2 Iyutun 9:8 - Baibuli I Leb Kumam 2013

⁸ Pak bed but Rwot Rubanga ni, en ngat kame cunye obedo yom i komi di eko keti ibedo abaka me Isirael! Pien Rwot otieko maro jo me Isirael atwal, en etieko mini ibedo abaka pi timo gi me ateni kede kopoore.”

2 Iyutun 9:8 Iomraidhean Croise

2 Samuel 23:3

Rubanga me Isirael otieko yamo; ngat kame obedo Lela me Isirael owaco na be, “Abaka kame pugo jo mege i yore aber, kame pugo di etie kede wor i kom Rubanga,

2 Samuel 8:15

Daudi bin oko pugo Isirael lung di engolo kop i ateni doko di etero jo mege dedede kiber.

1 Abakai 10:9

Pak bed but Rwot Rubanga ni, en ngat kame cunye obedo yom i komi di eko keti ibedo abaka me Isirael! Pien Rwot otieko maro jo me Isirael atwal, en etieko mini ibedo abaka pi timo gi me ateni kede kopoore.”

1 Abakai 3:28

Jo me Isirael dedede oko winyo kite kame abaka oudo ongolo kede kop nono di gin kiko bedo kede wor adwong bute, pien gin kiniang be Rubanga oudo otieko mine rieko me ngolo kop kakare.

1 Iyutun 17:22

In itieko mino jo ni me Isirael odoko megi atwal; doko in Rwot itieko doko Rubanga gin.

1 Iyutun 28:5

En emia awobe atot, di kikom gi en eko yero Sulumani pi bedo i kom me ajakanut mere me Isirael, pi pugo jo Isirael.

1 Iyutun 29:10

Di do Daudi oko pako Rwot i nyim ekodet lung kame oudo ocokere. En ewaco be, “Pak bed buti nakanaka, Okwe Rwot, Rubanga ka kwaru wa Isirael.

1 Iyutun 29:20

Di do Daudi oko waco ne ekodet lung kocokere be, “Pakunu Rwot Rubanga wu!” Di ekodet lung kocokere oko donyo pako Rwot Rubanga ka joakwari gi, di kiko riebere piny i nyim Rwot kede i nyim abaka da.

1 Iyutun 29:23

Aso, Sulumani oko bedo i kom me ajakanut kame Rwot oudo ocibo, di eko lunyo wang papa mere Daudi bala abaka. En eko timo tic kiber di jo Isirael dedede oko donyo lubo kop mere.

2 Iyutun 13:8

Nan in itie mito yi kede apugan kame Rwot omio ikwae ka Daudi, be pien in itie kede twon ekodet me isirikalen kede idwe twonin kame Yeroboam otimo ne wu pi bedo rubangan wu.

2 Iyutun 2:10

Ango abino mino jo ni ayango ibaon ipukoi tutumia ot are (20,000) me engano kame koriego, kede mawele da arom kamanono, kede bwini lita tutumia tol ongwon (400,000), kede mo me olibeti da karom kamanono.”

2 Iyutun 2:11

Abaka Kiram me Taya oko dwoko ne Sulumani kop kede baluwa kame waco be, “Pi kite kame Rwot maro kede jo mege omio eko keti ibedo abaka me jo mege.

2 Iyutun 9:7

Jo ni tin tie kede winyo benyo! Jotic ni tin tie kede winyo benyo, gin jo kame kitio buti nakanaka di kiwinyo kope ni me rieko!

2 Iyutun 9:9

Di do en eko mino abaka saabu kame kalamo kilo tutumia ongwon (4,000), twon jamini angwe kur, kede kide me wel; likame bobo tie kare moro kame bin otero ne kede abaka Sulumani jamini angwe kur kame koromo poro kede kame abaka adako me Seba omie.

Sabuli 18:19

En ekonya ki peko kame oudo odia; en elaka pien oudo cunye yom i koma.

Sabuli 22:8

Gin kiwaco be, “En egeno Rwot, wek Rwot konye; wek Rwot lak ngat kame yomo cunye.”

Sabuli 72:2

Miero epug jo nin i yore kopoore, doko epug jocan i yore me ateni.

Sabuli 99:4

Abaka Won Twer, ngat kame maro gikame kotimo i yore me ateni, in en ikelo ngolo kop me ateni i Isirael; ikelo da kuo kopoore kede timo ne ngat acelacel bala kame poore ne.

Agole 21:3

Rwot pwoyo dano atimo gikame opoore kede kame timo gi dedede i yore me ateni kalamo ngat kame mio giayala.

Agole 29:4

Piny bedo kiber ka abaka timo gikame opoore, do ka eketo cunye i sente kame komie i pipiny, en ebino dudubo piny mere.

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 62:4

Likame bobo kobino lwongi be “Bomba kame Koweko,” doko lobo ni da likame bobo kobino lwongo be “Dako kame Koweko,” do kobino lwonge be “Cuny Rubanga Yom i kome.” Lobo ni kobino lwongo be, “Konyome,” pien cuny Rwot yom i komi, doko en ebino bedo cal bala cwar lobo ni.

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Iswilia 7:8

Do en oudo emaro wu doko oudo emito cobo kwongere kame en bin etimo but joakwari wu. Manono en komio en bin ekwanyo wu kede twer adwong di eko lako wu ki bedo ipasoi ka Parao abaka me Misiri.