2 Iyutun 9:11 - Baibuli I Leb Kumam 2013

¹¹ Sulumani bin oko tic kede ibaon nogo me timo kayito me ot ka Rwot kede me ot ka abaka, kede da me timo adungun kede arigirigin ne jogoi were; likame bobo ibaon me yat alemug kame cal kede magonogo oko neeno i Yuda tuno tin.

2 Iyutun 9:11 Iomraidhean Croise

1 Abakai 10:12

Sulumani bin oko tic kede ibaon nogo me ipirin me ot ka Rwot, kede me ot ka abaka, kede da me timo adungun kede arigirigin ne jogoi were; likame bobo ibaon me yat alemug kame cal kede magonogo oko neeno tuno tin.

1 Iyutun 23:5

Jolebi tutumia ongwon (4,000) pi bedo jodar irutei, kede Jolebi tutumia ongwon (4,000) pi bedo jogoc me were me pako Rwot kede jamini me wer kame abaka oudo oiko pi tic nono.

1 Iyutun 25:1

Daudi kede jotel me isirikalen bin oko yero ikwae ka Asap, ikwae ka Keman, kede me ka Yedutun pi bedo jo kame telo kop me wer. Gin oudo kipoore pako Rwot di kigoo arigirigin, adungun, kede suanin abatal. Nying jo kame bin oko yero i tic nono kede ipelun gi ige:

2 Iyutun 2:8

Cwai na da ibaon me yen seda, saipuras, kede alegum, pien ango angeo be jotic nin tie kede diru i tic me ibaon me Lebanon. Jotic nango bino tic karacel kede jotic nin

2 Iyutun 9:10

Medo i wi manono, imerin ka Kiram kame bin yeo saabu kikelo ki Opir, bin oko kelo da ibaon me yat alemug kede kide me wel.

2 Iyutun 9:12

Abaka Sulumani bin oko mino abaka adako me Seba jamini dedede kame en oudo enyuto be cunye mito, jamini kame kalamo giamia kame abaka dako nono oudo okelo ne. Di do abaka adako nono kede jotic mege oko dok i lobo mere.

Gianyuta 5:8

Kakame en etieko gamo kede itabu adola nono, giacwea akuo ongwon kede joadongo ot are kiwie ongwon nogo oko riebere i nyim Katin Romo, ngat acelacel kikom gi oudo tie kede adungu kede bakulin kame kotimo kede saabu di oketo i yi gi bubani pong, kame obedo ilega me jokacil.