2 Iyutun 7:6 - Baibuli I Leb Kumam 2013

⁶ Josaseredoti oudo ocungo i kabedo kame komio gi; Jolebi da oko cungo kargi, di kitie pako Rwot Rubanga kede jamini me goc kame bin Abaka Daudi otimo me pako Rwot, di kiwero be, “Amara mere bedo nakanaka!” I bad tetucel kakame pimere kede gi, josaseredoti oudo tie kuto agwarai di jo dedede me Isirael tie cungo.

2 Iyutun 7:6 Iomraidhean Croise

1 Iyutun 13:8

Daudi kede jo dedede me Isirael oudo tie miel kede teko gi lung pi mino wor but Rubanga, di kiwero kede kigoo arigirigin, adungun, bule, suanin abatal, kede di kikuto agwarai.

1 Iyutun 15:24

Josaseredoti Sebania, Yosapat, Netanel, Amasai, Sakaria, Benaya, kede Elieser, bin oko mino gi tic me kuto agwara i nyim Sanduku me Isikan ka Rubanga. Obed Edom kede Yekia da bin komio tic me daro erute kame donyo kabedo kame oudo koketo iye Sanduku me Isikan.

1 Iyutun 16:34

Okwe miunu Rwot pwoc piento en eber; pien amara mere kalikame lokere bedo nakanaka.

2 Iyutun 23:18

Yekoyada oko keto Josaseredoti kede Jolebi pi timo tic me tempulo. Gin oudo kipoore timo tic kame bin Abaka Daudi opoko negi, tic me mino giayala awanga but Rwot, bala kame kowandiko i Iswil ka Musa, di kiwero kede yomcuny bala kame Daudi oudo ociko.

2 Iyutun 29:25

Abaka Esekia oko keto Jolebi i tempulo di kimako suanin abatal me gono were, adungun, kede arigirigin. En elubo cik dedede kame Rwot bin omio Abaka Daudi di ebeo kibut Gad enabi ka abaka, kede enabi Natan.

2 Iyutun 29:27

Di Esekia oko mino cik be mi giayala awanga i wi alutari. Kakame bin oko cako mino kede giayala awanga, jo da oko cako wero were me pako Rwot, di okuto agwarai kede kogoo jamini me wer kame bin Abaka Daudi me Isirael otio kede.

2 Iyutun 7:3

Kakame jo me Isirael oneno kede mac di wok ki malo, kede doko di rieny me deyo ka Rwot di oromo yi tempulo, gin kiko luro wi gi piny i diakal, di kiko woro Rubanga di kimie pwoc di kiwaco be, “En eber, pien amara mere kalikame lokere bedo nakanaka.”

2 Iyutun 7:5

Sulumani oko mino bala giayala me nywak but Rwot doke tutumia ot are kiwie are (22,000), kede romini tutumia tol acel kede ot are (120,000). Aso, abaka kede jo dedede me Isirael oko bin kwero ot ka Rubanga kamano.

Esera 6:18

Di do oko mino josaseredoti kede Jolebi tice gi amako gi i tempulo i Yerusalem, di lubere kede iswilia kame Musa oudo owandiko.

Sabuli 106:1

Pakunu Rwot! Okwe miunu Rwot pwoc piento en eber; pien amara mere kalikame lokere bedo nakanaka.

Sabuli 107:1

Okwe, miunu Rwot pwoc piento en eber; pien amara mere kalikame lokere bedo nakanaka.

Sabuli 138:8

Rwot bino cobo iik mere pira; amara nin kalikame lokere bedo nakanaka, Okwe Rwot. Kur ijal tic kame cingi otimo.

Sabuli 87:7

Jower kede jomiel da waco be, “Winyo wa dedede wok ki Sion.”

Isaya 52:6

Pi mano, ibinunu ngena; ibinunu ngeno be ango Rubanga inononi kame atie yamo kede wu; ango ine kan.”

Amosi 6:5

Wun imarunu teto were anyen bala bin Daudi, di ikounu donyo wero gi di igounu adungu.

Yosua 6:4

Josaseredoti kanyaare bino ot i anyim me Sanduku me Isikan; ngat acelacel kikom gi bino mako agwara me tung emerekek. I ceng me kanyaare in kede isirikalen ni ibinunu jwiao mamano bomba nono tien kanyaare di josaseredoti kuto agwara.