2 Iyutun 7:7 - Baibuli I Leb Kumam 2013

⁷ Cenge nono da abaka oko kwero cuny diakal kame oudo tie i nyim ot ka Rwot. En emio giayala awanga kede giayala me alos kede kakamio me giayala me nywak kanono. En etimo kamanono pien alutari me nyonyo buronsi kame oudo tie i nyim Rwot oudo titidi twatwal likame eromo giayala nogi dedede.

2 Iyutun 7:7 Iomraidhean Croise

2 Iyutun 36:14

Josaseredoti adongo dedede kede jo da bin likame oko bedo kede genere but Rwot atwal atwala. Gin kibedo lubo gikareco me atekerin apat, di kiko pwoko tempulo kame Rwot kikome en kolonyo i Yerusalem.

2 Iyutun 4:1

Abaka Sulumani bin oko mino kotimo alutari me nyonyo buronsi, kame laco mere oudo tie mita kanyangon, boro mere da kamanono, kede boro mere malo oudo tie mita ongwon kede dul.

Wel 29:39

Magonogi en iswilia kame mako giayala awanga, giayala me alos, giayala amata, kede giayala me nywak kame ibinunu mino buta i kare me ibagai kame kotieko moko. Kobino mino giayala nogi medo i wi giayala kame imiunu pi cobo kwongere wu arabo me bercuny.