2 Iyutun 7:3 - Baibuli I Leb Kumam 2013

³ Kakame jo me Isirael oneno kede mac di wok ki malo, kede doko di rieny me deyo ka Rwot di oromo yi tempulo, gin kiko luro wi gi piny i diakal, di kiko woro Rubanga di kimie pwoc di kiwaco be, “En eber, pien amara mere kalikame lokere bedo nakanaka.”

2 Iyutun 7:3 Iomraidhean Croise

1 Abakai 18:39

Kakame jo dedede oneno kede gi kotimere, gin kiko riebere piny di kiko waco be, “Ateteni Rwot en Rubanga; ateteni Rwot en Rubanga!”

1 Iyutun 16:34

Okwe miunu Rwot pwoc piento en eber; pien amara mere kalikame lokere bedo nakanaka.

1 Iyutun 16:41

Keman kede Yedutun oudo tie kede gi, kede jo ace da kame oudo koyero pi mino pwoc but Rwot, pien amara mere kalikame lokere bedo nakanaka.

1 Iyutun 29:20

Di do Daudi oko waco ne ekodet lung kocokere be, “Pakunu Rwot Rubanga wu!” Di ekodet lung kocokere oko donyo pako Rwot Rubanga ka joakwari gi, di kiko riebere piny i nyim Rwot kede i nyim abaka da.

2 Iyutun 20:18

Di Yekosapat oko luro nyime piny, di jo dedede me Yuda kede Yerusalem oko riebere piny i nyim Rwot, di kiko wore.

2 Iyutun 20:21

Ingei en poro kop kede jo, abaka oko yero jo kame poore wer ne Rwot di kipake di kingapo angapito kacil ameny, di gin kitelo ne isirikalen yongayo di kiwero be, “Opakunu Rwot! Amara mere bedo nakanaka!”

2 Iyutun 29:28

Jo dedede koudo ocokere oko woro Rwot, di wer kede kuto agwarai meede anyim, tuno giayala dedede tieko wang.

2 Iyutun 29:29

Di do Abaka Esekia kede jo dedede oko riondiko piny di kiko woro Rubanga.

2 Iyutun 29:30

Abaka Esekia kede jotel oko mino cik but Jolebi pi gin cako pako Rwot kede were ka Daudi kede me enabi Asap. Gin kiko wero were me pak kede ilel adwong, di kiko luro wi gi piny kiko woro Rubanga.

Esera 3:11

Gin oudo kitie wero wer me pako Rwot kede me mine pwoc be, “Rwot ber, amara mere kalikame lokere but jo me Isirael bedo nakanaka.” Jo dedede oko donyo wer di kilelemo kitek di kipako Rwot, pien oudo kocako napo kide me dud apama me tempulo.

Sabuli 100:5

Piento Rwot ber; amara mere kalikame lokere bedo nakanaka, doko egenere but lwak me kare dedede.

Sabuli 103:17

Do amara kalikame lokere ka Rwot tie pi kare dedede but jo kame lwore, doko poore mere kelo alako but ikwae kede ikwae

Sabuli 106:1

Pakunu Rwot! Okwe miunu Rwot pwoc piento en eber; pien amara mere kalikame lokere bedo nakanaka.

Sabuli 107:1

Okwe, miunu Rwot pwoc piento en eber; pien amara mere kalikame lokere bedo nakanaka.

Sabuli 118:1

Okwe, miunu pwoc but Rwot, piento en eber; amara mere kalikame lokere bedo nakanaka!

Sabuli 95:6

Okwe bia owerunu, olurunu wi wa piny, oriondikunu i nyim Rwot ngat Kocweo wa!

Yai 4:31

Jo oko yei kope gi; di do kakame kiko winyo kede be Rwot oudo obino but gi di eko neno kite kame oudo kotie tero gi kede kirac, gin kiko luro wi gi piny di kiko woro Rwot.

Isaya 63:7

Ango abino tatamo gikame Rwot otieko timo pi kisa mere, jamini kame mio wan poore opake. En etieko timo bero adwong but jo me Isirael pi cuny me kisa mere kede pi amara mere kalikame lokere.

Yeremia 33:11

bino winyere iye dwan jo kame lelemo kede kilel, dwan jo kame tie i ebaga me nyom, kede dwan jo kame tero giamia gi i ot ka Rwot di kiwero be, “‘Pwounu Rwot me jo yi, pien Rwot ber, doko amara mere kalikame lokere bedo nakanaka.’ “Pien ango ayaro dwoko mulem me lobo noni i kite kame oudo etie kede sek, ango Rwot en awaco.”

Jolebi 9:24

Mac oko wok kibut Rwot di eko wango giayala awanga dedede karacel kede kakamio kame oudo tie i wi alutari. Kakame jo oneno kede manono, gin kiko icelakin di kiko riebere piny.

Wel 14:5

Di Musa kede Aaron oko riebere piny i nyim ekodet me jo me Isirael.

Wel 16:22

Do Musa kede Aaron oko riebere piny kwano Rwot di kiwaco ne be, “Okwe Rubanga, in en Rubanga kame mio kuo, benyo, in ibino doko ger ne ekodet dedede pi dub me dano acel kenekene?”

Luka 1:50

Doko cuny mere me kisa tie but lwak me i kare dedede kame wore.