2 Petero 1:12 - Baibuli I Leb Kumam 2013

¹² Pi mano, ango amito bedo di apoo wi wu nakanaka i kom gi nogi, akadi bed bala ingeunu gi, doko di itiekunu asipakin kitek i kop me ateni kame kokelo ne wu.

2 Petero 1:12 Iomraidhean Croise

Tice 16:5

Mano oko mino ikodeta me jokirisito oko doko tek i yei, di wel gi oko donyo meede ceng acelacel.

Jopilipi 3:1

Kop me ajikini mere, imiegu kede amiegu na, lelunu i Rwot. Likame ango abino ool kede nyogao wandiko ne wu gikame oudo atieko wandiko, pien kibutu etie gikame bino konyo wu.

Jokolosai 1:5

pi gen kame kokano piru i malo. Wun oudo igeunu winyo kop i kom gen noni sek, i kop me ateni kame obedo ejiri

Jokolosai 2:7

Miunu aliasin me kuo wu donyi i en di ikounu gero kuo wu i kome, di icungunu di itekunu i yei wu bala kame oudo kopwonyo wu kede, di ipongunu kede pwoc.

1 Temeseo 4:6

Ka imio imiegu kede amiegu pwony nogi, ibino bedo ngatic aber me ka Kirisito Yesu, di ipito cunyi kede kop me yei kede pwony aber kame ibedo lubo.

2 Temeseo 1:6

Pi mano, ango apoo wi be, cei giamia ka Rubanga kame emi i kare kame bin ango adokakino kede cinga i wi.

Iburanian 10:32

Yutununu kong kare kokato, i kare kame bin iutenu kede can di ikanyakinunu, ingei wun bedo kede lero ka Rubanga.

Iburanian 13:9

Kur iyeunu pwony mogo apapat kame ikwianu rweny wu. Pien eber ka kisa ka Rubanga en kame omio cuny wa teko, do weko iswilia kame mako cam mogo, gi kalikame pwodi obedo kede kony moro but jo kame lubo gi.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Petero 5:12

Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.

2 Petero 1:13

Ango aparo be eber nango poono wi wu, tek di ango pwodi atie akuo i piny kan;

2 Petero 1:15

Ango abino tamakino neno be ibinunu karuno yutuno gigi esawa moroni kenekene ingei to na.

2 Petero 3:1

Jo na kame amaro, man nan do en baluwa me are kame atie wandiko butu. I baluwan nogi dedede, ango abedo tamakino supo cunyu di apoo wi wu be,

2 Petero 3:17

Pi mano, wun jo na kame amaro, bala kame itiekunu cako ngeno kede man sek, gwokerenu kur acetar me jo kalikame woro iswil rweny wu, di kiko mino wu ipotunu ki kakame nataman icungunu iye kitek.

1 Yokana 2:21

Ango awandiko man butu, likame pien wun ikwianu ateni, do pien wun ingeunu ateni, doko ingeunu be likame tie angalo moro kame wok ki ateni.

2 Yokana 1:2

pien wan otie kede ateni i cuny wa, doko da ebino bedo kede wa nakanaka.

Yuda 1:17

Do wun jo na kame amaro, miero iyutununu gikame bin joor ka Rwot wa Yesu Kirisito oudo ogeo waco sek.

Yuda 1:3

Jo na kame amaro, bala kame atie kede mit adwong me wandiko ne wu kop i kom alako kame wan onywakunu, omio aneno be emitere pi ango wandiko ne wu baluwa kame supo cunyu pi yi pi yei kame Rubanga omio jo mege tien acel atwal.

Yuda 1:5

Nan amito medo niango wu, bed bala oudo kotieko niango wu iye kiber, be, Rwot ngat kame bin olako jo ki piny me Misiri tien acel atwal, bin i cen mere eko neko jo kalikame oyei.