet; do akaka manono, kwaunu winyo ne jo kame timo ne wu kamanono, pien kolwongo wu pi manoni me wek iudunu winyo.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

2 Petero 1:10

Pi mano, imiegu kede amiegu na, meedenu bedo kede mit me moko lwongo kede ayera wu, pien ka itimunu kamanoni likame ibinunu agetar.

2 Petero 1:2

Ango akwao be, Rubanga med ne wu kisa kede mulem mere pi ngec kame itienu kede i kome kede i kom Rwot wa Yesu Kirisito.

2 Petero 1:5

Pi kop acel noni, tamakinunu medo bero i kom yei wu, di ikounu medo ngec i kom bero wu,

2 Petero 1:6

ikounu medo dino mit me kom i kom ngec wu, ikounu medo dino cuny i kom dino mit me kom, ikounu medo cuny me woro Rubanga i kom dino cuny,

2 Petero 1:8

Pien kame itienu kede gigi dedede, di kitie nyai i kuo wu, kibino gengo wu bedo abongo teko, arabo bedo jo kame li kede kony moro i kom kop kame mako ngeno Rwot wa Yesu Kirisito.

2 Petero 2:20

Pien ingei gin bwot ki emuna me lobo kan pi ngec gi i kom Rwot kame obedo Ngalak wa Yesu Kirisito, kiko bobo alogorokin i ginogo, di ginogo oko bwono teko gi. Man omio nan kitie do iepone me kuo arac kalamo bin i agege.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.

Lusi 3:11

Aso, nyara, nan kur ibed kede lworo, ango abino timo ni gi dedede kame in ipenyo, pien jo nango dedede ngeo be in ibedo dako aber.